Romantic and Love Shayari

[rajaarkey]

Pyar Ne Chhoda Asar Dheere-Dheere,
Kya Hua Jo Mudi Nazar Dheere-Dheere,

Chahat Se Bhra Hua Hai Machalta Dil,
Kaafir Hui Mastani Nazar Dheere-Dheere,

Alhad Ada Thi Unki Pahle Is Traha,
Ab Diwangi Chadti Umar Dheere-Dheere,

Umadta Gaya Masti Ka Sama Fiza Mein,
Uthha Ab Jawaani Ka Bhanwar Dheere-Dheere,

Surkh Lab Utre Maidan Mein Ek Saath,
Puri Hui Uski Har Kasm Dheere-Dheere,

Sarka Jo Aanchal Fir Sanwrne Na Diya,
Madhosh Ho Gaya Pyar Mein Dheere-Dheere,

Saanso Ki Sabnam Yeh Aahon Ke Shole,
Hote Gaye Sab Be-Asar Dheere-Dheere,

Talab Rahti Hai Kho Jaaun Tujh Mein,
Hoti Rahe Shab Mein Shahr Dheere-Dheere…

[rajaarkey]

Khamosh Hothhon Ka Gar Ishara Mil Jaaye,
In Dilkash Nagmon Ka Sahara Mil Jaaye,

Aapki Mast Nazaren Bekaraar Lagti Hain,
Mujhe Bhi Shayad Koi Nazara Mil Jaaye,

Chhu Loon Agar Main In Surkh Hothhon Ko,
Sard Aahon Ko Tapta Sahara Mil Jaaye,

Eh Khuda Mannat Apni Ho Jaaye Poori,
Agar Woh Bichhda Hamein Pyar Mil Jaaye,

Lahron Ki Chahat Hai, Sahil Ke Dil Mein,
Uske Dil Mein, Is Dil Ko Ek Kinara Mil Jaaye,

Khamosh Hothhon Ka Gar Ishara Mil Jaaye,
In Dilkash Nagmon Ka Sahara Mil Jaaye…

[rajaarkey]

ujhe Chahte Hain Eh Sanam Bas Teri Aarjoo Hai,
Tu Zindagi Hai Meri, Tu Meri Har Khushi Hai,

Mujhe Duniya Se Garaj Kya Tu Meri Justju Hai,
Bas Tere Dam Se Hamdam Meri Duniya Hanshi Hai,

Haathon Mein Tere Sanam Mere Pyar Ki Aabroo Hai,
Tere Naam Par Kurbaan Meri Jaan-O-Zindagi Hai,

Tu Saamne Hai Mere Toh Khuda Roo-B-Roo Hai,
Tu Hi Chahton Ki Manzil, Tu Hi Meri Bandagi Hai,

Tujhe Chahte Hain Eh Sanam Bas Teri Aarjoo Hai,
Tu Zindagi Hai Meri, Tu Meri Har Khushi Hai…

[rajaarkey]

Jab Se Meri Aap Se Mulakat Ho Gayi Hai,
Dost Kahte Hain Aap Meri Jaan Ho Gayi Hai,

Azeeb Kashmkash Mein Uljha Hua Hun Main,
Ab Har Saans Meri Aapki Gulam Ho Gayi Hai,

Jab Se Aayi Hain Aap Meri Zindagi Mein,
Har Khushi Dil Se Hum-Zubaan Ho Gayi Hai,

Aapke Hothhon Par Kya Aayi Gazlein Meri,
Us Din Se Meri Har Shayari Bhi Jawaan Ho Gayi Hai,

Aap Chha Gaye Hain Meri Zindagi Pe Is Kadar,
Har Ek Meri Dhadkan Aapki Gulam Ho Gayi Hai,

Jee Chahta Hai Baahon Mein Samet Loon Aapko,
Sukun Chhin Gaya Hai, Neend Haraam Ho Gayi Hai,

Dekhkar Khuli Huyi Zulfein Aapki Eh Sanam,
Ghatayein Sham Ki Pareshaan Ho Gayi Hai,

Sunkar Jhankaar Aapki Paayal Ki Eh Sanam,
Mahfil Sangeet Ki Bejubaan Ho Gayi Hai,

Jab Se Meri Aap Se Mulakat Ho Gayi Hai,
Dost Kahte Hain Aap Meri Jaan Ho Gayi Hai…

[rajaarkey]

Tujhe Dekhe Jo Koi Bhi, Wahi Jag Ko Bhool Jaaye,
Tujhe Pyar Karun Main Itna, Tu Sabko Bhool Jaaye,

Tujhe Dekh Kar Farishte Bhi, Rab Ko Bhool Jaaye,
Tujhe Khushiyan Dun Itni Ke Tu Sab Gham Bhool Jaaye,

Tu Mere Kareeb Aa Kar Sab Tanhaiyaan Bhool Jaaye,
Tu Dil, Main Dhadkan, Dono Ek Dooje Ke Hamraaj Ban Jaaye,

Eh Sanam Tujhe Main Pyar Karun Itna Ki Tu Sabko Bhool Jaaye,
Kho Jaayein Hum Dono Pyar Mein Aise Khud Ko Bhool Jaaye…