Phela pyar-koi jeeta koi hara

[shaziya]

Phela pyar-koi jeeta koi hara



Hello Friends,

Iss story ka title he 'Pehla Pyar - Koi Jeeta
Jesa ke title se hi clear he yeh ek Love Story he. Ab yeh story baaki stories se kitni different he ya nahi he. Yeh aap sab ko judge karna he.

Yeh aap ko kitni pasand aati. Aati bhi he ya ke nahi. Yeh aap hi batao ge.

Wese iss introduction mein abhi main aap ko iss story ke baare mein kuch nhi batane ja rahi.

Yeh story thodi lambi chale gi. But I hope aap fir bhi apna valuable time nikal ke padhe ge jarur.

[shaziya]

Anjani manzil
Part-1

Anjani manzil, ajnabi humsafar. Jo sath safar kare woh humsafar kehlata he bhalle hi woh kuch der ka hi sathi ku na ho. Kesa ajeeb itefak he ke kuch ghanto ke sathi aise lagte he jaise barso purane sathi ho. Kuch to begane hi rehte he aur kuch kitna kareeb aa jate he. Yoon to barso se sath rehne wale bhi kabhi kabhi begane hi rehte he wo bhi tamaam umar aur kuch aaj kal mein hi pal bhar ke sath se hi dil mein ghar kar jaate hein. Aisa kahin bhi kisi ke saath bhi ho sakta he.

Radhika ke sath bhi kuch yoon hi hua.
Wo delhi se Chennai ja rahi thi.
Akeli thi wo. Achanak jana padh raha tha.
3rd ac mein seat na mili kisi bhi train mein.
To majbooran uss ko jammu Chennai exp. Mein 2nd ac mein seat leni padhi.
Yeh ek aisi train he jo delhi to Chennai sab se jayada time leti he.
But majboori thi.
Radhika ek middle class family se thi so itna mehnga safar wo to afford nahi karti thi magar yeh trip official tha so uss ko fair aur baki sab kharcha company de rahi thi.
Iss liye usse koi problem na thi.
Radhika age 27-28. Color halka sanwla. Height 5’2” ya 3”.
Bharra bharra akarshak badan but motti to katai nahi najar aati thi wo.
Behad chusat, furteeli aur chalak bhi jese delhi ki ladkiya dekhne ko milti he.
Tabhi to delhi se Chennai akele ja rahi thi.
4 berth k cabin mein enter hote hi us ne dekha k neeche ki dono berth par ek 50+ age ka ek couple betha tha.
Dikhne mein hi wo couple Chennai side means south Indian lag raha tha.
Dono apni language shayad tamil mein hi baat kar rahe the.
Radhika unn ko dekh muskrai to jaroor magar sochne lagi “phans gayi budho ke beech”.
Radhika ki berth ooper wali thi.
Coolie ne samaan rakh ke pese liye aur chala gya.
Dopehar ka time tha abhi.
May month ka second week tha.
Bahar poori garmi thi. But yaha to wo ac mein thi.
Bahar se garmi mein aane k karan wo abhi paseene se nahai hui thi.
Ooper dekha to uss ke samne wali berth abhi khali thi.
Radhika ne rumal se chehre ka paseena saaf karte hue aurat ko dekh poocha ‘may I sit here for some time’
Wo aurat ne ‘yes yes’ smile dete kaha.
‘r u going to chennai’ radhika ne ek gehri saans lete uss aurat se poocha.
‘yes’ uss aurat ne muskra kar jwab diya.
‘and u too?’ iss baar mard bola.
‘yes me too’ jese hi radhika ne reply kiya to wo mard muskra diya ajeeb type se.
yeh dekh mann hi mann boli radhika ‘sala soch raha hoga chalo jawan chhokri ka sath mila’
phir wo sochne lagi chalo dekhte he shayad ooper koi acha sath mil jaye.
Kuch der mein train chal padhi.
Abhi tak koi na aya.
yeh soch hi rahi thi radhika ke ho sakta he ke yeh seat khali hi jaye tabhi cabin ka door khula.
TT ke sath ek naujwaan ladka tha.
TT ne ladke ko birth dikhate kaha,‘yeh he tumari berth’.
Ladke ne ander jhanka fir TT ke peeche lapka ‘sir kahi change kar do koi lower berth’
‘not available sorry’ keh kar TT aage chala gya.
Ladka muh latkaye ander chala aya.
Ek bag kandhe pe aur doosra ek haath mein.
Bina kisi ko dekhe dono bag ooper berth par rakhe aur ooper chadh gaya.
Bud-buda raha tha lagataar.
Dikhne mein hi Punjabi lag raha tha.
Yeh radhika soch rahi thi ku k us ki bud-budahat mein gaaliya saaf samaj aa rahi thi.
Ladke ki umar 21-22 ke aas paas thi.
Gora chitta rang. Ikehra badan ladkiyo ki tarh innocent chehra. 5’8” height.
Tight jeans, shirt aur ankho par kala chashma.
Radhika ne khud se kaha ‘haye kitna chikna kitna cute he’
Radhika bhalle uss ko lagatar dekhe ja rahi thi par uss ladke ne ek baar bhi radhika ko na dekha.
Radhika ko mann hi mann gussa aane laga tha kesa ladka he ye jis ne ek baar bhi mujhe nahi dekha. Pata nahi kese kate ga itna lamba safar. Ek taraf yeh budhe aur ek yeh chhora. Lagta to nahi ye Chennai tak jaye ga.

Radhika ki sochein tooti jab wo ladka neeche kooda aur cabin se bahar nikal gaya.
Tabhi neeche wali seat par bethi aurat apne mard se boli tamil mein kuch.
Mard ne bhi tamil mein hi reply diya to wo aurat uth kar bahar nikal gyi.
Iss par radhika sochne lagi kesa desh he hamara. Ek hi desh mein reh ke bhi hum ek doosre ki bhasha nahi samaj paate.
‘kya soch rahi ho’ achanak mard ke hindi mein bolte hi radhika ne chonk kar us ki aur dekha.
‘aap hindi jaante he?’ radhika muskrai.
‘yes meri wife bhi janti he magar mujh se thoda kam. Wo toilet gyi he’ mard ne kaha.
‘oh’ radhika ne bas ek hungara bhara.
‘tum akeli feel mat karna hum he na. hum se baat kar sakti ho’ achanak mard ne thoda aage ho radhika ke kandhe par haath rakha aur kandhe ko dabate kaha.
‘sala tharki bhudha.’ Radhika mann mein boli.
Mard: kya name he tumara
Radhika: radhika
Mard: sweet name. u r sweet like ur name. me laxmi pati Krishnan. Krishna me and radha u
Mard ne ajeeb dhang se radhika ka kandha dabate kaha.
Iss se pehle ke radhika kuch kehti uss mard ki biwi laut aayi.
Mard ne jhatke se haath peeche kheench liya.
Wo aurat shayad apne pati ki aadat jaanti thi.
Issi liye gusse mein apne pati ko tamil mein kuch kehne lagi.
Mard sakpakata sa apni berth pe hi dur sarak kar beth gya.
Radhika mann hi mann muskrane lagi.
Ab tak wo ladka bhi laut aya.
Haath mein ek cold drink liye wo apni berth par chadh gya.
Tamil couple lagta tha apas mein tamil mein hi behas karne laga ya yoon kahe jagadh hi padha tha.
Radhika ko laga ye sab uss k karan hua he.
So wo uthi aur ooper apni berth par aa gyi.
Radhika ne ladke ko dekha wo cold drink peene mein busy tha samne apni berth pe bethe hue.
Radhika ne joote utare aur aramdeh berth pe takiye pe sar rakh ke late gyi.
Train delhi ke chotte chotte staitions ko cross karte rafter pakad chuki thi.
Radhika ne kanakhio se teen char baar ladke ko dekha par wo to disposable glass mein cold daal ke sip karne mein busy tha.
Karib 10 mints aise hi gujar gaye.
Ladka cold ko finish kar ke adhleta sa ho gya tha. Radhika ko gussa aane laga tha ab ladke pe.
Haar ke uss ne khud hi baat shuru ki ‘hello, where r u going’
ladke ne achanak uss ke pooche jane par chonk kar uss ko dekha ‘me?’
radhika boli ‘yes u’.
‘chennai’ ladke ne spaat sa jwab diya.
Radhika ko laga shayad ab wo bhi uss ko pooche ga.
Par aisa kuch na hota dekh kuch pal baad radhika fir se boli ‘will u not ask me where m I going’.
Ladka uss ko dekh bola ‘ TT told me that all of u r going to Chennai.’
Radhiak: all of us?
Ladka: yea, u and ur parents.
‘my parents’ radhika chonki ‘aah! U mean these’ radhika ne neeche budhe couple ki aur ishara kiya. ‘r u mad?’ radhika ke chehre par halka gussa dikhai diya. ‘I m alone’
Wat!! Iss baar ladka chonka. ‘oh I m so sorry’
Radhika ko laga ab ladka uss se baat kare ga.
Magar fir se wohi chuppi.
Radhika baat karna chahti thi. But ladki ho ke wo pehle baat ku kare. Ladke ko chahiye wo baat shuru kare. Radhika ke jehan mein ladkiyon wali ego aa gyi.
Magar aisa kuch na hua.
Ladka abhi bhi chup chap leta hua tha.
Radhika fir se let gyi.
Train ab full speed pe bhaag rahi thi.
Radhika beech beech mein uss ladke ko dekh rahi thi.
Uss ne note kiya k ladka kuch der baad ruk ruk k cold ke ghoont bhar raha he.
Usse laga ladka cold ka kuch jayada hi shokeen he.
But jaise ladka chhup chhup k glass mein daal cold pee raha tha radhika ko kuch shak sa hua.
Radhika ko laga kuch na kuch gadbadh jarur he.
Radhika: r u drinking cold or something else
Haar kar radhika ne uss ko pooch lia.
Ladke ne uss ko dekha thoda ghoor k but koi jwab na diya.
Radhika thoda gusse se boli ‘maine kuch poocha tum ko’
ladke ne bhi jwab halke gusse mein diya ‘if u have any problem then u can complain to TT. I wanna to change my seat.’
Radhika budbudai ‘non-sense’
iss pe ladka uth k beth jata he ‘look mam no excuse I m drinking but not troubling u then y?’
iss se pehle ladka kuch aage kehta neeche wala mard uth k khada hote hue ‘hey wats the problem’
ladke ko gusse se bol wo mard radhika ko dekh bola ‘Is he doing something wrong or teasing u?’
tamil mard ko dekh ladka thoda hadbadha gya.
Ye dekh radhika bol uthi gusse se ‘if he is doing something wrong or saying anything to me its my problem. Have I complained u? not na then y r u interfering out the way.’
Radhika ne ek tarah se apna sara gussa uss mard par nikal diya.
Radhika ko aise bolta dekh uss ki wife uss pe chadh bethi aur tamil mein uss ko kuch gusse mein bolne lagi.
Mard jhemp kar apni berth pe ja betha.
‘thanks’ ladka pehli baar halki muskan se bola radhika ko.
‘for wat’ radhika ne poocha.
Ladka ab gehri muskan ke sath ‘for my favour’
iss par radhika ne halke muskrate kaha ‘ now u do one favour to me’
ladka bola ‘wat?’
radhika fir muskara k ‘Talk to me I m alone. I cant travel silently.’
Ye sunte hi ladke ki hassi choot gyi. ‘Oh yes, of course, of course. But can we talk in hindi. I m not much comfortable with english’
‘yes y not. Ku nahi ku nahi.’ radhika bhi hass padhi.
Ladka: magar mujhe baatein karni nahi aati
Radhika ye sunte hass deti he.
Radhika: baatein karni kaun si badi baat he. Pehle ye batao tumara name kya he.
‘suuuuuuuuresh’ su par khasa jor dete bola ladka.
‘me, myself radhika…. Friends now’ kehte hue radhika ne betakulfi se haath aage kar diya.
Suresh ne hichkichate hue haath aage kiya milane ko.
Haath milate he radhika ne mehsoos kiya kitna najuk sa haath he ladkiyo ki tarah.
Radhika: kaha se aa rahe ho?
Suresh: karnal se…..aur aap?
Radhika: main delhi ki hoon… fir Radhika ne poochha ‘kisi kaam se ja rahe ho Chennai?’
Suresh: ji, papa ka kuch kaam tha.
Radhika: oh, papa ke saath business mein ho.
Suresh: maine B.Sc. final ke exam diye he. Free hua to papa ne kaha ja aao kaam bhi ho jaye ga aur ghoomna bhi…….and aap waha kese?
Radhika: main job karti hoon company ke kaam se ja rahi hoon.
Train ke shor k karan dono ko thoda ooncha bolna padh raha tha.
So radhika boli ‘suresh tum idhar aa jao na aram se saath beth ke baat kare ge.’
‘wo main……maine……aap ko smell’ suresh jhijka.
‘no no aisi koi baat nahi, come on’, radhika ke kehne par suresh aane laga to wo nashe ke karan thoda ladh-khadaya.
Radhika ne turant haath ka sahara de kar uss ko tham liya.
‘sorry’ suresh bola to radhika bol padhi ‘no sorry no thanks in dosti’
suresh muskra diya ‘ji’
‘yeh kya ji..ji, aap…aap lga rakhi he’ radhika ke maathe par bal padh gye ‘mera naam radhika he’
sunnte suresh muskra diya ‘aap mujh se badi he’.
‘kitni badi hoon…..tumari age kya he’ radhika ne aankhe tareri.
Suresh sahaj ho k bola…..twenty one and half.
‘I m just twenty four’ radhika ne age thodi kam kar k boli…jo k ladkiyo ki aksar aadat hoti he ‘so cal me radhika.
‘ok radhika’ suresh muskra diya.
‘that’s gud’ kehte hue radhika ne us ka haath apne haath se dabba diya.
Fir wo suresh se boli: tum yeh chhoti si age mein drink?
Suresh muskra kar ‘hamare ghar mein sab aam he.’
Radhika chonkte hue ‘ tum ghar mein sab ke saamne kar lete ho yeh sab. ’
Suresh sahaj bhav se‘ samne to nahi magar ghar sab ko maloom he.’
Radhika: abhi tumari umar hi kya he
Suresh: mujhe habit thode he wo to akela tha iss liye le li. Pta hota tum se dosti ho jaye gi to nahi leta. Wese abhi thodi ci hi li he. Baaki ab raat ko sone time lunga.
Radhika: acha tumare aur bhi dost honge.
Haan keh kar suresh apne kuch dosto ke naam leta he aur kehta he ‘yeh sab mere khaas he’
iss pe radhika muskrati he ‘sabi ladke he ladki koi nahi?’
yeh sun suresh sapaat sa jwab deta he ‘mai ladkiyo se dosti nhi karta’
radhika fir muskra ke ‘ku ladkiya buri hoti he.’
Suresh ‘nahi dar lagta he’
Radhika thoda hairan ci ‘ku?’
Suresh jwab mein ‘aisa to nahi bas log galat soch lete he.’
Radhika gehri muskan ke saath ‘acha….but mujh se to jhat se kar li dosti’
Suresh : yaha mujhe kaun janta he.
Radhika: haan yeh to he. Fir bhi koi to hogi jo tum ko pasand ho.
Fir dono idhar udhar ki baatein karne lagte he.
Baaton baaton mein suresh ki nashe ke kaaran kab aankh lag jati he suresh ko pta ni chalta……..wo radhika ke kandhe pe sar rakh ke hi so jata he.
Uss ke chehre ki masumiyat dekh radhika ka bhi dil nahi karta ke wo uss ko disturb kare.
Wo khud bhi aankhein band kar uss ke sar pe sar tikka ke aram karne lagti he. Ac ke kaaran usse bhi kuch der neend aa jati he.
Train agra pahuchne wali thi.
Tab suresh ki aankh khuli nature call ke kaaran.
Radhika ke kandhe par apna sar dekh wo chonka.
Uss ke hilte hi radhika ne bhi aankhein khol di.
‘sorry’ suresh sharamsar sa hota bola.
‘fir sorry’ radhika ne sorry sunte hi aankhein tareri.
‘Mere karan aap pta nahi kya soch rahi hogi.’ Suresh halka muskra ke bola.
‘kya yaar tum bhi na…hum dost he bhai’ radhika ne us ka haath dabate kaha.
‘ok ok’ suresh muskra diya ‘ab izaazat ho to ye dost thoda halka ho aye’ suresh bola to radhika uss ka ishara samajh gyi.
‘haan haan jaldi jao……kahi beech mein hi……’ kehte kehte radhika jor se hass di.
‘oye main koi bacha hoon. itna to control he yaar’ suresh ne pehli baar us ko yaar kaha aur fir radhika ke haath ka sahara lete neeche kood gya aur hasste hue cabin se bahar ho gya.
Dono ko aise hass hass ke batein karte dekh neeche wale uncle ko kaafi jalan ho rahi thi.
Yeh uss ka chehra bta raha tha.
Suresh thodi der mein toilet se laut aya.
Cabin mein aate hi radhika se poocha ‘tum ko jana he to’
Radhika ne muskra kar nahi jane ka ishara kiya.
Fir haath bada kar suresh se boli ‘aa jao ooper hi.’
‘agra aa raha he bas. Aa jao neeche chalte he thodi pet pooja ho jaye.’ Suresh ne kaha ku ke uss ko bookh lag rahi thi.
Radhika ne ghadhi mein time dekha 6.45 pm hone ko the sham ke.
Boli ‘haan yaar agra ka time to ho gya……chalo haath do main neeche utru.’
Suresh ne sunte hi apne dono haath aage badha diye……radhika ne ek pal uss neeche wale uncle ko dekha. Jo dono ko ghoor rha tha………radhika ko sharart soojhi…….uss uncle ko jalane ki.
Uss ne dono bahein fela di aur boli…..utaro……..suresh ne radhika ke dono baajoo ke neeche haath jammaa diye to radhika aram se neeche sarak gyi…….iss se radhika ke seene suresh ke chehre ko touch karte hue uss ki chhati se aa lage……suresh yeh mehsoos kar thoda peeche hata par radhika thoda aage sarak gyi…..ta ke dono ka touch jari rahe…….dono baatein karte aise hi khadhe rahe……..station pe aa ke train ruki to dono cabin se bahar nikal gye……..niklte niklte radhika ne palat ke uncle ko dekha jo jal bhun k koyla ho raha tha………yeh dekh radhika ki hassi chhoot gyi……..wo haste haste hi train se neeche utri…….
Suresh uss ko aise haste dekh…..’kya hua aise paglon ki tarah ku hass rahi ho’
Radhika haste hue…….yaar tumne wo neeche wale uncle ka chehra dekha tha………kese jal raha tha……jab main tum se chipak ke khadi thi.
Oh shit……to tum yeh sab uss ko jalane k liye kar rahi thi……mujhe lga shayad main tum ko bahut pasand aa gya…….ha ha……..kehte kehte suresh bhi hass diya.
Haye oye……my cutie pie…….tu to yaar he hi itna chikna………itna smart ……kaun saali hogi jo tum ko pasand na kare…….kehte kehte radhika ne suresh ki ek baajoo pakad ke apne seene se bheench li.
Dono cold peene lage.
Issi beech radhika ne apna mobile nikal k ghar pe call ki.
Suresh ne uss ko ishara kiya k signal ho gya he…….
Radhika ne call end ki aur dono wapis train mein chale aaye apni cabin mein.
Cabin mein iss time sirf wo aunti thi.
Radhika ne uss ko dekh halki smile di.
Uss auntie ne bhi smile ka reply smile se diya….itne mein uss ka pati bhi cabin ke door se ander enter hua…….wo dono ko ghoorta apni berth pe ja betha….. uss ko dekh radhika ko shaitani soojhi…..aur wo boli..chal teri berth pe sath mein beth k baatein karte he…..
okk as u wish…..suresh radhika ki iss shaitani se be-khabar sehaj bhaav se bola.
Radhika ne esa iss liye kiya ku k suresh ki berth uss uncle ki berth ke opposite side thi jahan wo unn dono ko asani se dekh sakta tha…..
jaise hi suresh ooper chadhne laga to radhika bol padhi……yaar pehle mujhe to ooper chadhao……
suresh ye sun thoda jhemp gya…….
kya soch rahe ho…….radhika fir boli……
iss pe suresh bola……main ooper ja k tum ko haath deta hoon…….
iss pe radhika boli….no pehle mujhe…..
kehte radhika ne uss ke dono haath apni kamar pe rakhte kaha…….chalo mujhe ooper uthao…….
suresh ne apna poora jor laga kar radhika ko ooper utha diya……aisa karte time radhika ke seene fir se poori tarah suresh ke badan se ragar kha gye………suresh ke uthate hi……
radhika ne haath apni berth pe rakhe aur bumms suresh ki berth pe tikka peeche sarak gyi…..
jaise hi radhika ooper bethi to uss ne neeche bethe uss uncle ka chehra dekha jo usse hi ghoor raha tha…….
radhika mann hi mann soch kar muskrai ke saale ke pichhwade mein kesi mirchi ladhi he…..
itne mein suresh bhi ooper aa chukka tha……
radhika uss ke pass sarak ke uss ke kaan mein boli ‘dekho uncle ki kese jal rahi he’
ha ha….dono hass padhe….
’uska chance jo miss ho gya’ suresh haste hue bola……
’tum kya samjhte ho tum na hote to kya main uss ko kehti chadhane ko’ radhika phusphusai…..’no way’…….
’to tum fir pehle kese chadhi thi’ suresh ne poocha…….
’khud hi…..yeh to maine bas uss ki jalane ko kiya’ …… radhika kehte hue fir hass di.
iss pe suresh kuch sanjeeda ho bola ‘yaar tum bhi na…….pata nhi uncle kya soch raha hoga humare baare mein…….issi liye main ladkiyon se dosti karne se darta hoon…..log chotti chotti baaton ka batangadh bana lete hein…..ab wo pta nhi kya soch raha hoga humare baare mein.’……
yeh sunnte radhika thoda bhadak gyi….’let him go to hell and his soch….woh kaun sa hume jaanta he…..chill yaar’
radhika ne yeh kehte hue apne ek haath se suresh ke gaal ko halke se sehla diya…….
’okk okk’ suresh bhi uss ke naram haath ki chho gaal pe pa k muskra diya……aur uss ka wo haath apne haathon mein le ke muskrane laga……
dono apas mein aise hil-mil chuke the apas mein jaise barso se ek doosre ko jaante ho.
Train fir se apni speed pakad chuki thi…..
itne mein catering wala aa gya…..
wo dinner ka poochne aya tha.
Neeche wale uncle aunti ke paas apna dinner tha.
Ab uss ne suresh aur radhika ko poocha…..
radhika ne bataya ke uss ke paas dinner he……
suresh ne uss se poocha…agar wo mind na kare to wo non veg le le………
radhika ne kaha no problem……
suresh ne apne liye ek non veg dinner ka order de diya……
order le k catering wala chala gya…..
radhika boli…’tum non-veg ke sath drinks bhi loge?’
‘raat ko sona he na …main pehli baar itna lamba safar kar raha hoon. Tum please mind mat karna’
Suresh nahi chahta tha k radhika uss k drinks karne se naraz ho.
‘main ku mind karne lagi’ radhika ne kaha aur fir boli ‘tum Chennai mein daily mat lena……nai jagah he….pata nahi waha k log kese honge.’
Suresh ne uss ko dekha fir smile dete bola ‘okk’….
radhika fir boli,’waise tum waha ruko ge kaha’
‘hotel mein aur tum?’ hotel ka keh k suresh ne poocha……
’main bhi’ radhika ne jwab diya fir boli ‘yaar ku na hum ek sath rahe……saving ho jaye gi’
sunn kar suresh ek pal chonka ‘idea to acha he magar?’
‘magar kya?’ radhika ne suresh pe swaliya najar dali.
Suresh bola ‘tum aur main ek saath ….tum ladki aur mai ladka’
iss pe radhika uss ka haath sehlate boli…’come on suresh we r now friends….fir hum ko waha kaun janta he hum keh denge hum cousins he.’……
suresh fir preshani se bola ‘but radhika fir bhi’…..
radhika uss ki preshani ko samaj gyi ‘chalo chodo pahuch ke decide kare ge……now chill’……
’right’ yeh sunn ke suresh ne thodi chain ki saans li aur muskra diya.
Itne mein cold wala aa gya……
suresh ne radhika se cold ka poocha to radhika ne inkar kar diya……
suresh ne apne liye ek cold liya……..
’main ek peg’ suresh muskra diya…….
’le lo tum kaha mano ge…….main toilet ho k aayi’ muskurate hue radhika neeche uttar gyi……..
radhika ke cabin se bahar niklte hi suresh ne jhat se vodka ki bottle aur glass nikale aur furti se ek heavy peg bna cold daal halak se ek hi saans mein sara peg neeche utar liya…….
fir muh ka jayka thik karne ko tale hue kaju ka packet nikal k khola aur khane laga……
radhika ke aane tak wo doosra peg bhi jo k normal banaya uss ne…….wo bhi adha ghatak chukka tha……..
radhika aai aur iss baar apni berth par chadh gyi………
suresh uss ko apne aap berth pe chadhte dekh muskra diya……..
radhika bhi uss ke muskrane ka arth samaj gyi thi shayad so wo bhi muskrane lagi…….
fir radhika apne bag ki front pocket se dinner wala dibba nikala aur kaha……’tum idhar aao ge ya main udhar aao’
suresh ne peg dikhate kaha….’yaar main ye’……
radhika fir muskrai…..’chal main hi aati hoon…..haath do’
‘ek mint’ keh ke suresh ne peg khali kiya….hont saaf kar ke……haath badha diya…….
radhika ne uss ka haath pakda aur kood padhi……
suresh ne laakh koshish ki bachne ki par fir bhi radhika uss ke ooper aa giri……..
suresh neeche aur radhika uss ke ooper…….
sharab ke nashe ke saath shabab ke mix hote hi…..suresh ke dil ki dhadkne badh gyi…….ku k radhika ke seene poori tarah suresh ki chatti pe dabbe hue the…suresh ka badan kaamp utha……..
radhika mand mand muskrrane lagi uss ke ooper padi…….
’yaar utho bhi neeche de k marna he kya?’ suresh ne uss ko kandho se pakad ooper uthana chaha………..
’oye kya main itni bhaari hoon?’ radhika ne banawati gussa dikhaya……
’nahi bhaari to nahi’ suresh thoda sakpakaa gya……
’ya fir tum ko apni izzat ka khatra padh gya he’ keh ke radhika jor se hass di.
Suresh bhi hass diya…….
radhika ke chehre pe barpoor shararat thi…..
finally wo seedhi ho ke beth gyi……
radhika ke ese touch se suresh ke ander ek tej jhurjhuri chhirri.
Uss ka poora badan kampne laga…….
radhika ne bhi ye mehsoos kia to boli ‘oye tum to kampne lage….kya pehle kabhi koi ladki itna kareeb nhi aayi.’
Yeh sunnte hi suresh ne najre jhuka li….
radhika ne fir ek swal daga ‘kya tumari koi girl friend nahi’
yeh sunte hi suresh ke ander ek dard ki lehar uthi jis ka asar suresh ke chehre pe bhi ubhra.
Iss ko radhika ne bhi mehsoos kiya. ‘suresh kya hua’ radhika ne poocha…..
’kuch nahi’ suresh ne najre neechi kar li…..
’kissi ki yaad aa gyi’ radhika ab sanjeeda ho boli.
‘chhodo’ suresh abhi bhi najre jhukaye hi bola.
‘suresh’ keh ke radhika ne apne suresh ke haath pe rakha ‘kya mujhe apna dost nahi maante?’
suresh fir ussi andaz mein bola ‘aisi koi baat nahi’…..
’to fir bolo na kya baat he’ keh ke radhika ne suresh ke chehre ko haath se ooper utha diya…….
suresh ki ankhon mein nammi dekh ek pal wo kaampi……’suresh…tum yeh tumari aankhon mein’
‘sorry radhika…tum se jhooth bola he maine’ suresh ne jeb se rumal nikal aankhein saaf karte kaha…..’ek dost se jhooth bola he maine’……
’kesa jhooth’ radhika chonki…..

[shaziya]

Part-2

’mera naam suresh nahi suraj he’ suresh ne najre jhukate kaha.
‘wat’ sunte uchli radhika….
‘haan mera naam suraj he’ suresh urf suraj bola….
’kahi ab to jhooth nahi bol rahe tum’ radhika ne swaliya najro se poocha……
‘nahi yeh dekho mera driving licence.’ Kehte hue suresh urf suraj ne back pocket se wallet nikal uss mein se apna driving licence radhika ke haath mein thamaa diya.
‘haan yaha pe to sachi suraj he.’ Radhika ne uss ko licence wapas de diya.
Suraj ne naya peg banaya aur adha aur pi gya……..
‘khali ku pi rahe ho. Kuch khane ko saath nahi’ radhika ko uss ko aise pite dekh thoda dukh laga.
Suraj ne kaju ka packet nikal k kuch kaju muh mein dale aur radhika ko bhi diye……
radhika kaju khate suraj ko dekhe ja rahi thi lagataar……..’suresh I mean suraj lagta he tum kafi dukhi ho’
sunn kar suraj najre neeche kar bola ‘radhika kya kahu tum se…..main…. main na ghar se bhaag ke aya hoon’
‘wat’ buri tarah kaampi thi radhika. ‘yeh kya keh rahe ho tum’ ‘haan main sach keh raha hoon’ ek gehri saans le bola suraj…..
Radhika: magar ku
Suraj: mujhe koi pyar nahi karta radhika
Radhika: ku tumare mummy papa
Suraj: sab he
Radhika: suraj tumare ghar pe sab preshan hon ge.
Suraj: janta hoon main magar meri preshani koi nahi samjta. Kisi ke dur hone ka dukh kya hota he. Kisi ko khone ka dard kya hota he. Unn ko bhi to ehsaas hona chahiye.
Radhika fir se kaampi ‘kya keh rahe ho suraj’.
Hassi majak wala mahaul achank poori tarah se ghamgeen ban chukka tha.
‘please suraj mujhe khul k bataao aakhir baat kya he’ radhika ne suraj ke chehre ko haath se apni aur ghumaya.
Uss ke chehre pe dukh ke badal the. Aankhon mein nammi thi.
Shayad kuch hi der pehle banne iss dost ka dard seh nahi pa rahi thi wo.
‘main neelu se pyar karta hoon radhika’ yeh sunnte chonki radhika to uss ka anuman sahi tha jo uss ne abhi abhi lagaya tha. ‘kaun neelu’
suraj ne apni aankein saaf ki aur bola ‘meri neelu. Mere bachpan ki dost neelima. Mere bachpan ka pyar. Meri jaan. Meri jindgi. Mere dil ki har dhadkan.’
Ek saans mein suraj kehta gya.
Radhika suraj ke dil mein neelu ke liye tadap, uss ke liye pyar ko achi tarah samaj gyi. ‘ kya tumare mummy papa ko pata he’
‘haan’ ek gehri saans le wo bola.
‘sab ko maloom he to kya kehte he wo’ radhika lagataar baatein karti uss ke haathon ko apne haathon mein liye sehla rahi thi.
‘wo kehte hain neelu ko chhodh do. Usse bhool jao’
radhika: magar ku?
Suraj najre utha k radhika ko dekhta he ‘ku k wo gareeb he’
‘oh to tum ameer ho’ radhika kuch samaj jati he.
‘ haan sab kuch he hamare paas… ghar, ghaadi, papa ka business, family status aur saath mein mom ka status ka ego bhi’ yeh sab kehte kehte suraj ki aankhon mein nafarat k bhav ubharte hein.
‘tumare bhai behan’ radhika ke poochne pe suraj batata he
‘main only son, do sisters he badi he dono married he badi status families mein.’ Suraj ke lehje achanak ek tanj ubhrta he.
Fir kuch pal ki khamoshi ke baad radhika boli ‘suraj jo bhi he tumhe iss tarah ghar chod ke nahi aana chahiye tha. Ghar mein sab preshan ho rahe ho ge. Fir socho tumari neelu ko pta chalega to uss par kya beete gi.’
Suraj ek thandi aah bhar ke ‘uss ko nahi pta chale ga’
‘ku?’ radhika ne poocha.
Suraj: wo yaha nahi he. mom ki dhamki ke darr se uss ki mummy ne us ko joginder nagar (himachal) bhej diya uss ke maama ke paas.
‘fir bhi suraj uss ko ek din to pta chal hi jaye ga. Please apni neelu ke liye laut jao’ radhika ne minnat ki.
‘neelu ab meri kaha rahi’ suraj ne kehte hi bacha hua adha peg bhi pi dala.
Radhika ek anjane darr se kaampi ‘ku kya hua?’
‘uss ki shadi kar di gyi he kuch din pehle jab wo joginder nagar gyi. Wahi joginder nagar mein. Yeh mujhe kal hi pta chala. Uss ki ek friend mil gyi achanak. Uss ne bataya. Uss ne apne cell mein uss ki shadi ki pics bhi dikhai mujhe.’ Kehte kehte suraj ne aankhein moond li apni… peeche sar ko tek lagate hue.
‘oh to uss ne tum ko dhokha diya….bewafai ki tumare saath’ Radhika dheere se boli.
‘meri neelu bewafa nahi he’ lagpag cheekh hi to padha tha suraj, ‘uss ne koi dhokha nhi diya. Uss ka kasoor sirf itna he k wo ek gareeb ghar ki beti he. Mom ne uss ke ghar ja k dhamkaya tha uss ki mummy ko ke wo neelu ko kisi se uthwa degi. Marwa degi uss ko. Uss ke jwan bhai ko marwa de gi. Wo bhai jo neelu ki widwa mummy ka ek hi sahara he. Uss bhai ke do chotte chotte bache he. Yeh sab mujhe neelu ki uss saheli ne bataya. Wo bataa rahi thi ke neelu iss shadi ke liye kitni majboor thi. Kitni dukhi thi wo.’ Suraj ka swar hi uss ke dil ke dukh ko dard ko bayan kar rahe the.
Yeh sab sun ke radhika bhi apne aansoo rok na payi.
Uss ko laga kisi ne uss ke dil ko cheer hi dala tha.
Kuch der aansoo bahane ke baad uss ne chehre ko apne rumal se saaf kiya.
Suraj ki aur dekha. Jis ke gaalo pe aansoo beh beh k sookhne lage the.
Chehre par bepnah dard tha.
Radhika ne ek bar fir se himmat juta k suraj se kaha, ’suraj jo bhi hua bahut bura hua he tere saath. Par please meri maano tum ghar laut jao. Wo jese bhi he tere maa baap he… unho ne janma he tum ko.’
Radhika lagataar uss ko samja rahi thi par suraj ke kaan pe joon tak na reng rahi thi.
Fir radhika ke dimag mein kuch aya, ‘acha chalo ek kaam karo fir. Ek baar un ko call kar k ye khabar de do ke tum thik ho. Cell kaha he tumara?’
‘cell ghar hi chhod aya hoon main.’ Suraj ne kaha.
Radhika ne apna cell purse se nikalte kaha, ‘chalo mere cell se call kar lo.’
Suraj ne radhika ko dekha. ‘please suraj. Be my sweet darling.’
Radhika ke baar baar kehne par suraj ne uss ka cell le liya. But network nahi tha.
Radhika ne yeh dekh kaha k kuch hi der mein Gwalior aane wala he. Platform pe uttar ke call kar le ge.
Okk keh ke Suraj toilet jaane ke liye neeche utra aur cabin se bahar chala gya.
Suraj ko jaata dekh ek baar radhika ka dil dhadka ke suraj kahi idhar udhar na nikal jaye.
Yeh soch wo bhi teji se neeche utri aur cabin ke bahar ho gyi. Uss ne dono aur dekha.
Coach mein kahin bhi uss ko suraj najar na aya.
Thodi preshani mein uss ne dono doors ki aur do baar chakkar lga liye.
Khair akhar kaar uss ko ek toilet se suraj niklta dikh hi gya.
Uss ne chain ki saans li. Wo teji se suraj ki aur badi. Suraj uss ke chehre ki bechaini bhaanp li.
Wo halke se muskra diya… ‘kya hua mam.’
‘kuch nahi’ radhika bhi muskrai…..
’tum ko kya laga main yaha se bhi bhaag nikla.’ Suraj hassa……
‘yaar sach kahu ek pal issi soch se to main sach mein darr gyi thi.’ Radhika ne dil ki shanka jahir ki.
‘itni pyari aur sweet dost ko chhod kaun kambakht bhaag sakta darling’ keh k suraj ne radhika ko baahon mein bhar liye.
Radhika ne uss ki baahon ka ghera todhte hue, ‘oye line maarne ki koshish mat kar.’
Suraj yeh sunte hi thithka aur ek kadam peeche hatta. ‘just kidding yaar’
radhika khil khila ke hassi aur aage badh suraj ki kamar mein baahein daal jor se uss ko jappi daal di.
Dono haste haste fir cabin mein laut aaye.
Neeche wale uncle aunti jo tamil mein baatein kar rahe the. Dono ko dekh ke khamosh ho gye.
Radhika ne anti ko dekha wo dono ko dekh smile kar rahi thi. Magar uncle ghoor raha tha.
Suraj ki love life mein kho ke radhika kuch der to uncle ko bhool hi gyi thi.
Uncle ko kuch pta chala ya nahi yeh usse kuch maloom nahi tha.
Dono khade khade normal baatein karte rahe. Ku ke station aane wala tha.
Train slow ho chuki thi. Station pe enter hote hi radhika ne apna purse uthaya aur dono door ki aur chal diye.
Platform pe utarte hi radhika ne apna cell dekha. Network aa chukka tha.
Suraj ko dete boli ‘lo kar lo call’
‘kaun ci call. Kis ko call’ suraj ne jaan bhooj ke kaha.
‘oye call kar na ghar’ radhika ne jhirki dete kaha.
‘okk okk meri daadi amma daant to mat’ hass ke suraj ne cell le liya.
Radhika bhi hass di.
Suraj ne number dial kiya ek.
Udhar se suraj ke papa hari naryan chopra ne unknown number se call dekh jhat se call pick ki.
Hari: hello yes
Suraj: papa its me. Suraj
Bęte ki awaj sunnte hi baap ka dil bhar aya
Hari: suraj my son where are u?
Suraj: papa Gwalior
Hari: bęte kis hotel mein
Suraj: papa mai station pe hoon going to Chennai
Hari: ruk teri mom ko bulata hoon.
Hari phone thoda door kar apni wife kanta ko awaaz deta he..kanti suraj ka phone aya he.
Suraj ka naam sunnte hi kanta jo kitchen mein thi paaglon ki tarah daudhti aati he.
Phone ko jhat se le k kanta: suraj mere bęte mere laal kaha he tu ghar aa ja jaldi se.
kanta jaar jaar ro rahi thi.
Suraj kehta he mom main aa jau ga jaldi.
Kanta fir se rote hue nahi beta tu aa ja abhi ke abhi.
Itne mein suraj ki eldest sister kitty jo ke aaj hi aai he kanta se cell le suraj pe barsti he.
Kitty: suraj tujhe sharam nahi aati. Mom ko bina kuch kahe kal raat se gayab he.
Kitty ko aise bolte dekh hari uss se phone le lete he aur daant ke shut up kitty. Let me talk to him.
Hari fir se suraj ko phone pe ‘tu sach keh raha he na beta ke tu Chennai hi ja raha he.’
Suraj: u know papa main jhooth nahi bolta. Khas kar aap se to kabhi nahi.
Hari: I know beta. Tu Chennai kaha ruke ga. Mujhe ja ke bolna. Aur haan pese chahiye to bol karta hu arrange wahi pe.
Suraj: papa atm card he mere paas so don’t worry.
Hari: aur tu cell bhi ni le k gya waha koi contact no. ja k de dena.
Suraj: papa mai phuchte hi ek new cell nd sim le lu ga. Wese in emergency aap iss number pe bhi call kar sakte he.
Hari: yeh kis ka number he.
Suraj: he ek ullu ke pathe ka. Raaste mein dost bana he.
Yeh sunnte hi radhika jor suraj ki kamar pe chikoti kaat deti he ghoorte hue.
Udhar hari: thik he beta mai kal subah hi tere account mein fifty thousand daal dunga. Kab tak laute ga.
Suraj: papa 8-10 din mein.
Hari: take care beta love u sweetheart.
Issi beech train whistle deti he chalne ki.
Radhika suraj ko baaju se kheench train mein le jaati he. Train chal padhti he……..
suraj: u too take care papa. Meri fikar mat karna. Love u too.
Call disconnect ho jaati he.
Call disconnect hote hi suraj ko kamar pe chikoti ki dard yaad aati he.
‘haye chikoti ku kaati’
radhika aankhein tarer ke ‘saale tum ne mujhe ullu ka patha ku kaha’
suraj hassta hua ‘pyar se’
radhika fir ussi lehje mein, ‘saale main tujhe ullu ka patha kis angle se lagti hoon…main to ullu ki pathi hoon’
yeh kehte radhika ne jese shirt ka collar khada karte he wo style maara.
Iss pe dono hi hass diye.
Fir suraj ko jese kuch yaad aya ‘kamini mujhe baar baar saala ku bol rahi he’
radhika jo cabin ki aur dheere se badhi thi ek dum ruk gyi ‘kya kaha kamini. Oye agar main kamini bann gyi na to samaj teri izzat to gyi.’
Yeh sunte suraj gambir mudra se, ‘haan yaar yeh to maine socha hi nahi. Hoon to abhi kunwara hi main.’
Ek baar fir se jor daar thahake se hass diye wo.
Dono cabin mein enter hue to dekha anti uncle dinner kar rahe he.
Dono ko dekhte hi anti boli, ‘come beta join us for dinner’ dono ne smile de ke thanx kaha aur ooper suraj ki berth pe aa bethe.
Radhika chahti thi k suraj uss ko chadhaye par suraj nashe ke karan bola sorry yaar ab himmat nahi he.
Suraj ka nasha kuch kam to ho chukka tha par fir bhi nasha to abhi bhi baki tha.
Abhi wo bethe hi the radhika ka cell baj utha.
Radhika ne cell dekha koi unknown number tha.
Radhika cell on karne lagi to suraj ne number dekh liya paas hi to betha tha. ‘oye mom ka phone he’ kehte suraj ne cell liya.
aur on karte ‘yes mom’
kanta: suraj tu thik to he na.
suraj: yes mom.
Kanta: maa se rootha to nahi na.
suraj: no mom.
Itne mein peeche se kitty ki awaaz aati he mom mujhe do main jara iss ki khabar lu.
Suraj jhat se ‘mom hello hello…..lagta he net cut ho raha he……I m in train……train moving……’ keh k suraj call kaat deta he….
abhi radhika kuch kehne hi wali thi ke cell fir se baj utha.
Yeh call radhika ke ghar se thi landline se.
radhika kuch der baat karne mein busy ho jaati he.
Iss ka fayda utha suraj ek peg bna ke gatak leta he.
Radhika call ke end hote hi. ‘ho gya chalu’
suraj chup reh jata he.
‘by the way suraj network tha fir tum ne call ku kaat di.’ Radhika ne suraj se call beech mein kaatne ka poochha.
Suraj: yaar wo kitty didi aise hi bhashan dene lag jaati. I don’t wanna talk to her. Meri life mein sari problems issi ke karan hui he…..yeh apne in laws mein ek ladki mere liye chunn k bethi hui he.’
Itne mein catering wala dinner le aata he.
Dinner ke dauran radhika ke rokne par bhi ek peg aur lga leta he.
Dinner ke khatam hone ke baad dono baari baari ja k haath dho aaye.
Uss ke baad anti ke kehne par cabin ki lights off kar di suraj ne.
radhika boli ‘kya khayal he sona he ya abhi kuch der baatein karni he.’
Suraj: jaisa tum chaho. ‘khane ke baad mujhe ek dum neend nahi aati. If u say thodi der baatein karte he’ radhika ne kaha to dono fir se suraj ki berth pe hi aa bethe.
Ku k agar dono radhika ki berth pe jaate to suraj ke liye apni berth pe ana mushkil hota nashe ke karan.
Aur agar dono apni apni berth pe jate to unn ki baaton se uncle anti ko disturbance hoti.

Berth pe aa ke….kuch der dono khamosh bethe rahe……
suraj ab lagataar radhika ko dekhe ja raha tha.
‘kya dekh rahe ho’ radhika ne khamoshi todh ke kaha.
Suraj ne yeh sunn kar ek pal najre neechi ki fir radhika ka haath thaam apne dono haatho mein lete kaha, ‘radhika tum ek achi dost hi nahi ek bahut achi insaan bhi ho.’
‘acha’ yeh sunn radhika halke se muskarai.
Suraj: haan radhika.
‘aur tum’ radhika ussi lehje mein boli.
‘aur main bahut bura’ suraj ke aisa kehne pe radhika ki muskan gayab ho gyi.
‘yeh kya keh rahe ho tum.’
‘wahi jo sach he radhika.’ Suraj ke chehre par dard ubhar chukka tha fir se, ‘bura hoon tabhi to bhagwan ne dekho na mujh se meri neelu chheen li.’ Kehte kehte suraj ki aankhein nam ho gyi jis ko chhupane ke liye uss ne apna chehra dusri aur ghuma liya.
Magar fir bhi wo apne aansoo radhika se chhupa na saka.
‘nahi re’ yeh keh kar radhika ne apne dono haathon se aage badh ke uss ka chehra apni aur ghuma liya aur fir apna chehra aage kar uss ke ek gaal ko pyar se choomte boli, ‘tum bahut ache ho suraj. Bura kuch kiya he to taqdeer ne, bhagwan ne’ aur fir radhika ne uss ka chehra apne seene se laga liya aur uss ki peeth ko apne haath se bade pyar se sehlane lagi.
Suraj: Radhika tum kabhi kisi se pyar mat karna…bada dard deta he yeh.’
Radhika: maine to sunna he ke pyar kiya nahi jata ho jata he.’
Suraj: haan tum sach keh rahi ho. Aur yeh kab kis se ho jaye pta nahi chalta. Bas hota he to ho hi jata he. Wo bhi bina kuch soche kuch samjhe bina kisi planning ke.’
Kehte kehte suraj ki awaaz dhimi hoti hoti bojhal hoti gyi aur saath hi ankhein bhi.
Radhika ke seene se lage lage hi wo neend ki aagosh mein chala gaya.
Kehte he aurat chahe abhi maa na bhi bani ho. Chahe wo kis bhi umar ki ho uss ka dil sadaa hi mamta se bhara rehta he. Aisa hi kuch iss time Radhika bhi mehsoos kar rahi thi.
Suraj ki peeth ko sehlane wala haath ab sarak kar uss ke gale ke pichhe se hota hua suraj ke sar ke baalon tak pahuch chukka tha.
Radhika ab halke halke apne uss haath ki ungliyon ko suraj ke baalon mein ghumane lag gyi.
Kuch der baad sote sote hi suraj ne apni taangein seedhi kar li berth pe aur sar Radhika ki goddi mein rakh liya. Radhika ne taangein saamne apni berth pe rakh di wo haath jo suraj ke baalon mein tha uss ko suraj ke seene pe tikka diya aur dusra haath uss ke sar ke baalon mein ferne lag gyi. Sote hue suraj ke maasoom chehre ko dekhne lagi.
Mehsoos kiya ke sote hue bhi uss ke chehre pe dard ki lakeerein he. Itni chotti si umar mein itna gham laga betha he yeh ladka.
Kitna alag he yeh ladka aam ladko se. warna aaj ke ladke ek ladki ko khote hi doosri ke peeche ho lete he.
Magar yeh……kaisa premi he yeh…….iss ka pyar sach mein pyar he ya fir paagalpan…….bas aise hi soche ja rahi thi Radhika.
Aur fir ek dam se uss ki soch ne palti khai.
Kya rishta he iss ladke se uss ka…. Kitna janti he wo isse….
Chand ghante pehle to ek ajnabi hi tha uss ke liye……. Aur ab kitna apna apna sa lag raha he……
iss ka har dard usse ku apna apna sa lag raha he….. ku uss ka dil yeh chah raha he wo suraj ka har dard apne mein sammaa le…….
Sochte sochte uss ki ankhein nam hoti chali gayi……. Aankhein saaf kar uss ne fir suraj ke chehre ko dekha…… sau rahe suraj ke masoom chehre ko dekh uss ke dil mein be-pnah mohabbat jaag uthi……… uss ka chehra jhuka aur pehle uss ne suraj ke maathe ko chooma fir uss ke dono gaalon ko bhi choom liya.
Fir halke se muskra di aur bud-budai ‘pagal diwana premi’
Bade hi aram aur pyar se uss ne dheere dheere suraj ka sar uthaya. Taangein neeche latkai aur neeche sarkne lagi.
Neeche ki dono berths ke corner ke khaali hisse par apne per jamma ke takiya uss ne suraj ke sar ke neeche fassa diya aur ooper lene wali chaddar usski kamar pe khol ke odha di. Suraj ne halki ci karwat badali sote sote jis se uss ka chehra radhika ki aur ho gya.
Radhika ne ek baar fir suraj ke gaal ko choom liya.
Fir wo cabin khol ke toilet chali gyi.
Jab lauti aur laut ke jese apni berth pe chadhne lagi neeche wali dono berths pe apne paaon rakh ke to na jaane radhika ke dil mein kya aya ke uss ne aage ho suraj ke hont choom liye ‘mera chikna aaye haye’ yeh bud-buda ke fir ek baar uss ne suraj ke honto ko chooma aur foot pad pe paon rakh ke apni berth pe chadh gayi.
Cabin ki lights to off thi.
Par cabin ke top pe lage blunt glass se bahar se aa rahi halki roshni mein suraj ko niharte niharte wo so gyi.
Jab Radhika ki aankh khuli to 8 bajne ko the.
Ac mein wo mast soi thi.
Suraj ki aur dekha to wo peeth kar ke abhi bhi gehri neend mein sau raha tha.
Dil to chaha uss ko awaz de par fir socha chalo sota rehne do abhi.
Neeche dekha anti nahi thi. Shaayad toilet gyi hogi soch kar wo uthi.
Ek angrai li aur neeche utar aai.
Anti ki khali berth pe aa bethi. Susti abhi baki thi.
Uncle saamne apni berth pe chaye pi raha tha.
Dono ne ek doore ko morning wish ki.
Uncle ne chaye ka poocha to uss ne thanks bol diya.
Itne mein anti cabin mein aa gyi. Dono ne ek doosre ko good morning bola.
Anti ne apne ek bag se brush, paste towel aur kuch kapde le pati ko nahane ka bol ke fir se chali gyi.
Radhika bhi uthi aur toilet ko chal di. Jab wo laut ke aayi to dekha suraj abhi bhi so raha tha.
Aur aunti bhi naha ke nahi lauti thi. Radhika kuch time ke liye aunti ki berth pe hi beth gyi.
Uncle ne moka dekh line maarne ki ek aur koshish ki magar radhika ne uss ko aankhein dikhate hue suraj ko utha diya.
Jese hi suraj seedha peeth ke bal hua to radhika ne uss ki aur muskarate hue kaha,’uth jao jnab.’
‘huuuuuuuuuuu’ suraj ne aankhein malte hue ek jor daar ubasi li.
‘gud morning’ radhika ne smile bikheri.
‘happy morning’ suraj ne bhi smile de reply kia.
‘neend achi rahi’ radhika ne poocha.
‘ek dam mast’ suraj ne uth ke bethte hue kaha aur fir bola,’tumari’
radhika kuch pal sochte hue,’yar kuch yaad nahi so gyi thi na.’ radhika ke aisa kehte hi dono hass padhe.
Itne mein aunti naha ke laut aayi. ‘good morning aunti’ aunti ko dekh suraj bola to aunti ne bhi wish ka reply smile se diya.
Fir suraj jump lga ke neeche uttar aya.
Uncle ko dekh uss ko wish kiya. Uncle ne buri ci smile se reply kiya.
Jise radhika aur suraj ne note to kiya but ignore kar diya.
‘amma yaar khadhe gaon se aayi ho kya? Beth jao na.’ suraj ne kandho se pakad ke radhika ko uncle ki berth pe jabran bitha diya.
Radhika ko bethta dekh uncle thoda window side sarak gye.
Aur suraj khud aunti wali berth pe ja betha.
Itne mein chaye wala aa gaya.
Suraj ne uss ko rok ke aunti ki aur dekha,’aunti tea.’ ‘my pleasure’ aunti ne smile di. ‘nd uncle u’ but uncle ne rukhe se inkar kar diya.
Suraj ne teen chaye ka order diya.
‘arey yaar mujh se pooch to lete maine abhi brush bhi ni kiya.’ Radhika boli.
‘daily brush kar ke piti ho na aaj bina brush ke pi ke dekho kitna maja aata he.’ Kehte hue suraj ne pehle aunti ko chaye di fir radhika ke haath mein thmaa di.
‘bad boy bad habits…..tere saath kuch din rahi to meri bhi habits bigadh dega tu.’ Radhika ne chaye le muh banate kaha.
‘oye to maine kaun sa tujhe invite kar rakha he ke radhika rani aa mere sath reh. Main tere bina mar raha hu.’ Suraj ne haath nachate hue kaha.
‘to yaha kaun sa main mare ja rahi hu tere saath rehne ko.’ Radhika ne aankhein tareri.
Aunti dono ki iss takrar ko dekh ke muskara di jab ke uncle muh fer ke bahar ki aur dekh raha tha.
Chai pite pite aunti ne tamil mein kuch uncle ko kaha to uncle towel, kapde wagehra le ke cabin se chal diya.
Chai khatam kar dono ne cups waste basket mein fenke.
Suraj uthte hue,’chal yaar bahar ek walk le k aate he door ke paas.’
Yeh sunnte hi radhika boli,’ab kis ne invite kiya.’
‘to marr yahi meri maa.’ Suraj jor se apne haath jodte utha aur cabin se bahar ho gya.
Aunti ne fir dono ki nok jhonk dekh smile di. Radhika bhi hass di par uthi nahi.
Suraj cabin se nikal ke toilet ki aur chal diya.
Radhika to 9.30 am tak naha dho ke kapde change kar ke fresh ho gyi.
Suraj ne dus bajaa diye nahate nahate. 10.30 pe dono ne breakfast liya.
Radhika ne shikayti lehje mein kaha ke suraj ke karan uss ko bhi bukhe marna padha.
‘amma yaar tujhe kaun sa duty pe jana he jo itni tension le rahi ho.’ Suraj ki iss baat pe bas smile de ke reh gyi radhika.
Baara bajne ko the jab train Nagpur station pe pahuchi.
Train lagpag ek ghanta deri se chal rahi thi. Jo ke itne long route pe india mein normal he.
Dono train se bahar aa gye. Radhika ne mobile nikala aur ghar phone kar ke baat ki.
Call end karte hi radhika ka cell fir baja. Suraj ke papa ki call thi.
Radhika ne yeh number aur uss ki mom dono ka number save kar liya tha pehle hi ta ke pata chal jaye call aane pe.
Suraj ne hari se baat ki.
Hari ne bataya ke uss ne suraj ke account mein fifty thousand daal diya he. Aur jarurat hui to wo bata de.
Fir hari ke kehne pe suraj ne mom se baat ki.
Station se suraj ne thoda fruit liya and wo train mein wapas aa gaye.
Hassi majak karte karte time paas hota raha.
Aunti unn dono ki shararto ka mazaa leti rahi.
Aur ab uncle bhi samaj chukka tha ke yeh chidiya uss ke haath aane wali nahi.
So he too started enjoying their funny talks.
Teen baje dono ne lunch kiya. Fir thoda araam. Sham 5.30 pe evening tea li.
Train stations pe rukti sarpat daudh rahi thi.
Dono beech beech mein cabin se bahar aa kabhi windows aur kabhi door pe bahar ke khoobsoorat najare kar lete.
Radhika soch rahi thi ke agar suraj na milta to journey kitni boring rehti. Aur fir uss tharki uncle ko bhi mauka mil jata tharak jharne ka.
Raat ke nau bajne ko the. Catering wala dinner ka order le ke ja chukka tha.
Suraj ne cold wale se teen cold drinks le liye ku k ab ki baar radhika ne cold peene ke liye haan kar hi di thi.
Dono ab ooper suraj ki berth pe aa bethe the ku k suraj ko fir drinks karni thi.
Radhika ne uss ko nahi roka ku ke lunch pe suraj ne radhika ke kehne pe drinks nahi ki thi.
Itna hi nahi uss ne radhika ke kehne pe smoking bhi bahut kam ki thi.
Suraj drinks lene laga. Radhika uss ke paas chipak ke bethi thi.
Dono bas idhar udhar ki baatein kar rahe the.
Radhika chahti to thi uss se uss ki neelu ka pooche.
But wo yeh bhi jaanti thi ke iss se suraj bhavuk ho jaye ga.
10 pm ke kareeb dinner aane pe dono ne dinner kiya.
Suraj ke paas jitni padhi thi uss ne sari pi daali.
Dinner ke baad unho ne lights off kar di. Ku k aunti uncle sona ke liye pehle hi late chuke the.
Dono abhi bhi suraj ki berth pe the. Suraj ki aankhein nashe ke kaaran thodi thodi bhojil hone lagi thi.
‘lagta he tum ko neend aa rhi he.’ Radhika ne poocha.
‘haan’ suraj ne halke se muskra ke kaha.
‘to main fir chalti hoon.’ Radhika ne uthna chaha.
‘radhika mujhe apni goddi mein sula do na jaise kal sulaya tha.’ Suraj ne uss ka haath pakad uss ko roka.
‘mujhe kya apni mom samaj rakha he. Jo har raat meri godd mein sovo ge.’ Radhika muskurai.
‘mom ne to kabhi bachpan mein sualaya ho to yaad nahi. But neelu mujhe sulati thi hamesha apni goddi mein.’ Suraj ke chehre par ek pyari yaad umdi.
‘par main to teri neelu nahi.’ Radhika fir muskurai.
‘dost to ho na, neelu ke ilawa meri dost bann ne wali tum ek matar ladki ho jis ke main itna kareeb aaya hu.’ Suraj ne pyar se uss ka haath sehlate kaha.
‘tum neelu ke saath akele sote the.’ Radhika kuch utsuk ho boli.
‘nahi’ suraj ne radhika ki goddi mein sar rakhte taangein seedhi karte kaha,’wo to jab hum garden ya park mein milte the akele ya kabhi kabhi mere ya uss ke ghar.’
‘ghar mein kab din ya raat ko’ radhika ki utsukta badhne lagi.
Suraj: din mein.
Radhika: sath sath sote the kya.
Suraj: nahi sirf leta karte the aur apne aane wale kal ke sapne bunna karte the.
Radhika: sirf lete hi ya kuch aur bhi.
Suraj: nahi radhika hum ne kabhi limit cross nahi ki.
Suraj uss ke kehne ka bhaav samjhte hue bola.
Radhika: kabhi dil nahi kiya.
Yeh sunn suraj ka dil jor se dhadka. Itni jor se ke ussne kisi ladki ki tarah sharma ke apna chehra radhika ke seene mein chhupa liya.
Radhika ka dil chaha ke wo uss ke chehre ko apne seene pe dabba le par uss ne aisa kiya nahi.
Fir kuch pal baad radhika ne apna swal dohraya to suraj uss ki aankhon mein dekh bola, ‘dil to bahut kuch karta he, bahut kuch chahta he magar mujhe khud pe kaabu karna aata he.’
Radhika uss ko bas dekhti reh gayi.
Suraj ne aankhein moond li.
Radhika ne uss ke sarr ke neeche rakhe baajoo ke sahare se uss ke sar ko thoda ooper kiya liya aur apne seene se beench liya.
Kuch der aisa hi rakhne ke baad wo suraj ke ooper jhuki aur apne raseele hont uss ne suraj ke honto se chipka diye.
Radhika ne ek bharpoor kiss ki iss umeed mein ke shayad suraj uss ka saath de.
But suraj to uss ki goddi ki garmi le so chukka tha. Radhika baar baar suraj ke sar ko baahon mein le uss ke chehre ko apne seene pe dabba rahi thi.
Uss ka dil chah raha tha ke suraj uss ko apni baahon mein le ke poori tarah bheench le apne saath.
Par aisa ab mumkin nahi tha. Uss time radhika ko suraj pe pyar bhi aa raha tha aur gussa bhi. Par dono se kuch nahi niklne wala tha.
Radhika ne ek baar suraj ke chehre ko nihara,’bade jaalim ho tum.’ Wo mann hi mann budbudai,’dil chahta he abhi ke abhi tera rape kar daalu.’yeh sochte hi wo hass di.
Fir jhuki aur uss ke hont pe kiss karne lagi. Ek pal uss ko aisa laga ke suraj uss ko response de raha he kissing mein. Yeh ek pal hi hua. Iss ek pal ke ehsaas se wo kaamp uthi.
Uss ko laga agar wo suraj ko liye aise hi bethi rahi to shayad so nahi paye gi.
Wo dheere se uthi suraj ke sar ke neeche takiya tika. Badan pe chaddar daal ke wo apni berth pe laut aai.
Wo suraj ki aur dekh rahi thi. Andhere mein bahar ki halki roshni mein bhi uss ko suraj ki masoomiyat saaf najar aa rahi thi.
Kya uss ko suraj se pyar ho gya he. Bas inhi sochon mein doobe wo bahut der leti hui suraj ke baare mein hi sochti rahi. Wo kab soi uss ko bhi na pta chala.

[shaziya]

Part-3

Subah saat baje Radhika ki aankh khuli.
Uss ne suraj ki aur dekha.
Magar suraj to waha tha hi nahi usski berth khali thi.
Shayad toilet gya hoga yeh soch wo uthi aur neeche uttar aai.
Aunti apni berth pe bethi thi. Uncle nahi the.
Wo aunti ko morning wish kar ke cabin se bahar nikli aur toilet ki aur chal padhi.
Coach ke door ke paas dekha suraj halki exercise kar raha tha.
Wo uss ko morning wish kar ke toilet mein ghuss gyi. Free ho ke jab bahar aai to suraj abhi wahi tha.
‘seat pe chalna he ya abhi aur exercise baaki he.’ Sink pe haath dhote wo boli.
‘chalo yaar, I was waiting for u. chai peete he.’suraj ke kehte dono chal padhe.
Raaste mein hi chai wala mil gaya. Suraj ne uss ko saath le liya.
Cabin mein abhi bhi akeli aunti hi thi.
Suraj ne aunti ko chaye ka poocha to aunti ne kaha ke wo naha ke hi chaye piti he.
Suraj ne do chaye li aur saath hi train ka status poocha.
Chaye wale ne bataya ke train kareeb dedh ghanta late he dopehar ko baara baje pahuche gi Chennai.
Kareeb pone aath baje train nallore pahuchi.
Station pe uttar suraj ne papa ko call ki aur bataya ke baara baje Chennai pahuch jaye ga fir waha se call kare ga.
Call end kar ke wo radhika se, ‘yaar tera sara balance to maine udha diya.’
Yeh sunte radhika ko bura laga. Gusse se us ne suraj ka kaan pakad liya,’kya bola tu saale.’
‘sorry sorry sorry.’ Suraj ne jhat se kaan chhuda liya.
Fir kaan ko malta bola,’tujhe sharam nahi aati jab dekho saala saala kehti ho. Gaali dete hue sharam ni aati tere ko.’
‘yaari dosti mein sab chalta he yaar.’ Radhika ko gussa jitni teji se aya utni hi teji se uttar bhi gaya.
Nau baje tak dono naha dho tayar ho chuke the. Uss ke baad dono ne nashta kiya.
Issi beech ek aur station pe train ruki to radhika ne door ke paas aa apne ghar baat ki.
Fir cabin mein aa uss ne apni packing shuru kar di.
Uss ko dekh suraj ne bhi packing kar li.
Neeche aunti uncle pehle ready ho chuke the.
Kareeb baara baje train Chennai central station pe ja lagi.
Dono neeche aa gye.
Aunti uncle ke paas luggage kafi tha so suraj ne unn ki help ki.
Aunti ne station pe uttar ke ek chotta sa packet Radhika ko dete kaha,’yeh vaishno devi ka parsad he. Dono aapas mein baant lena. Packet kam he nahi to do de deti.’
Asal mein aunti uncle mata vaishno devi se aa rahe the.
Radhika ne thanx kiya aur packet purse mein rakh dono ne auntie uncle ko bye kaha.
Ab dono ko hotel arrange karna tha. Apna luggage luggage room mein rakh ke nikal pade.
Dono ne plan kiya ke hotel station ke paas hi liya jaye. Unho ne teen char hotel dekhe.
Jo pasand aaye wo full the. Jo khali the wo suraj ne reject kar diye.
Garmi se haal bura ho raha tha dono ka. Suraj ki najar ek juice bar pe padhi to dono juice peene baith gaye.
Juice pi ke suraj ne juice wale se hotel ka poocha to juice wale ne bataya ke yaha aas paas to sab hotel buk rehte he.
Acha hotel lena he to beach road pe jao ya fir mount road. Par wo thode costly he.
‘costly no problem but I want ac room.’ Suraj ne kaha.
Fir juice wale ko jaise kuch yaad aya,’do one thing sir. There is one newly built hotel. That’s about half km. away from here. U may try there.’
Suraj ne raasta samjha. Pedal hi chal padhe dono.
Finally wo uss hotel mein aa hi pahuche. But waha bhi do single rooms nahi the.
Hotel ke manager ne kaha ke unn ke paas ek double bed room he. Radhika ne to jhat se yes kar di.
But suraj ne yes karne mein thodi aana kani ki. Wese hotel aa dono ne apna rishta cousins ka bataya tha.
Aakhir mein wo bhi maan gya ke chalo aaj ka din rukte he fir dekhe ge aage kya karna he.
Room unho ne radhika ke name se liya. Ku ke radhika ko office mein bill submit karna tha. Room book karva ke ek din ka rent de ke dono wapas chal diye saman lene.
Aadhe ghante mein dono luggage le ke aa gye.
Room 3rd floor pe tha. Ac room tha. Naya hotel tha.
Iss liye furniture bhi naya tha. Room mein aate hi suraj ne service boy ko lunch ka order diya.
Lunch aane tak radhika ne ghar aur office call kar li aur suraj ne papa ko.
Lunch kar ke dono bed pe late gaye. Suraj ne aankhein moond li.
Radhika shararat bhare lehje mein,’nini aayi he.’
Suraj ne aankhein band kiye hi haan mein sar hila diya.
‘to aa mera bacha goddi mein nini karva du.’ Radhika ne uss ka haath pakad apni aur kheencha.
Suraj uss ki aur khiska to nahi par karwat jarur badal ke chehra uss ki aur kiya,’mujhe shalam aati he.’ Wo laad se bola ek bache ki tarah.
‘haye oye mela shalmeela bacha.’ Radhika bhi ussi tarah laad se bol thoda uss ke kareeb khiski.
Radhika ne apna haath suraj ke chehre pe rakha aur uss ko sehlane lagi. Par suraj ne koi harkat na ki.
Radhika ka dil to kar raha tha ke wo suraj ko apni baahon mein bhar le. But sharam ne uss ko rok rakha tha. Fir pata nahi suraj ko dekhte dekhte kab wo so gyi.
Kareeb saadhe paanch hone ko the jab suraj ki aankh khuli.
Wo chaunka tha. Ku k wo Radhika ko peeche se chipak ke so raha tha.
‘oh shit’ budbuda ke peeche hatta aur bed ke saath peeth tikka ke uth betha.
Uss ke alag hote hi radhika ki neend bhi tooti. Wo seedhi ho peeth ke bal ho gayi.
Suraj ko dekha to uss ko preshan dekh boli,’hey kya hua suraj?’ magar suraj chup raha.
Radhika ne uss ki aur karvat le uss ka haath pakda fir boli,’wat happened suraj, ku itne preshan ho? Koi bura sapna dekha kya?’
Suraj ne uss ko dekhe bina kaha,’nahi radhika wo hum so kese rahe the chipak ke?’
ha ha ha…. radhia jor se haste hue uthi,’ to iss mein preshan ku hote ho? Train mein bhi to hum ek saath chipak ke bethe rahe the.’
‘nahi radhika mujhe bahut ajeeb lag raha he. Maine aaj tak neelu ke bina kisi aur ladki ko chhua tak nahi aur na hi aisa main soch sakta hoon.’
Radhika bahut sanjeeda ho boli, ‘come on suraj. Yeh ku bhool jaate ho ke neelu ab tumari jindgi se ja chuki he. Wo ab kisi aur ki ho chuki he.’
‘manta hu ke neelu meri jindgi se jaa chuki he magar iss dil se kaise nikalu. Bachpan se agar kisi ko chaha to neelu, kisi ko socha to neelu, kisi ko manga to neelu. Jeete ji uss ko bhool pana mere bas mein nahi he, nahi he.’
Suraj ki kehte kehte aankhein chalak gayi.
‘oh suraj.’ Radhika ne aage badh ke suraj ko seene se laga liya. Uss ki chalkati aankhein ponchne lagi.
Aur fir uss ke gaalon ko choom liya.
Kuch der khamoshi rahi room mein. Fir radhika ne hotel ke phone se chaye ka order diya.
Chaye pi ke dono thoda relax hue to bahar nikal gye. Suraj ne ek simple sa nokia ka mobile liya aur ek naya sim liya.
Fir uss ne papa ko call ki pehle aur baad mein mom ko.
Fir baad mein uss ne kurta pajama, ek rubber chappal aur kuch khaane ka saman liya.
Pese kam hote dekh. Ek atm se dus hazar nikale. Jab hotel pahuche to aath baj chuke the.
Service boy ko cold drinks ka keh ke dono room mein aa gye.
Cold drinks pi ke radhika, ‘Suraj dinner kab lena he.’ Suraj, ‘yaar thoda ruk ke lete he.’
Fir kuch pal ruk ke suraj bola,’radhika kya main drinks le lu dinner ke saath.’
‘kyu he abhi tere paas?’ radhika ne poocha.
‘Nahi yaar he to nahi main mangwa leta hu ya fir khud ja ke le aata hu.’ Suraj ne kaha.
‘please suraj mat lo.’ Radhika ne request si ki.
‘yaar pi ke neend to aa jaye gi.’ Suraj ne fir se kaha.
‘tum to so jao ge suraj par mujhe darr lage ga. Main akeli padh jau gi. Iss anjani jagah pe.’ Radhika ka kehna bhi thik tha.
Par uss ki preshani dopehar ko sote time jo hua wo thi.
‘ek to sala tv bhi nahi yaha pe time paas karne ko.’ Yeh bol uss ne reception pe phone lagaya aur poocha ke rooms mein tv ka arrangement ku nahi.’
Reception pe betha banda chonk ke, ‘kya sir aap ke room mein tv nahi?’ aur fir kuch pal ke baad hi manager service boy ke saath tv le enter hua.
Sorry bol ke batane laga ke kal saath wale room ka tv kharab ho gaya tha ladko ne iss room ka nikal ke laga diya aur aaj yaha naya lagana bhool gye.
Kuch hi minto mein tv fit ho gaya.
Suraj ne service boy ko dinner 9.30 pe laane ko keh diya.
Tv lagne se wo thoda relaxed lag raha tha ab. Radhika koi serial dekhna chahti thi. Magar suraj ko saas bahu ke pange bilkul pasand nahi the.
Uss ne movie channels check kiya. Ek channel pe purani movie do badan chal rahi thi. Suraj ne wahi laga di.
‘oye devdas ki aulad yeh kya sad movie laga di.’ Radhika ne uss se remote le movies check ki.
Ek channel pe hadd kar di aap ne chal rahi thi wo laga di. Fir radhika apna night suit le ke bathroom mein ghuss gyi.
Uss ke jaate hi suraj ne bhi naya laya kurta pajama nikala aur jhat se change kar pa liya.
Radhika jab bathroom se nikli to uss ke badan pe kurta pajama tha. dheela dhala sa.
Sadhe nau ke karib dinner aa gya. Dono ne mil ke dinner kiya. Dinner ke baad dono room mein hi tehlne lage.
Suraj ek window ke paas aa curtain sarka bahar dekhne laga Chennai city ki jag mag karti badhi badhi buildings ko.
Fir kuch der baad wo room mein rakhi ek chair par beth gaya.
Radhika jo abhi bhi tehal rahi thi uss ne mehsoos kiya ke suraj tv nahi dekh raha, haan preshan jaroor he.
Yeh feel karte hi wo boli ‘kya hua suraj’
Suraj: kuch nahi.
Radhika chhedne wale mood mein , ‘kuch to hai, kya soch rahe ho fir?’
suraj fir ussi lehje mein, ‘kuch nahi.’
‘kuch to hai. Kya neelu ki yaad aa rahi he?’ suraj kuch na bola bas radhika ko dekhne laga.
Radhika fir se, ‘kahin yeh to nahi soch rahe ke kaash meri jagah wo hoti?’
‘ku uss ki yaad dilati ho yaar?’ suraj thoda sa kheej ke bola.
‘acha chalo nahi baat karti uss ki. Chalo utho bed pe leto. Leto ge to neend aaye gi.’ Yeh keh radhika fir se bathroom mein ghuss gyi.
Suraj fir uth ke tehlne laga. Radhika jab bahar nikli to wo bhi bathroom gya.
Bathroom mein wall hanger pe radhika ke under garments dekh wo aur preshan ho utha.
Sochne laga ke kya ab radhika inn ke bina he.
Dopehar ko jo hua sote time agar raat ko bhi wesa hua to.
Bahar aaya to radhika window ke paas khadi tv dekh rahi thi.
Suraj ko dekh uss ne curtain laga diya.
Aur fir suraj se boli, ‘abhi sona he ya nahi.’
Na chahte hue bhi suraj ki najar radhika ke badan pe daud gayi. Suraj uss ko dekhte ek pal kaampa.
suraj ne jhat se najar feri aur bed ke kareeb ja,’mujhe abhi neend ni aayi tum ko sona he to so jao.’
Kya baat he suraj tum itne ukhade se ku ho.
Finally suraj ne apni preshani bata hi di,’Radhika pehli baar main iss tarah kisi anjan ladki ke saath akela wo bhi hotel mein. Anjan log anjan jagah. Mujhe bahut ajeeb feel ho raha he.’
Radhika uss ki preshani samaj kar,’yaar mere saath bhi to esa pehli baar ho raha he.’
Suraj uss ka chehra dekh,’kya tum ko darr nahi lag raha iss tarah. Kisi ko maloom ho gaya to? Main to ek ladka hu. Par tum to ek ladki ho. Ek kunwari ladki. Ek ladki ese hotel mein ek anjaan ladke ke saath.’
Yeh sunte hi radhika ne haath nachaya,’oye tum ko kis ne kaha main kunwari hoon?’
yeh sunte hi suraj uchhal hi to pada tha,’wat, r u married?’
‘ya’ radhika boli.
‘tum pagal ho gayi ho radhika agar tere hubby ko pata chal gaya to?’ suraj kaamp gaya.
‘I m divorcee.’ Radhika ke sawar mein dukh ke badal the.
Yeh sun ek aur tej jhatka laga suraj ko,’r..a..d..h..i..k…a...’ Suraj ki awaaj kaamp gayi, ‘ but y? how? yeh sab kyu hua kese hua?’
Radhika bhaari awaaj mein,’meri shadi hui thi. 4 saal pehle hi. Meri age 24 nahi 27 he. Tab main 23 ki thi. Love marriage hui. Hum itne ameer to nahi par hamari ek educated middle class family he. Robby naam he uss ka. Main usse jee jaan se chahti thi. Wo ek sadharan family se tha. Uss ne shadi mere se nahi meri daulat se ki. Papa aur meri chhoti behan mitali ko robby shuru se pasand nahi tha. But mom aur mere bhai manish ne mera saath diya. Shaadi papa ne fir bhi dhoom dhaam se ki. Shaadi ke chand roj baad hi mujhe idea ho gaya ke robby aur meri saas bahut laalchi insaan he. Robby yeh bhool gaya ke uss ki bhi do chotti behne he. Shaadi ke 3 months baad hi robby ne kaha ke wo foreign jana chahta he iss liye uss ko dus laakh chahiye. Wo mujhe papa se laane ka jor dene laga. Maine shaadi apni marji se kithi iss liye papa ko kehne ka to sawal hi peda nahi hota tha. Maine saaf inkar kar diya. Uss din pehli baar uss ne mujh par haath uthaya. Dheere dheere maar peet badhi to ek din main yeh keh ke thik he main papa se baat karti hu keh ke main laut aayi. Meri parents ke diye hue saare gehne mere bank locker mein hi the so main waha se unn ki di hui jewellery le ke nikli thi. Jo baad mein police complaint kar ke maine sab ke saamne lauta di ta ke mujh pe chori ka ilzaam na lage.’
Suraj yeh sunn ke sakte mein aa chukka tha.
Ek haste kehlte chehre ke peeche itna dard samete bethi he Radhika. Yeh soch ke suraj dukhi ho utha radhika ke liye.
Radhika ke batane ke beech hi dono bed par beth gaye the saath saath tangein latka ke.
‘so sad. Very bad. Pyar ka sab se bada dushman he yeh pesa.’ Suraj ne ek aah bharrte kaha.
‘suraj tum ko dekhti hoon to sochti hoon ke kaash robby bhi teri tarah pyar karne wala hota. But jo hona hota he wahi hota he na.’
Suraj: radhika kisi ne sach hi kaha he jis ko pyar mile wo bhi dukhi aur jis ko na mile wo bhi dukhi.’
Radhika: suraj bade shehron mein pyar kam dhokha jayada milta he.
‘yeh bhi sahi he.’ Suraj ne aah bhari… fir bola,’agar wo laalchi na hota to aaj wo tere saath yaha hota.’
Radhika ne suraj ko dekha aur halki muskan ke saath boli,’acha he yaar wo nahi he. Verna tere jesa pyara dost kese milta.’
Suraj dekh raha tha Radhika ne waqt ke saath kese samjhauta kar liya he.
Fir wo bola,’tumare to aur bhi dost ho ge.’
Radhika boli,’he magar saale sab tann ke bhookhe. Issi liye to akeli aayi yaha pe.’
‘badi himmat he yaar tere mein.’ Suraj ne uss ki daad di.
‘acha chal yaar bed pe lete. Try kar sone ki. Mujhe neend aa rahi he.’ Radhika ke kehte ab Suraj ne haami bhar ke tv off kiya. Lights off kar ke night lamp on kar diya. Ku wo janta tha k radhika ko subah kaam pe jana he.
Radhika to late gayi par suraj abhi bhi bed ki back se tek lagaye adh leta sa deewar ko dekh raha jaha tv band tha.
‘sone ki koshish kar na yaar.’ Radhika ne uss ki aur karvat lete kaha.
‘abhi neend ni aa rahi issi liye drinks lena chahta tha.’ Suraj ne wese hi lete hue kaha.
‘aa ja mera bacha main sula du.’ Keh ke radhika ne apna right hand aage kar uss ko bulaya.
‘tumare paas aane se darr lagta he.’ Suraj dheeme se bola.
‘oye mujh pe bharosa nahi. Do raat issi goddi mein sar rakh ke soya he tu.’ Radhika ne thoda sar uthate kaha.
‘yaar tab baat aur thi tab main nashe mein tha. Tum pe to bharosa he par khud pe nahi.’ Suraj fir se wese hi bola.
‘par mujhe tum pe full trust he suraj. chal aa tera darr dur karu.’ Keh ke radhika thoda uthi aur paas aa uss ko apne paas kheecha.
‘please radhika’ suraj ne minnat ci ki.
‘come baby come.’ Radhika ne kheench kar uss ka sar apne left shoulder pe rakh uss ke maathe ko chooma.
Suraj ki dhadkne badhne lagi thi. Waqt yeh kesa khel khel raha he uss ke saath. Uss ke sochne shakti dheere dheere khatam hone lagi thi.
Udhar radhika suraj ko apne se lagaye soch rahi thi. Koi male esa bhi ho sakta he duniya mein. Verna males to moka dhoondte he kisi female ke kareeb jaane ka.
Radhika jo abhi tak har mard ko vasna ka putla samjhti thi.
Wo heran thi suraj jese insaan se mil ke.
Koi kisi se ese bhi pyar kar sakta he. Yeh aaj pehli baar wo dekh rahi thi.
Verna ese pyar karne wale pagal premi to ya kisse kahaniyo mein milte he ya fir movies mein.
Yahi sochte hue wo kab soyi uss ko pata hi na chala.
Suraj ne jab dekha ke radhika so gyi he to uss ne ek chain ki saans li.
Aur kuch der baad wo bhi so gya.
Subah ke saat bajne wale the jab radhika ki neend tuti.
Paas sote suraj ko dekh uss ke honto pe ek smile ter gayi. Suraj ke gaal ko choom wo uthi.
Curtain ko window se ek side pe kiya. Suraj ki kirne room mein aati chali gayi.
Dur oonche oonche trees ki ek lambi kataar uss ke dil ko chhoo gayi.
Window ko khol diya uss ne. samundar ki aur se aane wali halki halki hawaein uss ke chehre se takrate hi poore badan mein ek sihran peda kar gayi.
Uss ne palat ke suraj ko dekha wo bhi suraj ki kiran ki roshni ke karan jaag chukka tha aur angdayi le raha tha.
Happy and sweet morning suraj yeh kehte wo suraj ko dekh smile dete boli aur washroom ki aur chal di.
Suraj bhi uth betha. Room service pe phone kar ke do chaye ka order diya.
Uth ke window ke paas ja khada hua. Bahar ke najare ne uss ko taro taja kar diya.
Itne mein door bell baji. Door khola service boy tha.
Suraj ne door se hi chaye le ke door ko fir se band kar diya.
Itne mein Radhika bhi bathroom se nipat ke nikal aai. Chaye ki tray ko dekh radhika,’tu nahi sudhre ga bad boy.’
Suraj ne bass smile hi di.
Dono paas paas beth ke chai peene lage.
Chai peete peete Radhika, ‘suraj raat ko neend achi aayi’
Raat ka sunnte hi suraj ghambeer ho utha, ‘Radhika raat ko to neend achi aayi par….’
Suraj kuch kehte kehte ruk gaya.
Radhika: par kya?
Suraj: yaar agar kabhi kisi ko kuch pata chal gya to kya hoga. Hum dono ek saath hotel k eek hi room mein.
‘oye fir wahi baat.’ Radhika ne aankhein tareri.
Suraj thoda udas hote: tum samjhti nhi radhika kahi hum koi bhool kar bethe to. main yeh sab neelu ke ilawa kisi aur se soch bhi nahi sakta. Main aksar yeh sapna dekha karta tha ke neelu dulhan bani surakh jodhe mein suhag sej pe bethi he. Aur…..’
Radhika ne uss ko beech mein toka,’suraj sapno ki duniya se nikal aa, sachai ko samaj. Wo ab kisi aur ki ho chuki he aur rahi baat hamari to. Ek baat bata kya main tum ko esi lagti hu. Kya apni iss dost pe tum ko koi bharosa nhi.’
kehte kehte ek pal ruki radhika to suraj bola, ‘bharosa to poora he yaar. Par fir bhi hamara rishta kya he ek doosre se. aur kal ko agar kisi ko pata chal gya to koi kya soche ga.’
Yeh sunn radhika suraj ke dono haath apne haathon mein thaame aur boli: suraj hamare beech ek hi rishta he. Bharose ka rishta. Trust ka rishta. Itna to trust he na tum ko apni iss dost pe. Maana ke hum ko mile do teen din hi hue he. Par na jaane kyu esa lagta he jese hum barso se jaante he ek doosre ko.
Suraj kuch sochta hua radhika ka chehra gaur se dekhne laga.
Uss ko ese soch mein dooba dekh achanak radhika ne suraj ko bed par peeth ke bal gira diya aur uss ke ooper chadh ke bethte boli, ‘oye main janti hoon tu patni varta pati ban-na chahta tha. Vishwa mitar ki saatvi aulad suraj chopra ki tapasaya bhang kar de gi yeh radhika. Yahi soch raha he na tu. Saale ab aur jayada teen paanch ki to yahi abhi ke abhi subah subah rape kar daalu gi tera saale.’
Radhika ka itna kehna tha ke suraj ne radhika ko pakad bed pe gira diya aur khud uss ke ooper chadh betha.
Aur uss ke haathon ko apne haatho mein daboch ke bola: saali jab dekho rape rape karti rehti he. shakti kapoor ki behan he kya tu?
Sunnte hi radhika ki hassi chhoot gayi. Aur suraj bhi hassta hua uss ke ooper gir gaya.
Kuch der baad jab dono ki hassi ruki to radhika boli: chal baaki baatein sham ko. Ab mujhe ready hone de.
9.30 am pe dono ready ho hotel ke bahar aa ek auto mein aa bethe.
Radhika ne mount road pe ek building ka bataya to auto wala chal padha.
Radhika chhefon ki sari mein kayamat dha rahi thi to suraj bhi jeans t-shirt mein kam nahi lag raha tha.
Kareeb pone ghante baad dono uss building ke saamne the jaha radhika ko jana tha.
Suraj road cross kar ke uss ko building tak chhodne aya.
Radhika ne kaha ke possibly wo 5 pm tak free ho jaye gi.
Radhika ke jaate hi suraj ne papa ko call ki.
Uss ke papa ne kaam samjhaya.
Aur fir addres sms kar diya.
Suraj ne address padha ek auto pakda uss ko addres bata ke chal padha.
Kareeb pone baara hone ko the jab suraj iyer industrial corporation ke maalik Mr. T. Iyer ke saamne betha tha. Iyer ko dekh heran tha.
Itni badi firm ka malik ek sadhaaran kameej, dhoti, paon mein rubber ki chappal, kandhe pe madrasi style ka saafa aur maathe pe lamba chandan ka teeka.
Rang almost kala. Ooncha lamba kad, bada sa pet, chehre pe badi badi moonche.
Suraj ne apna introduction diya. Ku ke age mein Iyer 50 plus tha to habit se suraj ne haath jodh ke thoda sa jhuk Namaste kahi.
‘bala ji bless u son.’ Iyer muskra ke bola.
Fir haal chaal poochne ke baad dono business ki baat karne lage.
Itne mein ek tamil ladki sari mein lipti hui cold drinks le ke aai.
Cold dene ke baad bhi wahi khadi suraj ko bade gaur se dekhne lagi.
Jab Iyer ne usse suraj ko ghoorte dekha to haath hila ke bola, ‘go go.’
Wo ladki muh banate hue waha se chal di.
Cold lete lete dono fir se kaam pe baatein karne lage.
Fir iyer ne ek lifafa nikal suraj ke aage rakhte south Indian style hindi mein kaha,’hum kal hi two lacs ka cheque banaya ji to send by courier. Ur father Mr. Chopra called me yesterday and told that u r here. So main nahi bheja ji.’
Iss pe suraj bola,’please send by courier uncle. I have plan to stay here for a week. By then it will reach.’
‘as u wish ji.’ Keh ke Iyer ne intercom pe kisi ko kaha,’come.’
Kuch hi pal mein wahi ladki fir se aai. Iyer ne uss ko cheque wala liffafa dete hue,’send this courier.’
Ladki liffafa le fir wahi khadi ho gayi. Tab gayi jab fir se iyer ne kaha go go.
Uss ke jaate hi iyer khee kheee kar ke hass diya,’tamil girls like north Indian boys. They are very handsome, fair fair….we south Indian black black.’
Yeh sunnte suraj ki hassi chhoot gayi. Iyer bhi hass diya uss ke saath.
Fir iyer,’ if u need any cash then tell.’
Suraj: No thanx uncle.
Mr. Iyer: if u need anything u may call me.’ Yeh keh uss ne apna card suraj ko de diya.
Suraj: uncle if possible may I get some bike or any vehicle here for some days.
Suraj ko auto mein mushkil lag raha tha ana jana.
‘y bike take my car son if u know driving.’ Iyer ne kaha.
‘I know driving uncle but I prefer bike.’ Suraj ko bike jayada pasand thi.
‘youngman likes bike more.’ Iyer fir se hass diya. ‘come with me home. A bike of my son is there.’
Suraj: ‘if I take bike what will ur son do.?’
Iyer: he is out of country and will be back next month only. No problem ji.
Fir iyer ne ghar phone kiya tamil mein lunch ka kaha aur saath mein kuch aur bhi kaha.
Suraj samaj gaya ke iyer ne lunch ke liye kaha he ghar pe.
Uss ne lunch ke liye rokna chaha par iyer nahi mana.
Iyer ne suraj ko kaha ke chahe wo aur hari kabhi mile nahi par wo dono fir bhi gehre dost he like brothers.
Aur iss hisab se suraj uss ke bęte jesa hi hua.
Suraj ne smile de thanks kaha.
Suraj aur wo kuch der aur business talks karte rahe.
1 pm pe dono office se nikle.
Suraj ko office ke bahar hi wo ladki fir dikhayi di. Jo badi hasrat bhari nigahon se suraj ko dekh rahi thi.
Suraj bas smile deta hua aage badh gaya. Dono iyer ki car mein bethe aur 20 mints ki drive ke baad iyer ki kothi pe the.
Kya aalishan kothi thi. Ek naukar ne gate khola to driver car ko ander le gaya.
Enter hote he dono aur shandar lawn bana tha. Jiss mein bahut pyare phool paude lage the.
Naukar ne gate band kar diya. Suraj ne dekha ke wahi naukar bike ko dho ke saaf kar raha tha.
Suraj iyer ke saath kothi ke ander aa gaya.
Raaste mein pehle lobby thi jis ke ek kone mein ek bada sa kutta suraj ko dekh bonkne laga.
Magar iyer ke kuch tamil mein kehte hi wo chup ho gaya.
Dono ander drawing room mein enter hue to saamne mrs. Iyer aa gayi.
Iyer ne introduce karvaya dono ko.
5’4” ki bhari bharkam aurat. Banarsi saari mein lipti hui. Badi badi aankhein. Honto pe surkh laali aur maathe pe badi ci bindiya ke ooper sindhoor ke patli ci lakeer.
Lambe baal jin pe gajra sajaa hua. Hindustani aurat ki bemisal murat thi wo.
Suraj ne jhuk kar parinaam kiya to uss ne bade hi pyar se suraj ko seene se lga uss ka sar choom liya.
Suraj ko uss ko chhoh mein badi hi pyar se bhari mamta ka ehsaas hua.
Dono drawing room mein abhi sofe pe bethe hi the ke kone se suraj ko ek alhadh mutiyar chanchal hirni ci thirkti hui haath mein sharbat ke glass ki tray laati dikhai di.
Suraj to uss ko dekhte hi sunn sa ho gaya.
Halka Sanwla rang, teekhe nain nakash 19-20 age ki iss ladki ne tang choli aur neeche ghagra pehna hua tha.
Pehrawe se suraj ko yeh naukrani lagi.
Par sundarta mein film actress sridevi se kisi lihaj se kam nahi thi.
Suraj ko to dil ki dhadkan hi rukti ci lagi.
Suraj dil hi dil mein sochne laga…yaar mujhe to lagta tha ke beauty mein north Indian girls jesa koi nahi. Par yeh ladki to sab ko maat de gyi. Kya bala ki khoobsurti he….
Wo aai tray table pe rakhi. ‘hello, myself parul iyer.’
Ek bansuri ci sureeli aur madhur awaaz suraj ke kaano se takrayi.
Wo mehndi se sanna haath suraj ke aage kar khadi thi.
Parul iyer…dil mein naam dohrata suraj chonka.
‘hello, myself suraj chopra.’ Suraj kaampti awaz se bola aur khada ho uss se haath mila diya kuch jhijkte hue.
Kitna naram kitna mulayam aur nazuk sa haath tha uss ka.
‘my daughter.’ Iyer bola ab.
Suraj pe jese bijliya gir rahi thi.
‘please have a seat.’ Fir se parul ki madhur awaaz sunai di.
Wo beth gaya to parul ne suraj ko sharbat diya wo le ke peene laga.
Iyer sharbat pi ke utha aur suraj ko yeh bol ke just coming ek kamre ki aur chala gaya.
Kuch pal khamoshi rahi.
Parul uss ke saamne doosre sofe pe bethi thi.
Suraj ko jab pata chala ke yeh iyer ki beti he to uss ki aur himmat na hui thi parul ki aur dekhne ki.
Idhar parul bhi sofe pe bethi beech beech mein suraj ko badi hi gehri najro se dekh rahi thi.
Suraj ke aane ki khabar ghar mein kal sham ko hi de di thi iyer ne.
Iyer ne bataya tha ghar pe ke Chandigarh se kisi hari chopra ka beta aa raha he to saath hi iyer ne hari ki khoob tareef ki thi patni aur beti ke saamne.
Hari ki imandari uss ke acha behave inn sab ke baare mein batata raha.
Ghar mein uss ne pehle hi bol rakha tha ke hari chopra ke bęte ko wo ghar le ke aaye ga jab bhi wo aya.
Aur ho sakta he wo aa ke unn ke ghar hi ruke.
Iyer ne apni patni se yeh bhi kaha tha ke wo chahta he ke parul ke liye bhi ese hi koi ache logo ki family mil jaye.
Mrs. iyer ne kaha ke agar suraj bhi ese hi acha hua to kyu na fir wo parul aur suraj ki hari se baat kar le baad mein.
Yeh sunte hi mrs. iyer to khush ho uthi thi.
Parul ne yeh sab baatein aate jaate sun li thi.
Parul ko gussa aya tha apne mummy papa pe ke unn ko itni jaldi kyu padi he uss ki shadi ki. Abhi to wo padh rahi he.
Jab se wo 18 ki hui yeh sab chalne laga tha. jaan pehchan mein koi bhi ladka mrs. & mr. iyer ko jab najar aata to wo esa sochne lag jaate.
Parul ko uss ki mummy ne ache se ready hone ko kaha.
Par parul ne iss ke ulat jaan bhooj ke ghar pehnane wali ghagra choli daal li.
Par jese hi uss ne suraj ko apne mummy papa ke saath ghar ke ander aate dekha to uss ko dekhte hi uss ke dil ki dhadkan ruk ci gayi.
Pehli hi najar mein wo jese dil hi de bethi thi suraj ko.
Pehli hi najar mein wo ajnabi nahi apna sa laga tha.
Uss ka apna…. Apne sapno ka raj kumar.
Suraj najre jhukaye betha tha to parul chori chori uss ko dekh rahi thi.
Suraj ko ese khamosh dekh Parul ne hi khamoshi todi.
Parul: don’t feel shy mr. suraj. Feel free like ur home.
Suraj ne dheeme sawar mein, ‘thank u miss parul’.
Fir parul ne poocha, ‘aap kiya karta he ji.’
Suraj ne jawab diya,’maine B.Sc. final ke exam diye he aur aap?’
Parul ne kaha, ‘main b.com. part 2 ka exam diya.’
Itne mein mrs. Iyer aa gayi.
Uss ne dono ko bataya ke lunch ready he.
Suraj washroom ka pooch washroom chala gaya. hath wash kar wo dinning table pe aa gaya.
Mrs and mr iyer to beth chuke the par parul abhi khadi thi.
Jese hi suraj ek chair pe betha to parul bhi uss ke saath wali chair par beth gayi.
Suraj parul ke iss manners ko dekh bhaav vibhor ho gaya tha.
Khana bahut acha tha. Basmati rice, fish currey, samber, idli dosa, nariyal ki chatni aur na jaane kya kya.
Suraj ne khane ki bahut tareef ki. Khaas kar fish currey aur nariyal ki chatni ki.
To mrs. Iyer ne bataya ke ye dono items parul ne apne haath se banayi he.
Suraj ne parul ki dil khol ke tareef ki aur saath hi yeh afsos bhi jahir kiya ke wo unn ke bęte ko na mil paya.
Khaane ke baad sab ne mil ke coffee pi.
Suraj ne ab jaane ko kaha.
Mrs iyer ne kaha ke wo hotel ki jagah yahi shift ho jaye.
Par suraj ne bataya ke uss ke saath ek dost bhi he.

[shaziya]

Part-4

Fir parul ne apne papa ko tamil mein kuch kaha.
Asal mein parul ko apni ek friend ke paas jana tha par uss ki activa service ke liye gayi thi.
Jana to uss ko pehle hi tha par suraj ke aane ka programme ban jaane ke karan mrs. iyer ne uss ko jaane na diya tha.
Uss ne apne papa ko kaha chhodne ko to iyer ko jab suraj ka yeh pata chala ke wo mount road ki aur ja raha he to iyer ne kaha ke wo raaste mein parul ko drop karta jaye.
Iss se suraj ko bhi asani ho gi ku ke parul uss ko raasta bata degi mount road ka.
Suraj hairan tha ke kese koi ek anjan shakas par itna vishvas kar sakta he ke apni jawan beti ko uss ke saath bhej de akele.
Suraj sochne laga ke Yeh sab uss ke papa ki image ke kaaran hi ho raha he.
Bhalle iyer kabhi hari se nahi mila tha.
Par business mein uss ki imandari aur nek dili ne iyer ka dil jeet liya tha.
Uss ko apne papa pe garv ho raha tha.
Kuch hi der mein parul ooper se neeche aati dikhai di.
Suraj ki to jese saansein atakne lagi.
Halke neele rang ki sari with silver border aisi hussan pari uss ne dekhi nhi thi kabhi.
Ooper se uss ki qatil muskan suraj ko laga wo abhi apne hosh kho de ga.
Khud ko sambalne ke liye suraj ko doosri aur dekhna padha.
Sabhi dheere dheere bahar ko chal padhe. Bahar aa dekha ke bike porch mein main gate ke paas khadi thi.
Uss ne jhuk kar mrs. and mr. Iyer ko parnaam liya.
Mrs. Iyer ne fir aage badh ke seene se laga ke uss ka pehle maatha chooma fir apni sari ke paloo se maatha saaf kiya jis pe lipstick ke nishan padh gaye the.
Suraj bike pe betha.
Parul uss ke shoulder pe haath rakh ke peeche bethi to wo chal padha.
Parul uss ko raasta batati rahi aur wo chalta raha bade dheere dheere. Raasta batane ke liye parul thoda uss se chipak rahi thi beech beech mein.
Uss ki chhoh bhar se suraj ke badan mein sekdon bijliya kondh rahi thi.
Kareeb 15 mints mein dono ek kothi ke saamne aa ruke.
Parul ne uss ko ander aa ke apni friend ko milne ka kaha but suraj ne jaldi ka keh ke taal diya.
Fir bhi parul ne bell kar ke apni friend ko bahar hi bula liya.
Wo bhi ek tamil ladki hi thi. Name tha babita. Khoobsoorat thi par parul jitni nahi.
Wo bhi ghagra choli mein hi thi.
Suraj samaj gaya ke yeh yaha ghar ka aam pehrava he girls ka.
Fir parul ne uss ko mount road ka raasta samjha diya.
Dono se bye bol ke vida li aur teji se nikla waha se.
Parul hairani se dekh rahi thi ke uss ke saath kitne aram se aya tha aur ab kitni teji se nikla.
thoda aage chal ke hi uss ko mount road ka signboard najar aa gya.
Uss ne bike ek aur roki cell nikal ke time dekha 4 pm hone ko the.
Radhika to paanch baje free hogi. Yeh soch uss ne papa ko call laga di.
Aur sab kuch details bata di. Hari ne bataya ke uss ko sari report pehle hi iyer de chukka he.
Iss pe suraj ne kaha ke fir to uss ne aise hi balance waste kiya. Dono hass diye.
Suraj ne kaha wo baaki baat hotel pahuch ke kare ga.
Suraj ne helmet pehni fir chal padha.
Uss ne ek jagah kisi se radhika jaha gayi thi uss building ka poocha to pata chala hardly 10-15 mints ka run he.
Kareeb 4.25 hue the jab suraj waha pahuch gaya. Uss ne bike side lane mein le parking ke corner mein rok di.
Uss building ki stairs paas hi thi. Abhi wo soch hi raha tha ke adha ghanta kya kare ga. Itne mein cell baja.
Dekha to radhika ki hi call thi. Radhika ne bataya ke wo ab free he.
Suraj ne kaha wo aa jaye bahar wo aa raha he.
Do mint baad hi radhika bahar aati dikhi.
Suraj ke dimag mein shararat sooji.
Uss ne rumaal nikal chehre pe bandha. Goggles lagai, sar pe helmet pehna aur dheere se radhika ki aur badha.
Radhika stairs uttar ke neeche aa chuki thi.
Suraj uss ke kareeb ja ke ruka aur thodi awaz badal ke bola,’Hello’
Radhika ek bike sawar ko paas pa kar chonki,’yes.’
Suraj jis ne thodi awaaz change ki thi. Chehre pe rumal tha.
Radhika to soch bhi nahi sakti thi suraj ka.
Suraj fir se,’wanna lift.’
Radhika,’no thanks.’
Suraj: come mam seat is vacant.
Suraj ne pichli seat ki aur ishara kiya.
Radhika nonsense keh ke kuch kadam chal di.
Suraj ne bike dheere se bada di.
Uss ko saath aate dekh radhika thode gusse se,’wats ur problem? Y r u following me?’
Suraj thodi chanchalta se,’to give u lift.’
‘lift my foot.’ Cheekh hi to padi thi radhika.
Uss ko cheekhte dekh raah chalte kuch log ruk gaye.
Radhika dheeme se bud-budai,’yeh suraj bhi pta nahi kaha reh gaya.?’
‘shaitan ko yaad karo to shaitan haazir he mohtarama.’ Keh ke suraj ne helmet aur rumal nikal diya. Aur fir jor se hass diya.
‘uuuuuuuuuuuuuuuuu naughty. Yeh kya darama he.’ Radhika ne purse suraj ki peeth pe de mara.
Aur fir ruke logo ko dekh, ‘ sorry guys. My friend playing prank with me.’
Log bhi muskarate chal diye.
‘arey yaar yeh bike kaha se li.’Radhika hairan thi bike dekh ke.
‘oye appa koi aive teve ni badi pahuchi hoi cheez hune aa.’ Suraj ne poora Punjabi style mein kaha.
‘haye oye mera Punjabi shona munda.’ Radhika bhi ussi lehje mein kehte hue suraj se lipat gayi.
‘yaar log dekh rahe he kya kahe ge.’ Suraj ne uss ko alag karne ki koshish mein kaha.
‘vadhan tel le ke bhande ch loki.’ Radhika fir Punjabi mein hi boli.
Suraj thahaka laga ke hass diya. Radhika suraj ke peeche chipak ke beth gayi.
Suraj ne bike chalani shuru kar di.
‘kya prog. he kaha chalna he. Beech pe chale.?’ Suraj bike drive karte bola,’ mausam bhi kitna badiya ho chala he. Kese pyare pyare badal chha rahe he.
Asal mein aadhe pone ghante se asmaan mein halke halke badal chhane lage the. Jo ab ghanne ho rahe the. Hawa bhi kuch tej aur thandi chal rahi thi.
‘tujhe deen duniya ki khabar he ke nahi.’ Radhika thode teekhe sawar mein boli.
Suraj thoda chonk ke,’ku kya hua?’
Radhika: yaar kisi bhi time cyclone hit kar sakta he Chennai mei alert he. Issi liye main jaldee free ho gayi. Coz time pe hotel pahuch pau.’
‘wow’ suraj chehka tha.
‘bada kameena he yaar tu.’ Radhika ne suraj ke peeth pe ek mukka maarte kaha, ‘logon ki phatti padi he aur tu wow bol rha he.’
Suraj apne ussi lehje mein, ‘sachi yaar mazaa aa jaye ga. Cyclone ka aaj tak suna he. Movies mein dekha he tez hawaein, toofani barish. I love to experience this.’
‘tera kuch nahi ho sakta.’ Radhika sachi mein tense thi.
Jese jese wo log hotel ki aur badh rahe the hawa tez aur thandi hoti ja rahi thi. Aur badal gehrate ja rahe the.’
Suraj ne ek corner mein bike rok ke halmet utar ke goggles utar ke radhika ko di purse mein rakhne ko ku ke visibility kam hone lagi thi aur cell bhi de diya saath mein.
Wo hotel se abhi dur the ke halki barsat shuru ho gayi. Jab tak hotel pahuchte barish thodi tej ho gayi jis se suraj poori tarah bheeg gaya.
Radhika ka peeche hone ke karan thoda sa front se bachav raha. Hotel aate he radhika teji se ander bhaagi.
Suraj bike ko basement mein le gaya jaha parking thi.
Suraj jab room mein pahucha to radhika sari utar sirf peticot aur blouse mein thi.
Suraj ek gadbad ho gayi……suraj ko aate dekh radhika boli.
‘kya hua’ suraj ne chehra pochte poocha. Radhika ne ek paper pe kuch likh ke suraj ko paper dete kaha,’yeh medicine chahiye. Mujhe yaad nhi rahi raaste mein leni’
‘tu thik to he na radhika.’ Suraj yeh sunnte thoda preshan ho utha.
Radhika: bas yaar wo lunch time pe thodi tabiyat bigadh gyi thi. May be change of climate ya pani ke kaaran.
Radhika ke kehte hi suraj door ki aur lapka, ‘chal fir main le aata hu.’
Fir uss ne radhika se apna purse maanga ku k barish shuru hote hi uss ne purse aur cell radhika ko de diye the.
Radhika ne uss ko purse diya to suraj ne reception pe aa ek chotta poly bag liya uss mein purse aur paper rakha.
Fir medical store ka poocha jo jayada dur nahi tha. To wo pedal hi chal diya.

Medical store se jhat se medicine li. Polybag mein rakh ke pocket mein daal hi raha tha ke saamne ek wine shop pe najar padi uss ki.
Chehra khil utha uss ka. Uss ne ja ek RC ki bottle kharidi.
Ek bada poly bag le ke dabbe se nikal bottle uss mein lapet li aur wapas chal pada.
Room mein pahucha to radhika kapde change kar chukki thi.
Wo apne cell pe kisi se baat kar rahi thi. So suraj uss se najar bacha ander ghussa aur bed ke peeche bottle tika di.
Fir medicine nikal ke table pe rakhi aur kurta pajama utha ke bathroom mein ja ghussa.
kapde change kar ke bahar aya to dekha radhika preshani mein phone dial kar rahi thi.
Uss ne phone apni mummy ko kiya tha.
Batane lagi ke cyclone ke karan agle 3-4 din bhari barish ho gi yaha iss liye seminar ko Monday aur Tuesday ke liye postpone kar diya gaya.
Fir uss ne kaha ke uss ki wapsi ki ticket bhai ne karvai thi jo Sunday ki he wo cancel karva de.
Yeh sunn uss ki mummy ne preshan ho ke poocha wo akeli kese kare gi adjust.
Tab radhika ne suraj ke baare mein batate kaha ke kese uss ko ek dost ke roop mein ek acha insaan mil gaya he.
Dono ek hi hotel mein saath saath rooms le ke ruke he.
Fir Radhika ki mummy ke kehne pe suraj ne baat ki aur suraj ne kaha ke wo fikar na kare wo radhika ka poora khayal rakhe ga.
Radhika ko pehle phone seminar karne walo ka aya tha aur fir uss ne khud ke office kiya tha.
Bas ab problem yeh thi ke wapsi ki seat kese book hogi.
Wo wapas Wednesday ya Thursday ko har haal mein jana chahti thi.
Suraj ne kaha kuch na kuch ho jaye ga.
Radhika ke kehne par ke uss ke peeche uss ka bhi cell bajta raha to uss ne jhat se cell lapka.
4-5 missed calls thi. Mr. iyer aur uss ke papa hari ki.
Uss ne baari baari se dono ko call kar ke bataya ke wo driving kar raha tha so barsat ke karan call le na paya.
Yeh bhi bata diya ke wo hotel pahuch chukka he.
Papa ne khaas hidayat di ke wo barsat mein bike le ke na nikle ku k hari chopra janta tha ke suraj ko barsat mein bike driving ka bahut shonk he.
Call end hote suraj ne chaye aur saath mein garm snacks ka order diya.
Room boy jaldi hi sab de gaya. Dono enjoy karne lage.
Chaye peete peete radhika, ‘chal tera mere ghar aane ka raasta to ab khul gaya.’
‘haan bhai tere ghar to ab jana pade ga. Auntie se vada jo kiya he tujhe single piece ghar pahuchane ka.’ Suraj muskrata bola.
Iss par radhika hass di,’ saale mujhe to tu single piece pahucha de ga. Tujhe kaun pahuchaye ga single piece.’ Radhika jor se hass ke boli.
Yeh sunnte hi suraj ne ghoora uss ko aur bola: oye wat do u mean?
Radhika fir se aankh ke dabba ke: beta meaning to time aane pe pata chal jaaye ga. abhi to ek din hi gujra he aage aage dekhna kya kya hota he tera.
Kehte hue radhika jor se hass di.
Radhika ne jese hi kaha to suraj jhat se bola,’haye oye koi bacha lo mujhe lutne se delhi ki iss chudhel se.’
fir ek pal ruk ke suraj bola, ‘kaash yeh barsaat na hoti to main iyer ke ghar chala jata.’
‘iyer, yeh kaun he?’ chonki radhika.
‘wahi jis ki bike laya hu. Papa ki business dealings uss ke saath.’ Suraj ne bataya.
‘chal chal kya karta uss ke ghar ja ke. Bore ho ke fir yaha bhagta aata mere paas.’ Radhika ne haath nachate kaha.
‘arey kese bore hota. Waha uss ki beti he na parul. Wo bore hone deti mujhe?’ suraj ke muh se parul ka naam sun chonki radhika,’ acha kitni age he? Sunder he kya?’
‘mere se ek do saal chotti. Aur sunder sach kahu radhika swarag se utri apsra lagti he. Aur awaaz itni sureeli. Koyal ki kooh kooh bhi maat kha jaye.’ Suraj parul ko yaad kar batane laga.
Suraj ki jubaan se parul ki itni tareef sun kar Radhika ne utsukta se suraj ko poori baat batane ko kaha.
Chaye khatam ho chuki thi. Dono bed ki back se tek laga ke beth gaye.
Suraj ne iyer ki factory ki ladki se le babita tak ka poora kissa word by word suna diya.
Kissa khatam hone ke baad suraj ne parul ki tulna rekha aur sridevi jesi film actress se ki.
Yeh sunn radhika ne kaha,’suraj yeh jo film actress hoti he na asal mein itni sunder nahi hoti jitni screen pe najar aati he. Yeh sirf screen beauty hi hoti he inki. Jesa tum bata rahe ho it means Parul sach mein bahut sunder he. Inn se kahi jayada sunder.’
Fir suraj ne parul ki maa ki bhi bahut tareef ki. Kese uss ne kuch hi palon mein itni mamta dikhai.
‘mujhe to iss mamta ke peeche koi chakkar lagta he.’ Achanak radhika badi shrarat bhari muskan se boli.
‘kya chakkar.’ Suraj chonka.
‘ho sakta he yeh mamta ek bhaavi damad ke liye dikha rahi ho wo.’ Keh ke radhika ne aankh maari.
‘damad, no way.’ Suraj ne ek took kaha.
‘ku haraj bhi kya he. Parul jesi sunder ladki fir family bhi tumare status ki. To problem kya he.’ Radhika bhi thodi gambheer ho boli.
‘nahi radhika shadi ke liye main neelu ke siva kisi aur ka soch bhi nahi sakta.’ Suraj behad sanjeeda ho bola.
‘suraj mat bhoolo neelu ab tera past he. Wo kisi aur ki ho chuki he. Wo ab tum ko nahi mile gi. Yeh ku nahi samaj rahe?’ Radhika thoda sa ab tej sawar mein boli.
‘I know.’ Suraj ne ussi lehje mein kaha, ‘main ab kabhi shadi nahi karu ga. Kisi se bhi nahi.’
‘oye aise kese nahi kare ga.’ Radhika thoda chanchal ho boli.
Radhika ke iss badle sawar se fir chonka. ‘jabardasti he kya?’
‘abey saale ho sakta he mujh se hi karni padh jaye.’ Radhika ne kareeb ho dheeme se boli.
‘kya?’ suraj ke chehre pe ajeeb se bhaav ubhre.
Yeh dekh radhika fir dheeme se,’abhi hum ko itne din yaha saath saath rehna he. Yeh haseen mausam aur do jawan jism. Kabhi bhi kisi raat ko bhi kuch ho sakta he jaanemann….aur uss se koi…. Agar bacha vacha…..’
Yeh sunnte hi suraj ka rang peela zard padh gaya. Kuch pal khamoshi. Suraj ki jese phatt hi gayi.
Fir achanak radhika ne ek jordar thahaka maara…….he he he………. ‘oye saale fattu….kya hua tujhe….’
Par radhika ki hassi ke bawjood suraj ke chehre ke bhaav na badle.
Radhika uss ki yeh haalat dekh na pai.
Aur aage badh ke suraj ko baahon mein bhar apne seene se bheench liya. ‘yaar tum to serious ho gaye. Main to just mazaak kar rahi thi.’
Suraj ke aankhon ki nammi ab gaalon pe thi,’Radhika agar aisa sach ho gaya to?’
yeh sun radhika ne uss ko aur jor se bheencha aur boli,’yeh sapne mein bhi na sochna suraj. Meri dosti pe bharosa nahi he kya? Mujhe pata he hum dono mein se hi koi limit kabhi cross nhi kare ge. Mujhe khud par aur tum dono pe yakeen he.’
keh ke radhika ne baahon ka ghera todh uss ke chehre ko dekha. Jis pe aansoo the.
Suraj ko aise dekh radhika laad se,’ole ole mele nona ko lona aa gaya.’
Keh ke radhika ne suraj ke chehre ko haathon mein thama aur suraj ke gaalon pe beh rahe aansuon ko choom liya.
Itne mein door pe knock hui. Radhika ne uth ke door khola. Room boy chai ke bartan lene aya tha. Uss ke jate hi radhika ne door band kar lock kar diya.
Itne mein uss ne dekha ke suraj washroom se apna muh dho ke towel se ponchta aya.
Radhika uss ko dekh muskarai. Aur ishare se poocha kya hua?
Suraj muh bana ke, ‘kitni gandi he tu. Choom choom ke mere sara muh thook se bhar diya.’
Sunnte hi radhika hass di, ‘kya karu tu he hi itna chikna. Meri to subah se najar thi tere pe. Jab tu shave kar ke aya tha. Kaam pe na jana hota to subah hi……’ keh ke radhika bed pe chadh aai.
Suraj bed ke paas khada tha. Radhika ne bed pe chalte hue suraj ke paas aa uss ke gale mein baahein daal di.
‘irada kya he tera.’ Suraj radhika ki aankhon mein shararat dekh bola.
‘tera rape.’ Radhika bolte hi jor se hass di.
Yeh sunnte hi suraj uss se alag ho peeche hatta aur abp news par sansani wale broadcaster ki copy karte bola……
Gaur se dekhiye iss khoobsoorat zalim haseena ko….jo bholle bhaalle jawan ladko ko pehle apni chikni chupdhi baaton ke jaal mein fassati he aur fir unn ka rape kar deti he…….
Suraj ke kehne ke andaz se radhika hass hass pagal ho gyi……..
Issi beech suraj ka cell baja.
Uss ne cell utha ke call attend ki.
Iyer ka phone tha…….suraj ka haal chaal poocha uss ne…….mrs. iyer ne bhi baat ki.
Mrs. Iyer ne kaha ke acha he wo abhi bhi unn ke yaha challa aaye. Iss mausam mein kaha rahe ga wo akela. Wo kahe to abhi car bhej deti he.
Par suraj ne kaha ke uss ko hotel mein koi preshani nhi.
Call khatam hote hi suraj ne radhika ko bataya jo mrs. Iyer ne kaha tha.
Radhika fir uss ko tang karte boli: haaye saas ho to esi. Kitna fikar he damaad ka.
Suraj uss ko ghoor ke: oye chup….
Radhika ka dil coffee peene ko hua to uss ne suraj se poochha coffee ka.
‘yaar wo…..wo……’ suraj coffee ke naam pe atka.
‘haan haan bachu main janti hu tu apna tonic peeye ga.’ Keh ke radhika hass di.
‘tonic, kaun sa tonic.’ Suraj hadbada ke bola.
Yeh sunte hi radhika ne bed ke peeche pada RC ki bottle ka poly bag nikal, ‘yeh tonic.’
Suraj ne najre jhuka li. Fir dheeme se bola, ‘tujhe kab pata chala.’
‘oye kake tum ne kya socha main phone pe busy thi to mujhe pata na chale ga. Tu jab aya tha le ke maine tabhi dekh li thi.’
‘tu badi kutti cheez he yaar.’ Suraj hass diya.
‘tere jesa kutta ju mil gaya to kutti ban gayi main.’ Radhika ke kehte hi dono hass padhe.
‘yaar tu bhi ek do peg le lena aaj mausam bhi thanda he. Subah kahi jana bhi nahi to aram se so to jaye gi.’
Suraj ne jab kaha to radhika chonki, ‘main…….na na yaar mujhe ni achi lagti bahut kadvi hoti he.’
Yeh sun ke suraj, ‘ tu ne pi he kabhi.’
‘haan yaar robby ne ek baar jabran pila di……do ghoont bhare the bas.’
‘to aaj mere saath pi. Kadvi lage to kehna.’ Thode inkar ke baad radhika maan gayi.

Saadhe aath se ooper ho rahe the. Suraj ne room service ko do soda, ek limca aur fried fish ka order diya.
Saath mein do glass aur do khali plates lane ko kaha. Fish ko chod baki saman aa gaya, fish ko thoda time lagna tha.
Suraj ne do pegs banaye. Apna large aur radhika ka small. Radhika ke peg mein limca aur sodha mix kar diya. Aur apne peg mein sodha plus pani.
Fir bag se fried kaju aur bhujia nikal dono plates mein daal diye. Cheers kar dono shuru ho gaye.
Radhika ne ek ghoont bhara to uss ko acha laga sach mein hi. Suraj ne adha peg ek saans mein piya aur kaju muh mein daal liye.
Radhika bhi do ghoont bhar kaju khane lagi. Dono window ke paas aa khade hue aur window khole bina glass se hi bahar chal rahe toofan ko dekhne lage.
Suraj ne peg finish kar doosra bana liya.
‘aram se pio suraj itni jaldi bhi kya he.’ Radhika ne uss ko ghoora.
‘yaar pehle do peg hamesha main teji se hi pita hu. Fir do peg aram se. bas total 4 pegs. Yahi limit he meri.’
‘suraj please chhod do pini yeh achi cheez nahi. Tum abhi bahut chhote ho.’ Radhika ne bahut pyar se kaha.
‘tere kehne se smoking dekh bilkul band kar di. Ki na.’ suraj bola, ‘I ll try to quit this too.’
Issi beech fish bhi aa gyi.
Room boy ke jaate hi suraj ne fish taste ki bahut achi lagi uss ko.
Par lunch mein parul ki banai to iss se kahi achi thi.
Parul ke zikar se radhika muskrai. ‘aaye haye parul’ radhika ne chheda uss ko.
Itne mein suraj ka cell baja. Suraj ne table se cell le ke dekha. Unknown number tha. Yeh kis ka he.
‘parul’ radhika ne fir chheda.
Suraj ne muh bichkaya aur cell on kar kaan se lagya, ‘hello who is here?’
‘Parul’ hont radhika ke hille par shehad ci meethi awaz cell se aai suraj ke kaano mein.
Suraj uchhla, ‘Parul’
Radhika ne badi mushkil se apni hassi dabai.
Fir suraj phone pe,’ yaar parul bahut lambi umar he teri. Abhi tera hi jikar kar raha tha.’
Udhar se parul, ‘really?’
Suraj: ya, really fried fish mangwai thi abhi. To tumari banai fish curry yaad aa gayi. Kitni tasty thi. Yaar magic in ur hands.
Suraj nashe ke karan badi bebaki se baat kar raha tha. Fir kuch der normal baat hui. Aur call end ho gayi.
Call end hote hi Radhika,’kyu maine kaha tha na Parul ki call he.’ Aur fir hassne lagi.
‘jai ho jai ho Radhika Mayia ji ki…….’ Do baar repeat kar ke suraj ne haath jodhe aur ghutno ke bal uss ke samne aa betha.
Dono hi iss ke baad thahaka maar ke hass diye. ‘aur koi parvachan mayia ji.’
Suraj abhi bhi ghutno ke bal tha.
‘bacha apna cell do.’ Radhika ke kehte hi suraj ne mobile thama diya.
Radhika ne jhat se mobile liya aur Parul Iyer ke naam se wo number save kar diya.
‘yaar wese tum ko pata kese chala ke yeh parul ka phone he?’ suraj heran tha.
‘sach kahu suraj lagaya to idea hi tha. Coz yaha aur janta kaun he tum ko.’ Radhika ne jo socha tha wo keh diya.
Abhi wo baat kar hi rahe the ke radhika ke cell pe bell hui. Uss ne suraj ko chup karne ko kaha kyu k uss ke bhai manish ka phone tha.
Manish ne bataya ke ticket to uss ne cancel kar di he. Par agle dus din tak kisi train mein seat nahi he. Fir idhar udhar ki baaton ke baad call end ho gayi.
Radhika preshan ho uthi ke wo ab wapas kese jaye gi.
Jab uss ne suraj se jikar kiya to uss ne apne papa ko call kar di.
Suraj ke papa jo ghar mein bane office mein bethe the unho ne net se check kar ke bataya ke next 10 days ke liye na train mein aur na hi by air koi seat he.
Suraj, ‘papa agar baat mere akele ki hoti to main kese bhi kar ke aa jata. But problem yeh he ke mere saath ek friend bhi he.’
Uss ki baat sunn hari hass padhe, ‘yaar friend ka tu keh to aise raha he jaise wo ladka nahi koi ladki ho.’
‘papa in fact wo ladki hi he.’ Suraj dheeme se bola.
Hari pe jese bijli giri ek anjane darr se, ‘kahi wo teri….wo kya naam he haan…..neelima to nahi.’
Suraj neelu ka naam sunn chonka, ‘kya baat kar rahe he papa kya mujhe itna gira hua samajh rahe he ke main ek married ladki ko le ke bhaagu ga.’
‘sorry beta.’ Hari ne ek chain ki saans li, ‘to fir yeh kaun.’
‘papa yeh wahi he jis ke number se main train mein aap ko calls karta raha. Bahut achi insaan he papa. Iss ke kehne pe hi maine aap ko contact kiya…….nahi to shayad main….’
Fir suraj ne radhika ke baare mein sab kuch bata diya. Yeh bhi ke wo ek married he aur uss ka divorce ku aur kese hua.
Hari ke kehne pe suraj ne radhika se baat karai.
Hari ne radhika ka bahut bahut thanx kiya ke uss ke karan unn ko unn ka beta wapas mil gaya.
Hari ne fir suraj se baat ki aur uss ko kaha ke ek do din mein kese bhi kar ke wo railway station jaye aur kisi agent se mil ke seats ka arrange kar sakta he black mein.
Kareeb dus baje dinner mangwa kar dono ne kiya.
Suraj ne apne 4 pegs piye to radhika ne bhi 2 small pegs marre.
Bahar toofan poore joro par tha.
Par sharab ke asar se dono ko jaldi neend aa gyi.
Subah ke aath baj rahe the jab suraj ke cell ki bell ne uss ko jagaya.
Uss ne idhar udhar dekha radhika shayad bathroom mein thi.
Wo utha table se cell uthaya.
Parul ki call thi. Uss ne cell on kia.
‘good morning suraj.’ Parul ki madhur awaz uss ke kaano mein padhi.
‘happy morning parul.’ Suraj kehte kehte bed par aa back se tek laga aa betha.
‘kese he aap. Neend ache se aai na.’ parul ne poocha.
‘ya I m fine.’ Suraj ne reply kiya.
‘kab uthe aap?’ parul ne fir poocha. ‘just abhi tumari call se.’
suraj ke esa kehne pe parul ko jese dukh hua, ‘so sorry ji fir to maine aap ki neend ko disturb kiya.’
‘nahi yaar esa kuch bhi nahi. Uthne ka time to ho hi gaya he.’ Suraj ne kaha.
Fir parul boli,’ aap ke iss number pe watsapp nahi.’
Asal mein parul chahti thi ke wo suraj ke saath watsapp pe chat kare.
Suraj: wo kya he parul main apna cell ghar Chandigarh hi bhool aya tha. Yaha aa ke simple cell aur yeh number liya he.
Parul: aap ne android ku nahi liya yaar.
Suraj: mere paas he na kuch din ki hi baat he main Chandigarh jaate hi tum ko watsapp kar du ga.
Parul chehkte hue, ‘sure?’
101 percent yaar keh ke suraj ne bhi ek smile di aur fir bola, ‘main na tum ko abhi apna Chandigarh ka number sms kar deta hoon.’
Yeh sunte hi parul khushi se khil uthi.
Fir parul ne suraj se poocha ke kya wo uss ko time nikal ke mile ga.
Suraj ne jab bataya ke wo jab bike lautane aye ga to mil lega.
Par parul ne kaha ke wo uss ko pehle kahi mile dono sath mein ghoome ge.
Parul ke jayada jor dene par suraj ne haan kar hi di. Finally call end hui.
Issi beech Radhika bathroom se bahar aa chuki thi. Uss ne watsapp aur milne ki sari baat sun li.
Radhika ke chehre pe ek shararat bhari muskan thi.
Suraj ne call end hote hi cell bed pe fenka aur room service ko do chaye ke liye phone kiya.
Radhika ne suraj ka cell utha ke suraj cell ko utha ke message box khol ke boli,’ chal bol Chandigarh ka number.
Suraj muskraya, ‘tu bhi na.’ fir uss ne chandigarh ka apna contact bol diya. Pehle radhika ne parul ko sms kiya fir apne cell mein bhi wahi number feed kar liya.
11 am tak dono hi naha dho kar nashta kar chuke the.
Suraj ko jese hi yaad aya returning tickets ka to uss ne Bermuda ke ooper ek t-shirt pehni aur Bermuda ki pocket mein purse dala aur radhika ko station ka keh kar chal diya.
Radhika ne roka bhi ke bahar tej toofan aur barish he. Jo ke room ki window se saaf najar aa raha tha.
Par suraj ne iss ki koi parwah na ki aur nikal gaya.
Suraj ne pehle socha ke bike nikale par fir wo pedal hi chal diya coz hawaein bahut tej thi.
Sari roads pani se bhari hui thi. Itna shukar tha ke uss ne ek rubber ki chappal aate hi khareed li thi.
Wo wahi pehne tha. Station pahuchne tak wo buri tarah bheeg chukka tha.
Wo reservation counters pe pahucha. Barish ke bawjood rush kafi tha.
Uss ne pata kiya delhi ke liye dus bara din tak koi seat na thi. Thursday ka din tha.
Uss ne ek agent dhoonda. Uss se baat cheet ki.
Agent ne Wednesday ki confirm seats dilwane ke dus hazaar maange. Bargain ke baad saat pe baat final hui 2nd ac ki.
Suraj ne do alag alag forms fill kiye radhika ka aur apna.
Esa radhika ne kaha tha coz uss ne tickets office mein submit karni thi.
Finally suraj ko tickets mil gayi par tickets 1st ac ki thi.
Jis ke liye suraj ko ten thousand pay karne padhe. Two seats ka corner cabin tha.
Dopehar ke do bajne ko the jab suraj wapas hotel pahucha. 1stac ki tickets dekh radhika thodi ci preshan ho boli, ‘yaar mere boss ki to fatt jaye gi. 3300/- (ticket ki actual cost) dene mein.’
‘madam ji ek ticket 5000/- mein padi he.’ Yeh sunte Radhika ne maatha pakad liya.
Uss ko maatha pakdte dekh suraj hassa, ‘lagta he ab teri phatt gayi.’
‘yaar ………’ radhika pehle preshan hui fir kuch soch boli,’chal main adjust kar lu gi. Hotel ka room ka bill to mere naam se hi he na. poora chipka dugi saale boss ko.’ Radhika jaanti thi ke hotel ka kharcha dono ko fifty fifty bharna tha.’
‘oye meri jaan tu fikar ku karti he. Main hoon na.’ keh ke suraj ne uss ko bahon mein bhara aur gaal choom liye,
‘yaar mere hote tum ko pese ki fikar ni karni chahiye. Bahut maal he apne baap ka diya.’
‘nahi suraj.’ Radhika ko yeh acha na laga, ‘tere papa kya soche ge ke tum ne mera kharcha kiya. Mujhe yeh manjoor nahi.’
‘radhika papa ne aaj tak kabhi mujh se pese de ke kabhi hissab nahi manga.’ Keh ke suraj ne fir radhika ko hug kiya
Par radhika ne soch liya ke wo suraj ke ooper ek pesa ka burden nahi dale gi.
Lunch time ho raha tha. Dono ne mil ke lunch kiya. Fir dono ne hi baari bari apne ghar call kar ke bata diya ke seats ka arrange ho gaya he.
Suraj ne papa se kaha ke wo Friday ko early morning delhi pahuche ga to ek din radhika ki family se mil ke Saturday tak aa jaye ga.
Hari ne kaha ke Saturday ko kitty ke in laws mein ek function he better hoga agar wo time pe aa jaye.
Suraj kitty ke in laws mein nahi jana chahta tha. So uss ne dil hi dil mein decide kiya ke ab to wo Sunday ko hi jaye ga ghar.
Bahar toofan ab aur bhi jor pakad chukka tha. Power to pichli raat se band thi so tv ka cable bhi band tha.
Hotel ki lights aur fans generators pe chal rahe the. Suraj ne radhika ko bahar chalne ko kaha.
Par radhika ne saaf inkar kar diya.
Fir suraj window ko thoda khol khada ho gaya.
Kuch der baad radhika bhi uss ke paas aa khadi hui.
Dono tez hawaon ke saath toofani barish ko dekhne lage.
Tez hawaein dono ke badan mein sihran bharne lagi.
Kuch der dono barish ka anand lete rahe aur khade shararat karte hasste rahe..
Suraj baar baar keh raha tha radhika se: yaar ese mosam mein bike pe jaane ka mazza aa jaye.
Radhika jawab mein: tu betha reh tikk ke.
Suraj fir se aah bhar ke: haye kitna romantic mosam he. do premi sadak pe ho iss tez barish mein haathon mein haath daale. Aas paas oonche oonche pedh jab zameen ko choomne ko jhuke to premika apne premi se darr ke maare chipak jaaye.
Radhika yeh sun uss ko chhedte hue boli: to ja na fir apni parul ke saath…..
Suraj ne radhika ko ghoora. Radhika jor se hass di.
Fir achanak se barish ki ek tez bochhar aayi jo dono ko acha khasa bhiggo gyi.
Dono ne teji se window band kar di.
Suraj bathroom mein ghussa aur towel le ke.
Kapde change kar ke chehra aur baal ponchhta bahar nikal aya.
Radhika apne bag se naya top nikal bathroom ki aur badhi.
Suraj ne usse ghoora to wo fir se hassti hui bathroom mein ghuss gayi.
Suraj muskrate hue bed pe aa betha.
Radhika bhi change kar bed pe aa gayi.
Suraj ne poochha chai le gi.
‘yaar coffee mangwa.’ Radhika ke kehne pe Suraj ne room service ko phone pe do coffee ka order diya.
Coffee aayi dono coffee peene lage.
Coffee pee ke suraj ko kuch yaad aya.
Uss ne uth ke phone uthaya. Magar yeh kya network nahi tha.
Radhika ka phone check kiya uss mein bhi net nahi tha. ‘lagta he toofan se towers gir gaye he jo na tere cell pe net he na mere pe.’ Suraj ne radhika ko bataya.
‘oh.’ Radhika ne bas itna hi kaha. ‘ku parul ko phone karna tha.’ Radhika ne uss ko chheda.
‘yaar yeh teri sui parul pe ku atki hui he.’ Suraj thoda sa jhunjla ke bola.
‘na jaane ku mujhe aisa lagta he ke parul tujhe like karne lagi he.’ Radhika bed ki back se tek lagate boli.
‘like karne aur pyar karne mein farak hota he madam ji.’ Suraj ne thoda se let-te kaha.
‘suraj iss umar pyar ki pehli seedhi liking se hi shuru hoti he.’ Radhika ek aah bharti boli.
Suraj ne aankhein band karte kaha, ‘nahi radhika ek baar dil toot chukka he mera. Ab main iss raste pe nahi jana chahta.’