Phela pyar-koi jeeta koi hara

[shaziya]

Pehla Pyar - Koi Jeeta Koi Hara

Part-30

Farewell function ka din aa gaya.
Last moment par aa ke guri ne jesa socha tha kitty ki dono nando ko unn ki items mein ese sideline kar diya. Jis se wo sirf extras bann ke reh gyi.
Suraj ne kuch items mein bhaag to liya par wo apna last time wala josh na dikha paya.
Plus two ke students ko besabri se intezar tha to neelima aur suraj ke item ka.
Students hi kyu teachers bhi uss ki wait kar rahe the.
Par jab wo item nahi aai to kya students kya teachers sab ko nirasha hui.
Kuch ek ne guri aur suraj ya neelima se poochha to sab ne hass ke yahi kaha ke repeat mein wo mazza nahi jo first time mein hota he.
Guri ne jo remix ki cd banvai thi wo suraj ko de di.
March ka month tha.
Suraj ke happy birthday ka din.
Suraj 18 years ka ho gaya tha.
Hari chahta tha ke ghar mein shaandar dhang se celebrate kiya jaaye.
Par suraj na maana.
Wo jaanta tha ke wo apne dosto ko ghar bula na paaye ga.
Issi liye apne khaas dosto guri, neelima, jyoti aur geeta ke ilava guri ki gf ko invite kiya tha bas.
Uss ne hotel mein manaya birthday.
Birthday celebrate kar ke baaki sab laut gaye.
Par suraj ne neelima ko rok liya.
Unn dono ke akele rukne se jyoti ke shakki dimag mein shanka utpan hone lagi.
Uss ne do teen baar call lagai par neelima ne call hi pick na ki.
Iss se uss ki shanka ko aur bhi bal mila.
Sab ke jaate hi suraj neelima ko hotel ke ek room mein le aya.
Room mein aa door band kar suraj bola: neelu tum ko yaha darr to nahi lag raha mere saath akele.
Yeh sunnte hi neelima uss se lipat gayi.
Neelima: raju jab mere saath he to mujhe kis baat ka darr.
Suraj ne music system on kiya fir uss mein guri ki di hui cd laga on kar di.
Dono hi pyar bhare geeton mein kho gaye.
Pyar karte rahe.
Dance karte rahe ek doosre se lipte.
Ek ghante se bhi jayada rahe dono room mein.
Dher saari baatein.
Anginat wade aur aane wale palo ke kitne hi sapne dekh daale dono ne.
Neelima ko ghar chhod suraj laut aya ghar.
Uss ne aa ke thoda rest kiya.
Suraj ko saat baje ka intezar tha.
Uss ne guri ke saath kahi jaane ka programme bana rakha tha.
poore saat baje guri ki call aai.
Wo uth ke bahar nikal gaya.
Guri ne uss ko peechhe bithaya.
Dono chal diye.
Ek hotel ki bar mein aa bethe.
Yeh thi do dosto ki khaas celebration.
Guri ne do beers order di.
Dono cheers kar shuru ho gaye.
Suraj pehli baar pi raha tha. issi liye slow tha.
jab tak suraj ek beer peeta guri do kheench gaya.
Suraj ne pelhi baar jindgi mein beer pi guri ke saath.
Guri uss ko ghar chhod ke chala gaya.
Plus two ke exam aaye aur khatam ho gaye.
Exams. khatam hote hi neelima ke bhai ki shaadi aa gayi.
Shadi pe neelima ne suraj, guri, jyoti, geeta sab ko invite kiya.
Suraj ko invite karne wo uss ke ghar na ja saki.
Suraj ne khud hi rok diya.
Suraj ke kehne pe wo hari ke office gayi.
Hari ne pehli baar neelima ko dekha to uss se bahut parbhavit hua.
Neelima ne tab sadharan sa suit pehna hua tha.
Hari ko parbhavit kiya uss ke issi saadepan ne. aur uss ki khoobsoorti ne. uss ke saral sabhaav ne.
suraj ne papa se pehle hi baat kar li thi ke neelima mom ke kaaran office hi aaye gi.
Hari ne wahi uss ke dwara laaye hue dabbe ko khol muh meetha kiya aur badhai bhi di sar pe haath fer ke.
Fir office mein sab ka muh meetha karvaya.
Shaadi ke baare mein ghar mein suraj ke ilava sirf hari ko pata tha.
suraj ne kanta aur hina se yeh kaha ke wo teen din dosto ke saath ghoomne ja raha he.
shaadi himachal ke ek chotte se gaon mein honi thi.
jaha neelima ke bhai ki sasural thi.
Sab ne khoob enjoy kiya.
kyu ke baraat mein suraj, guri, jyoti aur geeta sabhi gaye the.
Issi karan neelima bahut hi khush thi.
Neelima ke ghar mein ab teen ki jagah chaar family members ho gaye the.
Chotha member tha uss ki bhabi.
Uss ki bhabi behad khoobsoorat thi.
gori chitti sunder pahadi naar.
Bhabi ka saath paa kar kuch din ke liye wo jese sab kuch bhool ci gayi thi.
din bhar wo bhabi bhabi kehti apni bhabi se chipki rehti.
Suraj ki yaad uss ko bhai ke kaam ke lautne ke baad aati.
Suraj ek do baar uss se naraj bhi ho gaya.
Kyu ke din mein wo uss ke sms ka reply ya to wo deti nahi agar deti to der se.
ek baar to raat ko neelima ne suraj se rose garden milne ka vada kiya agle hi din.
Agle din dono ko giarah baje rose garden mein milna tha.
Par neelima bhool gayi.
Dopehar ke saadha baara baje the jab neelima ne apna cell check kiya.
Suraj ki teen missed calls aur kai saare sms the.
Sms se saaf pata chalta tha ke suraj uss se bahut naraj tha.
wo gusse bhi tha.
neelima ne sms kiya sorry ka.
But no reply.
Uss ne call ki but no reply.
Fir se uss ne teen chaar sms kiye.
Fir bhi koi reply na aya.
Uss ke baad neelima fir se bhabi ke saath masroof ho gayi.
Raat ko bhai ke aane ke baad neelima ko suraj ki fir yaad aai.
Cell check kiya par koi sms nahi tha.
ab neelima preshan hone lagi.
Uss ko khud pe gussa aane laga.
Kyu wo suraj se kiya vada bhool gayi.
Pehli baar tha neelima ne koi vada todha tha.
ab wo bekrar hone lagi suraj ke liye.
Uss ko milne ke liye.
Wo jaanti thi ke jab tak suraj se mile gi nahi suraj ki narajagi dur nahi hogi.
Haar kar uss ne guri ko sms kiya aur bataya ke suraj uss ke sms ka reply nahi kar raha.
Kyu nahi kar raha yeh bhi bataya.
Apni galti bhi maani.
Kuch der baad guri ne reply kiya ke suraj uss se buri tarah se khaffa he.
suraj ne guri ko bhi daant diya ke wo uss se neelima ki baat tak na kare.
Neelima roti hui soyi.
Agle din neelima ne suraj ko fir se subah subah sms kiya.
Par fir wahi no reply.
Kareeb dus baje neelima ki bhabi ki behan apne pati, apne chotte se bête aur devar ke saath aa gayi unn ke ghar.
Neelima ke bhai ko pata tha iss liye uss ne pehle hi chutti le rakhi thi.
neelima sab ke liye lunch mein busy ho gayi.
Lunch kar ke sab ne rock garden ghoomne ka programme banaya.
Kareeb saadhe teen baje local bus se sab rock garden pahuche.
Neelima mehsoos kar rahi thi ke uss ki bhabi ki behan ka devar uss ke najdeek aane ki koshish kar raha he.
wo neelima se teen char baras bada aur abhi kunwara tha.
neelima uss ki baaton ka jawab to de rahi thi par bahut sambhal ke.
Rock garden pahuchte hi neelima ko suraj ke saath yaha hui pehli mulakaat ki yaad aa gayi.
Wo tadap uthi unn beete palon ko yaad kar ke.
Kyu ke aaj kal suraj uss se rootha hua tha.
Sabhi rock garden ghoom ke enjoy kar rahe the.
Par neelima ke dil pe udasi har pal haavi hoti chali ja rahi thi.
uss ka dil chah raha tha kaash yaha suraj mil jaaye.
Wo ab khamosh ci thoda peechhe peechhe chal rahi thi sab se.
Uss ki bhabi ki behan ka devar bhi baat karta hua uss ke saath hi chal raha tha.
wo bas hu haan kar ke jawab de rahi thi.
kuch bol nahi rahi thi.
Achanak ek jagah pe aa ke neelima ka bhai ruk gaya.
Neelima ko bula ke bola: neela wo saamne pathar pe leta hua tera dost suraj nahi lag raha.
Suraj ka naam sunnte hi neelima sar se paon tak kaamp gayi.
Uss ne dur se hi pehchan liya.
Suraj ussi pathar ki seedhi pe leta hua tha.
jaha wo pehli baar neelima ki goddi mein sar rakh ke leta tha.
garmi ke mosam mein uss ka ese dhoop mein letna sab ko heran kar raha tha.
Neelima ka bhai uss ki aur badha.
Kaampti taango se neelima bhi bhai ke peechhe chalne lagi.
Suraj ne lete lete apni aankhon ko ek baajoo se cover kar rakha tha.
Neelima ke bhai ne uss ke kareeb aa uss ko hilaya: suraj… suraj.
Suraj hadhbadha ke utha.
Dhoop ke karan ek pal ko wo dekh na paya kisi ko ache se.
wo khada ho gaya ankhein jhapkta hua.
Uss ka chehra buri tarah paseene se lathpath tha.
issi paseene mein uss ki aankhon se nikle aansoo bhi mix ho gaye.
Jo aur koi to na dekh paya par neelima ne jarur dekh liye.
Jese hi suraj ne neelima ki bhai ko dekha to heran ho bola: bhayia aap?
Fir uss ki najar peechhe khadi neelima aur baaki sab pe padhi.
Neelima ki shakal roni ci bani hui thi.
uss ka dil chah raha tha ke wo abhi ke abhi apne raju se lipat ke ro de.
Par sab ke rehte wo yeh kar na pai.
Neelima ke bhai ne suraj se poochha: suraj yaha ese itni dhoop mein. Tum thik to ho na bhai.
Suraj smile de ke: haan bhaiya. Wo bas ese hi idhar aa gaya tha. pata hi na chala kab aankh lag gayi.
Neelima ka bhai: yaar kamaal ka banda he tu. Narm gaddo pe sone wala inn pathro pe pada so raha he.
Fir uss ne sab se milvaya: aap sab ne iss ko dekha hi hoga hamari shadi mein. Neelima ke bachpan ka dost he.
Neelima ki bhabi ki behan: arey haan yaad he. inn ke saath ek sardar ladka aur do ladkiya aur thi. Neela aur yeh sab kya khoob mast naach rahe the.
Neelima ka bhai: ji haan sabhi bachpan ke dost he neela ke. Yeh, guri, jyoti aur geeta. Bahut bade ghar ka iklota beta he. par pese ka rati bhar ghamand nahi. Bada hi pyara aur seedha saadha nek aur shareef ladka he. aur baaki sab bhi.
Neelima ki bhabi ki behan hass ke: mujhe to yeh koi pagal premi bhi dikhta he. jo kisi ki yaad mein ese padha he. hamare gaon mein bhi jab kisi ko ishq ho jaaye to wo bhi esi hi harktein karta he.
Yeh sunte hi sab hass diye.
Neelima badi gehri najro se suraj ko dekh rahi thi.
aur suraj sharam ke maare jameen pe dekhne laga.
Neelima ki bhabi ke behan: chaliye ashiq ji aaj hamare saath rock garden ghoomiye.
Suraj bhi halki si smile de sharamata hua unn ke saath chalne laga.
Neelima ki bhabi ki behan ne goddi mein uthaya bacha pati ko de diya yeh kehte hue: lo ji iss ko ab aap uthao. Main jara suraj babu se do baatein kar lu.
Bache ko smile de uss ke pita ne utha liya.
Neelima ki bhabi ki behan ne badi bebaki se suraj ka bajoo tham liya.
Wo lagpag uss se chipak hi gayi thi.
Wo neelima ki bhabi se bhi adhik sunder thi.
yeh dekh neelima ke to tan badan mein aag lag gayi. Par wo kehti bhi kya?
Asal mein neelima ki bhabi ki behan ek padhi likhi aurat thi.
wo ek govt. job karti thi jaha uss ka mardo se roj pala padhta tha.
iss liye uss mein koi jhijak na thi.
Wese bhi suraj age mein uss se kaafi chotta tha.
fir suraj ka sharmilapan uss ko bahut bhaa gaya tha pehli hi mulakaat mein.
Neelima ka bhai apne saandu ke saath aage chal diya.
Peeche neelima ki bhabi ki behan suraj ke saath lag ke aur baaki sab unn ke saath the.
Neelima ki bhabi ki behan: haan to suraj babu. Garmi ki dhoop mein late ke kis ki yaad mein apna gora rang kala kar rahe the.
Suraj sharmata hua smile de: nahi didi esa kuch bhi nahi.
Bhabi ki behan fir se: arey yaar sharmao nahi yaha sab apne hi he. teri dost neela bhi kisi se nahi kahe gi.
Fir wo neelima se: kyu neela tu kisi ko kahe gi to nahi.
Neelima jo pehle hi jali bhunni si thi bura sa muh bana ke: mujhe kya padi he kisi ko batane ki?
Bhabi ki behan neelima ki aur dekh: ari neela tujhe kya hua he? kahi tu bhi to dil hi dil mein iss ko…….
Yeh keh ke jor se wo hass di.
Saath hi neelima ki bhabi bhi.
Aur yeh dono mann hi mann kaamp gaye.
Suraj kuch sambhal: nahi nahi esa kuch bhi nahi he. abhi to main chhotta hu. Mujhe study karni he bahut saari.
Bhabi ki behan: haan yeh to thik he. samajdar bache ho.
Fir wo ek pal ruk ke boli: wese bhi tum bade ghar ke bête ho. Tum ko pasand aaye gi bhi to bade ghar ki beti.
Yeh sunnte hi suraj ko ek jhatka sa laga: koi bada chhota ya ameer gareeb nahi hota didi. Pesa kisi ko ameer nahi bana sakta. Ameer hota he jis ka dil bada ho. Jis ke dil mein pyar ho. Doosre ke pyar ki kadar ho.
Yeh kehte hue suraj ne najar bhar ke apni neelu ko dekha.
Jo najre jhukaye sab sunn rahi thi chalti hui.
Aage thoda chal ke ek cold drinks ki shop aai.
Suraj ne waha sab ko rok cold drinks ka order diya.

Paanch baj rahe the jab sabhi rock se bahar nikle.
Neelima ke bhai ne suraj se kaha ke wo ghar aaye.
Saath mein neela ke baaki dosto ko bhi laaye.
Jab se uss ki shadi hui he unn ho ne aana hi chhod diya.
Suraj ne kaha jarur.
Fir neelima apne bhai se boli: bhaiya main suraj ke saath ja ke jyoti se mil aau. Bade din ho gaye uss se bhi mile.
Neelima ka bhai: haan haan ja aao.
Neelima ki bhabi ko thoda bura laga: neela, didi aur jeeja ji aaye hue he.
Bhabi ki behan: arey jaane de uss ka dil he to apni saheli se milne ka.
Neelima ne bhabi ki behan ko thanx kaha.
Neelima ka bhai suraj se: yaar ek takleef karna iss ko jyoti se milva ghar bhi chhod jana. Udhar hamari side mein thoda ladkiyo ko………..
Suraj samajh gaya: ya sure bhaiya.
Suraj apni bike ki aur chal diya.
Neelima ke paas aate hi bola: aaj badi jyoti ki yaad aa gayi.
Neelima hass ke: yaar jyoti to bahana he. mujhe to apne roothe hue raju ko manana he. rose garden chalo.
Suraj: nahi ji jyoti ke ghar.
Suraj ke yeh kehte hi neelima ne ghoora uss ko.
Chehre pe neelima ek pyar bhari smile la daant ke boli: maine kaha na rose garden.
Suraj to marr hi gaya uss ki iss adda pe.
Bike pe beth uss ko start kar bola: bethiye meri sarkar aap ka hukam sar aankhon pe.
Milte hi shayad wo saare gile shikwe bhool gaya tha.
Neelima ne palat kar dekha ke bhai bhabi abhi he waha ke nahi.
Par wo to ja chukke the. Neelima ne chehra duppate se cover kiya aur fir suraj se chipak ke beth gayi.
Poore raaste bas wo chipke hue chup chap bethi rahi.
Itne dino ki judai ki tadap mitane ko.
Rose garden pahuch dono haathon mein haath daale chal diye.
Waha har kone mein premi jodhe bethe apne mein magan the.
Ek ikant pedh ke paas aa wo ghaas pe hi beth gaye.
Suraj ne pedh se peeth lagai aur beth gaya.
Neelima ne uss ke kandhe pe sar rakh diya.
Neelima dheeme se: mera raju ab to naraj nahi.
Suraj ek feeki si hassi hass ke: main kyu naraj hone laga. Kis hak se.
Neelima: raju please raju samjha karo na yaar. Aap ki narajgi right he. par bhaiya ne kaha tha ke bhabi ka khayal rakhna he. wo nai nai he na yaha.
Suraj: haan to rakho na khyal apni bhabi ka bhi, uss ki behan ka bhi, behan ke devar ka bhi.
Behan ke devar ka naam sunte hi neelima jhat se ghutno ke bal ho gayi aur kamar pe haath rakh boli: kya kaha behan ka devar?
Suraj hass ke: haan thik hi to kaha. Dekha nahi tha kitne pyar se dekh raha tha tum ko.
Neelima haath nacha ke: oye hoye itni jalan.
Suraj bura sa muh bana ke: main kyu jalne laga? Wo rishtedar he tera. Tera farz he uss ke liye uss ka khayal rakhna. Mera kya he? main kya lagta hu?
Suraj ki yeh baat sunte hi tadap uthi neelima.
Dono tangein daayen baayen rakh suraj ki jaanghon pe aa bethi.
Dard se bhar ke uss ke hont kaampe: raju.
Fir uss ne suraj ke galle mein baahein daal uss ko seene se bheench liya. Aankho se aansoo nikal aaye.
Tadap ke fir boli: raju tum kya ho mere? Yeh mere dil se poochho.
Suraj ke kaano ko apne dil pe laga ke boli: yeh dekho dil ki har dhadkan sirf ek hi naam leti he…..raju-raju …raju-raju …..
Suraj bhi aansoo rok na paya.
Rote rote bola: neelu itne din se mili nahi na tum to sehan na kar paya yeh judai. Ab yeh judai sehan nahi hoti. Tu hi bata main kya karu?
Neelima ne uss ke chehre ko dono haathon mein thaam uss ki aankhon mein dekha.
Fir dono haathon se uss ke gaalon se aansoo saaf kar gaalo ko choom boli: mujhe maaf kar dijiye mere raju. Mele shone laju. Mele pyale laju. Meli jaan.
Suraj ne bhi uss ke aansoo saaf kiye apne dono haathon se.
kuch der baad dono normal hue.
Neelima abhi bhi uss ki jaanghon pe bethi hui thi.
suraj ne uss ko thoda hataya aur wahi ghaas pe late gaya.
Neelima ko uss ne fir pakad ke apne ooper kheech ke lita liya.
Neelima: bahut tadpa he na mera raju. Chaliye ab main utna pyar karu gi apne raju ko.
Yeh bol ke wo thoda ooper sarak gayi.
Neelima poori tarah se suraj ke badan se ab chipak gyi thi.
Wo suraj ke gaalo ko baari baari choomne lagi.
Fir uss ne ek baar suraj ki aankhon mein dekha.
Aur fir suraj ke honto pe apne hont tikka diye.
Suraj ne apne dono baajuon se lapet neelima ko poori tarah apne se chipka liya.
Dono hi pyar bhari apni duniya mein khotte chale gaye.
Kaafi der dono ese hi padhe rahe honto se honto ko jodhe.
Fir kaafi der baad dono ne jab hont juda kiye to annkhein kholi.
Neelima ne suraj ki aankhon mein dekha to uss ka mukhda sharam se laal ho gaya.
Smile deti hue laaj ki maari neelima ne apna chehra suraj ki chhaati mein chhupa liya.
Kuch der wo ese hi padhi rahi.
Asmaan ka suraj dheere dheere paschim ki aagosh mein simtne ko ja raha tha.
suraj ne pocket se cell nikal time dekha.
Saadhe chhe ho chukke the.
Suraj ne neelima ko uthaya to neelima ne uthne se inkar kar diya.
Wo abhi bhi uss ki chhati mein chhipi hui uss se chipki padhi thi.
Suraj: jaan ghar nahi jana. Suraj chhipne ko he.
Neelima: chhipne do. Mujhe nahi jana apni jaan ko chhod ke. Mera dil nahi karta.
Suraj ne baahon mein lapet jor se uss ka sar chooma.
Fir dheere se utha.
Dono uth khadhe hue.
Apne aur ek doosre ke kapde jhaade.
Fir ek baar dono ne ek doosre ko baahon mein jakda.
Fir se honto ko chooma ek doosre ke.
Aur ek dusre se chipak ke chal padhe.
Bahar bike ke paas aaye hi the ke neelima ke bhai ki call aa gayi yeh confirm karne ko ke suraj aa raha he na uss ko chhodne.
Neelima ne kaha haan bas wo thodi der mein pahuch rahe he.
raaste mein suraj ne ek jagah bike roki ke uss ko bhookh lagi thoda kuch kha le.
Suraj ne do burger aur do colds order kiye.
Neelima hass di: kyu aaj lunch nahi kiya tha kya?
Suraj: sach kahu yaar nahi kiya tha.
Neelima tadap uthi.
Uss ne apna adha burger bhi uss ko jabran khilla diya.
Suraj payment dene laga to neelima ne nahi dene di.
Suraj: yeh to dadagiri he teri.
Neelima daant ke: haan he to…..
Fir raaste mein neelima ne uss se wada liya ke aage se wo kabhi khana miss nahi kare ga.
Neelima ka kaha suraj taale yeh to sambhav nahi tha.
jab wo dono ghar pahuche to sava saat se ooper ka time ho gaya tha.
suraj seedha ja ke pehle beena se mila.
Wo drawing room mein hi sab ke paas bethi chai pee rahi thi.
Beena ne uss ko galle laga ke maatha choom ke apne paas hi bitha liya.
Fir shikwa karte hue boli: kaha ho tum sab? Shadi ke baad ek baar bhi nahi aaye.
Suraj: sorry auntie bas wese hi kai dino se hum mein se koi mila hi nahi ek doosre ko.
Neelima ki bhabi aur uss ki behan dekh sunn rahi thi yeh sab.
Chai pee ke jab wo jaane laga to neelima ki bhabi ki behan ne kaha ke wo apne sab friends ke saath aaye kal.
Kyu ke wo abhi ek din aur wahi the.
Suraj ne kaha ke wo sab se baat kar ke dekh lega.
Suraj utha to neelima uss ko gate tak chhodne aai.
Andhera ho chukka tha.
suraj se mil ke wo behad khush thi.
fir uss ko kuch yaad aya to chhat pe chali aayi.
Uss ne jyoti call lagai.
Uss ko kaha ke aaj wo uss ke ghar aane ke bahane suraj ke saath rose garden gayi thi.
jyoti hass di: wo to tu hamesha hi karti he.
neelima ne uss ko hasste hasste sari baat bata di.
Aur yeh bhi bataya ke koi poochhe to kya kya kehna he.
fir uss ko agle din aane ka kaha.
Jyoti ne kaha ke baaki sab aaye to wo bhi aa jaye gi.
Wo jyoti se baat kar neeche jaane hi lagi thi ke uss ki bhabi ki behan ka devar aa gaya.
Uss ke kehne pe neelima kuch der ruk gayi baatein karne ko.
Baatein karte karte uss ne achanak hi neelima ka haath pakda aur bola: neela I love you. Kya mujh se shaadi karo gi.
Neelima ko to vishwas hi na hua.
Uss ne ek jhatke se haath chhuda liya.
Bahut hi gusse se boli: nonsense how dare u? tumne himmat kese ki mera haath pakdne ki. Itni bakwas karne ki. Apni shakal mat dikhana mujhe kabhi. Bhabi ka lihaj kar rahi hu. Warna abhi shor macha ke tujhe chhatti ka dhoodh yaad karva deti.
Yeh bol wo gusse se bifri neeche utar aayi.
Bathroom mein ghuss ke uss ne apni saansein darusat ki.
Thande pani se muh dhoya tab ja ke wo normal hui.
Agle din dopehar ke baad chaar baje jyoti, suraj, guri aur geeta sab aa gaye neelima ke ghar.
Sab ne mil ke khoob ho halla machaya.
Jyoti ki bhabi ki behan aur behnoi to hass hass duhre ho gaye unn ki mazedar baatein sun sun.
shaam ko saat baje wo nikle sab.
Geeta guri ke saath hi aai thi aur uss ke saath hi gayi.
Jyoti apni activa se aai thi.
par suraj uss ke saath hi gya apni bike se.
ta ke wo safe apne ghar pahuch jaaye.
Jese hi jyoti ander gayi wo chal diya apne ghar.
Raat ko neelima ka bhai apne saandhu aur uss ke bhai ke saath peene beth gaya.
Dono behne alag room mein aa bethi baatein karne ko.
Neelima bhi unn ke paas aa bethi.
Beena silai machine pe bethi teesre room mein kaam kar rahi thi.
neelima ki bhabi ki behan ko neelima aur uss ke sabhi dost bahut pasand aaye the.
Guri ka mazakiya sabhav.
Jyoti aur geeta ka thehraav.
Par sab se jayada pasand uss ko suraj aya tha.
hassti hui wo yeh tak bol gayi ke kaash wo kunwari hoti suraj ki umar ki hoti to suraj se hi shadi karti.
Saath hi bol padi: wese neela tere saath to uss jodi khoob jamme gi.
Mujhe lagta he kal dhoop wo tere liye hi sek raha tha.
Yeh bol wo to jor se hass di.
Par neelima buri tarah sharma gayi.
Udhar neelima ki bhabi jo hass to di behan ka saath dene ko par saath hi saath uss ki najar neelima pe bhi thi.
Uss ke dimag mein dono ko le ke shak utpan ho gaya tha.
Kyu ke jese kal wo bahane se suraj ke saath gayi thi.
Aur ab jese wo suraj ke naam lene se hi sharama gayi thi.
Neelima waha se bahana bana ke uth gayi.
Uss ke jaane ke baad neelima ki bhabi ki behan boli ke neela to uss ko apne devar ke liye bhi pasand he.
par uss ko nahi lagta ke neela iss rishte ko khushi se kabool kare gi.
Agli subah neelima ki bhabi ki behan aur baaki sab chale gaye.
Jaane se pehle bhabi ke kaan mein behan ka devar keh gaya ke uss ko neela pasand he agar wo maan jaye to.
Uss din raat ko jab neelima ka bhai jab sone ke time aya apne room mein to bhabi ne pati se baat ki uss ki behan apne devar ke liye neela ka poochh rahi thi.
Neelima ke bhai ne saaf inkar karte kaha ke esa wo soche bhi na.
abhi chaar paanch saal to neela ko study kar ke uss ko apna teacher banane ka sapna poora karna he.
fir wo apni behan ki shadi waha kare ga jaha wo chahe gi.
Bas iss ke baad se neelima ki bhabi ke dil mein nanad ke liye kadhwahat peda honi shuru ho gayi.

Plus two ka result aa gya.
Sab ko heran karte hue neelima school mein top kar gayi.
Jyoti 2nd, suraj 3rd, manoj 4th, kirti 5th, geeta 6th aur vishali 7th aai.
School ki management mein city ke ek bade club ka member bhi tha ek.
uss ke karan yeh club hamesha school mein top karne wale do teen gareeb bacho ko cash prize dete ta ke wo bache aage apni graduation complete kar sake.
Suraj ke papa bhi ussi club ke member the.
Mostly yeh club top three ya jayada se jayada 4th place wale student ko hi select karte.
Par suraj ne hari se special kehlwa ke iss saal geeta ka name recommend karva diya.
Kyu ke neelima top karne ke kaaran automatically select ho gayi thi.
Sabhi heran the ke geeta kese select hui.
Khud geeta ko bhi herani ho rahi thi.
yeh baat baad mein guri ne disclose ki.
Geeta ko jab yeh pata chala wo to ro hi di thi suraj se lipat ke.
Suraj se liptne ke liye uss ko baad mein neelima ki daant khani padhi.
Guri bhi 73 percent marks le ke paas ho gaya tha.
uss ke ghar mein sabhi khush the.
Guri chahta tha ke ab wo papa aur bhai ke saath business mein lag jaaye.
Par ghar mein sab ke kehne pe aur friends ke jor dene pe guri b.a. karne ko maan hi gaya.
Guri ne neelima ke first aane ki khushi mein sab dosto ko party di.
Sabhi university se daakhle ke form le aaye.
Result ke chand roj baad hi guri ke teen cousins aa gaye.
Sab Amritsar mein rehte the.
Coming Saturday ko sab ne late night show movie ka programme banaya.
Guri ne suraj ko bhi kaha par suraj ko movies ka koi khaas shonk nahi tha.
sab guri ke papa ki car mein movie dekhne gaye.
Movie se aate time.
Ek crossing pe bhayanak dhurghtana ghatti.
Ek truck ke saath accident hua unn ki car ka.
Guri pichli seat ke right corner pe betha tha.
accident hote hi guri ki side wali seat ka darwaja khul gaya.
Guri bahar gira.
Guri ke sar ko truck ka pichhla tyre kuchalta hua nikal gaya.
Guri ki maut ne uss ke parivar ko to todha hi.
uss ki iss bhayanak aur dardnaak maut ne suraj, neelima, geeta aur jyoti ko bhi buri tarah todh ke rakh diya.
Kitne din tak yeh chaaro apne gharo mein bhi bethe guri ko yaad kar rote rahe.
Guri ke ghar suraj jab bhi jata to sabhi uss se lipat ke fir se rone lagte.

Kuch din baad admissions shuru hui to suraj ka guri ke ghar jana kam ho gaya.
Guri ki didi jab bhi dil karta suraj se phone pe baat kar leti.
Wo jab bhi phone karti to dono hi guri ko yaad kar ke ro dete.
Fir dheere dheere uss ke phone aane pehle kam hue fir band ho gaye.
Suraj ko yeh pata tha ke guri ki didi Canada chali jaye gi jaldi hi.
Uss ke jaane ke kuch time baad hi baaki family bhi yaha se sab bech ke kahi aur chali gayi.
Iss ka suraj ko baad mein pata chala.
Guri ki didi ne uss ko phone kar ke bata diya tha ke wo Canada ja rahi he.
wo waha ja ke uss ko call kare gi.
Par uss ne kabhi call na ki.
Reason to wo hi bata sakti thi.

[shaziya]

Pehla Pyar - Koi Jeeta Koi Hara

Part-31

Sab ki admissions ho gayi.
Kuch hi dino mein classes start hone wali thi.
ek din sham ke time neelima apni bhabi ke saath market ja rahi thi.
ghar ka kuch samaan laane.
Dono sadak pe baatein karti apni masti mein ja rahi thi.
sadak ke left side pe chalte hue neelima left pe thi aur uss ki bhabi uss ki right side pe.
tabhi ek bike pe peechhe se teen ladko mein se ek ne neelima ki bhabi ke haath se purse chheen liya jo bhabi ke right hand mein hi tha.
yeh dekh bhabi to hakki bakki reh gayi.
Par neelima jor se cheekhi chor chor.
Ek pal ke liye bike ladhkhadhai kyu ke aage ek auto ja raha tha.
issi beech opposite side se aate hue apni bike pe ek lambe chodhe sikh naujawan ne yeh sab dekh liya.
Uss ne bina kisi baat ki parwah karte hue purse chheen bhaag rahe ladko ki bike se apni bike bhidha di.
Iss se bike wale teeno ladke ussi pal gir padhe.
Bike sawar sikh shayad kafi expert tha.
uss ne ek taang neeche laga khud ko girne se bachaya.
Fir wo bike ko side stand pe laga teeno choro pe toot padha.
Unn pe laat ghoonse barsata sab ke chehre pe bandhe rumaal kheench daale.
Waha raah chalte kuch aur log bhi ruk gaye.
Saamne do police wale jo pehle chup chap khade tamasha dekh rahe the.
Choro ki pitai hote dekh paas aaye.
Ek ne pitai karne wale sikh ladke ko pakda.
Police wala bola: oye kyu peet raha he inn ko.
Sikh ladka kadka: oye tenu najar ni aanda aah bhain ji da purse khoh ke bhaj re ci tino. (oye tujhe najar nahi aata yeh behan ji purse chheen ke bhaag rahe the teeno.)
Itne mein neelima aur uss ki bhabi bhi kareeb aa chukke the.
Neelima: haan haan yeh bhaiya thik keh rahe he.
Itne mein sikh ladke ne choro se jo purse khoya tha pitai karte hue neelima ki bhabi ko de diya.
Police wala: chalo complaint likhwao thana chal ke.
Sikh ladka: tenu najar ni aa reha. Menu pata tu thane le ja ke ehna vichariya nu dhamka ke bhaja dena te ehna chora nu fer chhad dena. Koi na main likhvana complaint hune. (tujhe najar nahi aa raha. Mujhe pata he tu thane le ja ke inn bechariyo ko dhmka ke bhagaa dega aur choro ko fir chhodh dega. Koi baat ni main likhvata hu complaint abhi.)
Yeh bol uss ne apna cell nikal ek call lagai.
Cell pe baat kar uss sikh ne pehle teeno ladko ki pics li aur fir uss ne dono police walo ki.
Fir uss ne cell pe video on kar neelima aur uss ki bhabi ki complaint record ki.
Fir call wapas kar ke bola: uncle main sab kar lea. (uncle maine sab kar liya.)
Fir wo police wale se bola: chal oye apne S.P. sahib nal gal kar. (chal oye SP sahib se baat kar.)
S.P. ka naam sunte hi police walo ki to phatt hi gayi.
Kuch hi pal mein police ki ek jeep aa gayi waha dan-danati hui.
Teeno choro ko bitha ke aur dono police walo ko nirdesh de chali gayi.
Policewale jo ghabraye hue the sikh ladke se bole: maaf karna sardar ji hum ko nahi pata tha ke aap S.P. sahib ke rishtedar he.
Wo ladka neelima ki aur dekh hassa: dekheya bhaine. Pehla oye te hun sardar ji. (dekha behna. Pehle oye aur ab sardar ji.)
Neelima bhi hass di.
Fir jese hi uss ne uss sikh ki kalai pe behte khoon ko dekha to ghabra ke boli: bhaiya aap ki kalai se to khoon beh raha he.
Sikh ladka hass ke: le bhaina lai ena ku lahu veh gaya ta fer ki hoeya. (le behno ke liye itna lahu beh gaya to fir kya hua?)
Neelima ne jhat se apne haath mein pakda rumaal sikh ki kalai pe baandh diya jaha jakham se lahu beh raha tha.
Rumal baandh boli: bhaiya patti karva lena please.
Sikh hass ke: karva lau bhaine eve fikar na kari ja. (karva lu ga behan. Ese hi fikar mat kar.)
Neelima: thanx bhaiya.
Sikh ladke ne pyar se neelima ke sar pe haath rakha: aah kalai te jehda tu rumal baneya na samjh rakhri aa eh. Bhaav tu meri bhain hoi. Te bhaina kade veer da thanx ni kardiya. Changa rab rakha bhaine. Je kismat hoi ta fir milde haan. (yeh kalai pe jo tum ne rumal baandha he na samajh le rakhi he yeh. Means tu meri behan hui. Aur behne kabhi bhai ka thanx nahi karti. Acha rabb rakha behna. Agar kismat hui to fir milte he.)
Hassta hua wo sikh bike utha ke nikal gaya.
Neelima ki aankhein nam ho gayi ek ajnabi sikh ki baatein sun ke.
Uss ko guri yaad aa gaya.
Uss ki bhabi jo ab iss hone wale haadse se seham gayi thi.
wo ab sambhal chukki thi.
neelima ki aankhon mein aansoo dekh boli: kya hua neela.
Neelima aankhein saaf karti hui duppatte se: kuch nahi bhabi bas guri bhaiya ki yaad aa gayi.
Bhabi ne uss ko apne se laga liya pyar se.
Ghar aa neelima ne jab maa ko sari baat batayi.
To guri ko yaad kar uss ka mann bhi bhar aya.
Guri uss ko apne beta sa hi to pyara tha.
fir beena uss anjan helper sikh ko duaiyen dene lagi.

Aaj university mein pehla din tha.
pehle din kuch khaas to hua nahi bas introduction hoti rahi har period mein.
Kul mila ke chhe periods the.
Do maths ke, ek ek physics, chemistry, English aur ek lab mein practical ka.
Lab ka period to abhi baad mein start hona tha.
so abhi paanch periods hi lagne the.
Chaar periods lagatar lage.
Fir do periods plus recess ke lambe gap ke baad seventh period maths ka tha.
iss time mein sabhi canteen mein aa bethe.
Waha jo bhi koi sikh student najar aata to chaaro ko guri ki yaad aa jati.
Par ab to uss ki sirf yaadein hi baaki thi.
Next day se study shuru ho gayi.
Science subjects mein kam hi students non-serious hote he.
university mein to wese hi sab schools ke toppers aate he.
iss liye yeh chaaro jaante the ke competition tough hone wala he.
pehle din se yeh serious ho gaye.
Free periods mein yeh canteen mein aa kuch khaate peete aur saath hi uss din ka topic bhi discuss kar lete.
Teesra din tha aaj study shuru hue.
Fourth period laga yeh chaaro fir se canteen mein aa bethe.
Ek kone mein khaali table pe yeh aa gaye.
Table ke dono aur do do chairs thi.
canteen ke door ki facing chairs pe geeta aur jyoti bethi thi.
door ki aur back kar ke suraj aur neelima bethe the.
Suraj aur neelima ki back pe ek bada table tha.
jis ke chaaro aur kuch aur ladke aur ladkiya bethe the. Jo innhi ki class se the.
Tabhi peeche bethe students mein se ek ladki cheekhi: prem
Fir ek ladke ne khade hote kaha: lo ji aa gaye hamare prem bhai bhi.
Ek aur ladka: prem bhaape kaha reh gaye tussi. Bechari sapna to parso se aankhein bichhaye bethi he aap ki wait mein.
Prem naam ka wo ladka jiss ko suraj aur neelima na dekh pa rahe the.
Magar geeta aur jyoti dekh rahi thi.
sab se galle mil raha tha.
ek handsome sikh yuvak. Tight jeans aur t-shirt se matching turban.
Aankhon par shandar goggles lagaye.
Prem hass ke: oye yaaro main thonu chhad ke kithe jana. Saali admission hi nahi ho rahi ci. Badi mushkil nal papa ji ne chakkar chalaya……ha ha…. (oye yaaro maine tum ko chhodh ke kaha jana he. Saali admission hi na ho rahi thi. Badi mushkil se papa ji ne chakkar chalaya…… ha ha….)
Fir wo jor se hassa.
Awaaz sunte hi neelima dimag pe jor dene lagi.
Sochne lagi kaha suni he yeh awaaz.
Sapna: yaar tu aaj na aata to maine sham ko tere ghar aa jana tha.
Prem fir se hass ke: oye sapna rani tenu kinni vaar kaha. Mere sapne dekhne band kar de. Main tere hath aan wala ni………ha ha……..(oye sapna rani tujhe kitni baar kaha. Mere sapne dekhne chhodh de. Main tere haath aane wala nahi….)
Unn ke paas bethi ek aur ladki: prem yeh teri kalai pe kya hua bandaid laga rakhi he?
Ek ladka: kar di hogi kisi ki pitai pathe ne……..ha ha…….
Uss bolne wale ladke ke saath waha bethe baaki sabhi bhi hassne lage.
Prem: ha ha…….sachi keha yaar………tin chaar din pehla tin chor thokke panchkule chowk nedhe…….ha ha…… (sach kaha yaar…… teen char din pehle teen chor thokke panchkula chowk ke paas.)
Neelima iss baar jhatke se uthi bolte hue: yeh to wahi he……
Suraj, geeta aur jyoti heran hue dekhne lage neelima ke yeh kehte.
Iss se pehle wo kuch keh paate.
Neelima prem ki aur mudh ke: bhaiya aap?
Yeh wahi uss din wala sikh ladka hi to tha.
Prem bhi neelima ko dekh: oye bhaine tu vi ethe? Ethe kida? (oye behan tub hi yaha? Yaha kese?)
Prem ka hi ek purana dost bola: yaar prem they are also our classmates now.
Prem khush hote hue: oye teri di. Sachi bhaine. (oye teri. Sachi behna.)
Neelima khushi se sar hilate: haan bhaiya
Prem: lao ji fer ta aa ju mazzaa…….ha ha……. (lo ji fir to aa jaaye ga mazza)
Prem chirparchit andaz mein fir hass diya.
Neelima heran si abhi uss ko dekhe ja rahi thi.
Prem: ki gal bhaine kadi sardar nahi dekheya jehda eda dekhdi aa……. Ha ha ha ha…….. (kya baat behna kabhi sardar nahi dekha jo ese dekhti he……..)
Neelima ki bhi hassi nikal gayi: nahi bhaiya essi baat nahi. Aaj aap iss suit boot……pagri aur aankhon pe kala chashma……poore hero lag rahe ho……
Prem fir se hass ke: te oss din jhalla jeha lag reha ci. Track suit te sar te parna lapet rakheya ci………ha ha ha ha….. (aur uss din jhalla sa lag raha tha. Track suit aur sar pe parna baandh rakha tha.)
Prem chair kheench ke unn ke paas hi beth gaya.
Sab ka naam poochh ke baad apna bataya: bande da naam he ji param preet singh…..par meri mata ji shuru to hi prem kehnde ci ta eho naam sab de muh te pakk gaya. (bande ka naam he ji param pareet singh…… par meri maa ji shuru se prem kehti thi to yahi naam sab ke muh pe pakka ho gaya.)
Fir wo jor se canteen wale ko bola: leya vai panj cup chah te panj plate samose. (la bhai paanch cup chai aur paanch plate samose.)
Sapna uthti hui boli: oye mere liye.
Prem: tu aj dhakki reh othe hi. aj nave dosta naal. (tu aaj wahi tikki reh. Aaj naye dosto ke saath)
Prem ke kehte hi sapna wahi beth gayi apna sa muh le ke.
Fir sab ka udaas chehra dekh prem bola: yaar lagda thonu koi jayada khushi ni hoi mere ethe behan naal. (yaar lagta he tum ko jayada khushi nahi hui mere yaha bethne pe.)
Suraj: nahi veer eda di koi gal nahi. Asal saanu apne ik dost di yaad aa gayi. Neelu nu lagda ke jive tussi . oss da duja roop ho saade sab lai. (nahi bhai esi koi baat nahi. Asal mein hum ko apne ek dost ki yaad aa gayi. Neelu ko lagta he ke jese aap uss ka doosra roop ho hamare liye.)
Prem: kehda dost? Oh hun kithe? (Kaun sa dost. Ab kaha he wo?)
Suraj ne guri ke baare mein sab bata diya.
Sunte hi prem bhi serious ho gaya.
Prem: aah ta bada hi bura hoeya. Jis ghar da jawan putt chadhdi jawani ch chal je oss parivar te jo beeti honi. Eh sun ke hi dil kamb janda. Par kehnde ne change bandeya di rab de ghar vi ghaat aa. Tad hi oh jaldi bula lenda. (yeh to bahut hi bura hua. Jis ghar ka jawan beta bhari jwani mein hi chala jaaye uss parivar pe jo beeti hogi. Yeh soch ke hi dil kaamp jata he. Par kehte he ache logo ki rabb ke ghar mein bhi kami he. Tabhi wo jaldi bula leta.)
Ek pal aah bhar fir bola prem: main thoda guri ta ni ban sakda. Par koshish karu ke ik changa dost ban ke raha thode naal. Je tuhanu eh lagda ke main oss varga lagda thonu ta meri eh khushnaseebi ke menu ess kabil jaaneya. (main aap sab ka guri to nahi ban sakta. Par koshish karu ke ek acha dost ban ke rahu tumare saath. Agar aap ko yeh lagta he ke main uss ke jesa lagta hu tum ko to meri ye khushnaseebi he ke tum sab ne mujhe iss kabil jana.)
Itne mein samose aur chai aa gayi.
Prem neelima ke sar pe haath rakh: eh ta meri chhotti bhain hun to. Nikki ji doll vargi bhain main mangda ci. Baba ji de ti. Aive ni kehnde pehli mulakat itfak hundi. Par duji vaar hove ta ess pichhe baba ji di koi chhipi marji hundi. (yeh to meri chotti behan ab se. nikki ci doll jesi behan main maangta tha. Baba ji ne de di. Ese nahi kehte. Pehli mulakat itfak hoti he. Par doosri vaar ho to iss ke peeche baba ji ki koi chhupi marji hoti he.)
Neelima ki yeh sunnte hi aankhein nam ho gayi.
Prem: o jhalliye aah athroo poonj. Marr je oh veer jis de hunde bhain athru vahave. (oye jhalli yeh aansoo saaf kar. Marr jaaye wo bhai jis ke rehte behan aansoo bahaye.)
Neelima ne jhat se prem ke honto pe hath rakh: marre dushman mere bhai ke.
Prem fir se hass diya: tu fikar na kar bhain. Mere dushmana di takdeer ch likheya mere hathon maar khaan da. (tu fikar mat kar behan. Mere dushmano ki takdeer mein likha he mere haath se maar khaane ka.
Sixth period khatam hone ko tha. Prem ne kaha ke wo kal subah se classes attend kare ga.
Aaj to yu hi aa gaya tha.
Prem ne agle din se regular college ana shuru kar diya.
Prem ko dost ke roop mein pa ke sab bahut khush the.
Prem ek khushdil insaan tha.
Roto ko hassana aata tha uss ko.
Bindas, har baat ko hassi mein udhana uss ki aadat thi.
Ladkiyon se wo dur bhagta tha.
Sapna har koshish karti prem ke kareeb aane ki.
Par prem uss ko koi bhaav na deta.
Uss ne bataya ke sapna uss ke peechhe do saal se lagi hui he.
par uss ko koi interest nahi he inn sab cheezon mein.
Prem ko beech beech mein classes miss karni padhti.
Kyu ke business mein uss ke papa akele the.
Aur uss ke papa ko kai baar bahar jana padhta tha tours pe.
Inn sab se dosti kar jaldi hi ghul mil gaya sab se.
Prem ki miss hui study ki kami yeh sab mil ke group study mein poori kar dete.
Group study ke liye prem ab jayada sab ko apne ghar hi bula leta kyu ke uss ka ghar sabhi ke gharo ke beecho beech tha.
Prem ki mummy aur behan bhi prem ki tarah hi hass mukh aur milansar thi.
Study ke doran khoob khilati pilati sab ko dono maa beti.
Agar koi inkar karta to prem ki mummy bade hakk se sab ko daant deti: oye khali pet vi kade padhai pendi dimaag ch. (oye khaali pet bhi kabhi padhai padhti dimag mein.)
Fir study ke baad sab ko kuch der prem ki mummy ke paas beth baatein karni padhti.
Tab ja ke wo sab ko jaane deti ghar mein.
Wo aksar yeh kehti: tussi saare aande ho ta ghar bhareya bhareya rehnda. Thode jaande hi ghar khaali khaali khaan nu penada. (tum sabhi aate ho to ghar bharra bharra sa rehta he. Tum sab ke jaate hi ghar khali khali khaane ko daudhta he.
Ek din prem ne hass ke keh hi diya: mummy je eh gal ci ta do to baad hi kyu bas kar ti. Jamm lene ci panj satt hor. (mummy agar esi baat thi to do ke baad hi kyu bas kar di. Peda kar lete paanch saat aur.)
Yeh sunte hi sab hass diye.
Prem ki mummy bura sa muh bana ke: baba ji ne mehar hi na kiti. Main ta chahundi ci ghatto ghat char panj ta hunde hi. (baba ji ne mehar hi na ki. Main to chahti thi kam se kam char paanch to hote hi.)
Yeh sunnte hi prem bola hasste hue: chalo mummy hunn ta thode kol chhe ho gye assi saare mil ke. ( chalo mummy ab to aap ke paas chhe ho gye hum sabhi mil ke).
Yeh sunn ke sab hass diye.
Prem ki mummy mamta bharri nigah sab par daal ke: haan haan eh sab vi te mere hi bache ne. sare ik to vadh ik pyare. (haan haan yeh sabhi bhi to mere hi bache he. Sab ek se badh ke ek pyare)
Suraj: auntie ji uncle kehnde hone ghar da raashan hun mahine to pehle hi mukk janda. Assi jo ethe aa ke saare charde rehnde har hafte. (auntie ji uncle kehte ho ge ghar ka raashan to ab mahine se pehle hi khatam ho jata he. Hum jo yaha khate rehte har hafte.)
Prem ki mummy uss ke sar pe thappad maar: ja oye kanjra. Dhia putta de khaan te kade mukda kuj. Jeenda rahe prem da peo. Kise gal da ghatta ni hon denda. Thode sab li ta kamanda oh. Saade li ta jive prem te jassi ove tussi saare. (ja oye kanjra. Bete betiyo ke khaane se bhi kabhi khatam hota kuch. Jeeta rahe prem ka baap. Kisi baat ki kami nahi hone deta. Tum sab ke liye kamata he wo. Hamare liye to jese prem aur jassi. Wese tum sabhi.)
Prem ki mummy sab ko maa jesa pyar deti.
Par jyoti uss ki sab se laadli thi.
Prem ko jaldi hi pata chal gaya suraj aur neelima ki love story ka.
Par dono ke pyar ki gehrai ka pata chalne mein uss ko kuch time laga.
Neelima ke kehne pe prem uss ke ghar gaya suraj ke saath.
Beena bahut khush hui uss ko mil.
Neelima ki bhabi ko suraj to khaas pasand nahi tha.
kyu ke uss ko neelima aur suraj ke rishte par shak tha.
par prem jarur pasand aya.
Par prem ko neelima ki bhabi ki ek baat buri lagi jab bhabi ne uss ko kaha ke wo yeh pata kar ke bataye ke inn dono ke beech chal kya raha he.
Suraj ke baare mein prem jaldi hi samajh gaya ke yeh bahut santi type he.
Jyoti……. Uss ko to prem pehli najar mein hi dil de betha tha.
par uss mein kabhi himmat na hui ke wo apna dil khol ke jyoti ke saamne rakh sake.
Prem ki badi behan jasmeet urf jassi ko suraj tab mila jab wo pehli baar unn ke ghar gaya.
Guri ki badi behan ki tarah hi uss ko jassi lagi thi.
jassi ko bhi suraj aur baaki sab bhi bahut pasand aaye the.
Jassi ko sabhi didi kehne lage.
Prem mein bas ek kami thi ke wo baat baat mein gaali bahut nikalta tha.
Jab baat karte hue uss ke muh se gaali niklti koi to uss ko khud bhi pata na chalta.
Yeh sab uss ke papa ke kaaran tha.
Prem ke papa ke liye baaton mein gaali to ese thi jese khaane mein salad ya achar jiss ke bina khana swadisht nahi lagta.
unn ke kuch seniors prem ko pehle hi jaante the.
Prem unn sab ka khaas tha.
arts mein padhne wale Punjab ke jatt ladko se kuch jayada hi bannti thi prem ki.
Prem ke karan hi wo sab suraj ke bhi achhe dost bann gaye.
Class mein boys mein suraj sab se layak students mein tha.
par neelima aur jyoti ke competition mein kai ladkiya thi.
unn sab ke hote hue bhi neelima aur jyoti ne top five mein apni jagah pakki kar li thi.
haan geeta thoda peechhe reh jaati.
Dasvi ya kabhi kabhi giarvi position pe chali jati.
Suraj overall class mein sixth ya seventh place pe tha.
par yaha koi kisi se jalta nahi tha.
sab mil ke study karte.
Prem average student tha.
par inn ki company mein aa ke uss ko bhi khasa fayada mila group study mein.
Dheere dheere sab ko neelima aur suraj ki khabar lag gayi.
Ke inn dono mein bachpan se pyar he.
sab ne mil ke inn dono ko love birds ka naam de diya.
Din teji se beetne lage.
Purana saal beeta.
Naya aa gaya.
January ke end mein neelima ka birthday aya.
Neelima bhi ab 18 ki ho gayi.
Inn sab mein neelima hi thi jo sab ke baad 18 ki hui.
Wo sab se chotti thi.
Na sirf age mein balke dikhne mein bhi.
shayad iss liye sab dosto ki laadli bhi thi.
Jese ghar mein sab se chotta bacha laadla hota he.
Class mein uss ko baby of the class kaha jata.
Neelima ke 18th birthday ki khushi mein suraj ne ek grand party di.
Apne group ke ilava kuch aur friends ko bhi invite kiya.
Jo inn ke hi classmates the.
Champagne ka khaas arrange kiya tha suraj ne.
Saath hi suraj ne neelima ko ek android gift kiya.
Kyu ke neelima ke paas abhi bhi wahi purana phone tha.
jo suraj ne diya tha.
kyu ke ab watsapp ka jamana aa chukka tha.
Neelima ne jhijak dikhai ek baar fir se phone lene mein to suraj ko thoda gussa aa gaya.
Gusse mein bola: nahi lena to fenk de.
Neelima ne ghar mein kaha ke yeh mobile uss ke sab dosto ne mil ke diya he birthday ka gift.
idhar agar neelima ki bhabi ko chidh thi suraj se to udhar kitty ke kehne pe kanta bakheda kare rakhti ghar mein koi na koi.
Suraj ne ab ghar mein openly declare kar diya tha ke haan uss ko neelima se pyar he.
agar wo shadi kare ga to sirf apni neelu se.
iss se kanta aur bhi bhadak gayi thi.
Idhar neelima ki bhabi ke kaaran beena ko bhi bhanak lag gayi.
Beena ko wese ehsaas to tha iss baat ka kafi der se.
par wo chup rehti.
Jab uss ne neelima se poochha to uss ne jhat se savikar kar liya maa ke saamne.
Beena ne bas ek hi baat samjhai ke gareeb ki ladki ki agar koi daulat he to uss ki izzat.
Neelima ne maa se bas ek hi sawaal poochha ke kya uss ko suraj esa lagta he ke wo kabhi uss ke saath kuch esa wesa kare ga.
Iss baat ka to jese beena ko bhi yakeen tha ke suraj esa kabhi nahi kar sakta.
Sab ne B.Sc. Part one ache se clear kar li.
Issi beech neelima ke bhai ke ghar ek sunder si bitiya ne janam le liya.
Baad mein Agle baras uss ko beta hua tha.
Iss se neelima ke bhai par jimmewari aur badh gayi.
Neelima ki padhai ab uss ki bhabi ko akharne lagi.
Ek do baar uss ne shor machaya par har baar uss ko pati ne samjha diya pyar se ke neela uss ko beti jesi pyari he.
Ghar mein kuch kami na aaye issi liye neelima ka bhai overtime jayda karne laga.
2nd year ke start mein prem ki behan jassi ki shadi aa gayi.
Suraj, neelima, jyoti, geeta ke saath kuch aur dosto ko bhi bulaya prem ne.
jassi ki doli ke time pe prem to na roya itna jitna suraj ko rona aa gaya.
Jassi ke ek maah baad hi suraj ki behan hina ki shaadi aa gayi.
Suraj ne hari se pehle hi keh diya ke uss ke sab dost aaye ge shadi mein, neelima bhi.
Hari ne kanta ko daant diya ke beti ki shadi ke mokke pe wo koi teen paanch na kare.
Hina bhi vida ho ke apne ghar chali gayi.
Kanta suraj ko jab bhi kitty ke inlaws ke function mein le ke jaati to kitty ke inlaws mein kai ladkiya suraj ko lubhane ki har possible try karti.
Ghar aate hi kanta unn sab ko neelima se better show karne ki koshish karti.
Wo kehti yeh ladki dekho kitne bade ghar ki wo ladki dekho uss ka rehan sehan standard of living family status kitna badiya he.
suraj pehle to sunn ke chup kar jata par fir uss ko chidh si hone lagi.
Issi liye Wo ab ese functions pe jana hi avoid karne laga.
Kanta aur kitty ko suraj ka na jana akhrne laga.
Kitty jab bhi ghar aati to baat baat pe suraj ko bura bhalla kehne lagti.
Kanta ke kaan mein kuch na kuch keh jaati.
Jis se kanta rashan pani le ke suraj pe swaar ho jaati.
Suraj par pabandiya lagane ki koshish karne lagi.
Baat baat pe pati ko suraj ki shikayat karne lagi.
Hari bhi kanta ki roj roj complaints se tang aa jata tha.
issi karan kai baar dono miya biwi mein behas bhi chhid jati.
Hari janta tha ke jawan ho rahe bęte ki ese tokka takki thik nahi.
Fir uss ke bęte mein kami bhi kya thi.
padhai mein honhaar tha.
koi buri company nahi thi.
oonchi soch rakhta tha.
Kyu ke aaj kal ke rayees ladko ka bigdha roop wo ache se jaanta tha.
to wo bęte ko kuch kehta bhi to kya kehta.
Aur fir Sach baat to yeh thi ke hari ko bhi neelima bahut pasand thi.
B.Sc. part two bhi complete ho gayi sab ki.
Prem ke iss saal pehle se bhi achhe marks aaye.
Suraj, jyoti, neelima aur geeta to hamesha ki tarah bahut ache se nikal gaye.
Class ke top ten mein the chaaro hi.
Suraj aur neelima ka pyar ab shikhar pe tha.
Ab sabhi poore jawan ho chukke the.
Neelima jo ab tak sirf simple kapde pehnti thi salwar kameez with dupatta.
suraj ke kehne pe jab uss ko milne aati to thode modern kapde bhi pehan leti.
Uss ki badhti sundarta aur jism ka bharaav dekh suraj to jese pagal hi ho jata.
Wo kai baar kehta ke neelu tujhe dekh ke ab to kuch kuch hota he….
Neelima hass deti: kya hota mere raju ko? Kya dil karta he?
Suraj: dil karta he tujhe kha jau.
Neelima: to kha jao roka kis ne he?
Dono hi hass dete.
Dono mein chatting ab pyar se badh thodi ramantic aur hot bhi hone lag gayi.
Jis se dono hi sihar uthte.

B.Sc. final year
Issi saal mein neelima aur suraj ne apne aane wale kal ke saare sapne bunn daale.
Dono aksar university campus mein kahi na kahi sab se chhup ke beth jaate.
Suraj uss ki goddi mein sar rakh ke let jata aur fir dono sab kuch bhool ek doosre ki aanhon mein kho jaate.
Kai baar koi professor na aya hota to dono canteen mein aa ke beth jaate.
Chahe prem, jyoti aur geeta inn ke saath hote fir bhi yeh jese bhool hi jaate ke wo bhi saath he.
yeh to bas ek doosre ko hi dekhte rehte.
Sab heran hote ke yeh baat to karte hi nahi.
Bas ek doosre ki aankhon mein hi dekhte rehte he.
dheere dheere sab ko samaj aane lagi ke yeh dono to aankhon hi aankhon mein sab baat kar lete he.
Suraj kabhi udaas hota to neelima ko jhat se pata chal jata.
Wo uss ko le ke kisi ekant mein ja ke apne seene se laga leti.
Suraj ko iss se bada sakoon milta.
Kai baar neelima apne cell pe lata ka ek song chala deti.
Iss ko saath mein wo khud bhi budbudati.
“agar mujhe se mohabbat he, mujhe sab apne gum de do, inn aankhon ka har ik aansoo mujhe mere sanam de do.”
Yahi wo saal tha jab dono ne apne hone wale bacho tak ke naam soch liye ke agar ladka hua pehla to uss ka naam sunil aur agar ladki hui to sunila.
Agar inn ke classmates ne inn ka naam love birds rakha tha to yeh naam dono ne saarthak kar dikhaya.
Inn ka yeh pyar dekh ke ab to jyoti ko bhi dono ke pyar ki sachai pe vishwas sa hone laga tha.
Xmas aur new year ki holidays kareeb thi.
class mein kai ladke ladkiya shimla mein jaane ka programme banane lage.
Thodi na nukar ke baad suraj, prem, neelima, jyoti aur geeta bhi jaane ko raji ho gaye.

[shaziya]

Pehla Pyar - Koi Jeeta Koi Hara


Part-32


Par last moment pe inn paancho ne sab se alag manali jaane ka programme banna liya.
Wese shimla to sab ne bus se jana tha.
par suraj aur prem dono ne mil ke ek innova hire kar li.
Kyu ke ab yeh paanch log hi the.
December month ka end tha.
sardi poore joro pe thi.
do raatein teen din ka trip tha.
30th ki subah ko yeh sab saat baje Chandigarh ke bus stand pe pahuch gaye.
Waha se yeh innova se nikle.
Chai nashta ke liye jyoti, neelima aur geeta teeno hi kuch na kuch lai thi.
prem ki mummy ne bhi bahut kuch diya tha saath khaane ke liye.
lunch inn ho ne manali ke kareeb pahuch ek hotel mein kiya.
Suraj ne ek hotel mein do rooms pehle hi book karva liye the.
Saadhe teen baj rahe the sham ke jab yeh sab manali pahuch gaye.
Coffee pee ke thoda araam kiya.
Fir ghoomne nikle.
Halki halki snowfall ho rahi thi.
khoob enjoy kiya sab ne.
Jab wapas hotel pahuche to kaafi thak chukke the.
Ek safar ki thakaan aur ooper se ghoomna.
Thakaan to honi hi thi.
dinner kar ke jaldi hi sab beds mein ghuss gaye.
Ek room mein suraj aur prem the.
Saath ke doosre room mein neelim, jyoti aur geeta.
Baaki sab to jaldi hi so gaye raat ko.
Par neelima aur suraj der raat gaye tak chatting karte rahe watsapp pe.
sardi ka mausam ho to jawan premiyo ka dil to machal hi jata he milne ko.
Par kese milte.
Kabab mein ek hi haddi kafi takleefdeh lagti he.
par yaha to teen teen thi. prem, jyoti aur geeta.
Good night kisses aur hugs ke saath dono hi sapno ki duniya mein khoye so gaye.
Agli subah prem sab se pehle utha.
Subah ke saat baje the tab.
Suraj so raha tha.
uss ne uth ke pehle thodi exercise ki.
Fir wo uth ke doosre room mein gaya.
Dekha jyoti aur geeta to jaag rahi he par neelima abhi tak so rahi thi.
Prem: oye aah neela haje tak suti pai. Uthao yaar ehnu vi. (oye yeh neela abhi tak soyi padhi. Uthao yaar iss ko.)
Geeta hass ke: yaar der raat tak love birds chatting karte rahe. Kese uthe gi ab yeh.
Prem: yaar odhar suraj vi suta pea haje. (yaar udhar suraj bhi soya pada abhi tak.)
Geeta hass ke: iss ko bhi utha ke udhar sula de. Bechare raat ko to ikathe ho na paaye. Subah hi sahi.
Yeh bol geeta hass di.
Saath mein prem aur jyoti bhi.
Geeta ne to majak mein kaha tha.
par prem sachi mein neelima ko neend mein hi kheech ke doosre room ke bed pe dhakel aaya.
Jyoti aur geeta ka to hass hass ke bura haal ho gaya.
Neelima bed pe aate hi suraj ke saath rajai mein ghuss gayi.
Prem budbudata hua nikal aya room se: karo saaleyo aish tussi vi ki yaad karo ge. (karo saalo aish tum bhi kya yaad karo ge.)
Neelima ko to jese muh maangi murad mil gayi.
Teeno hi iss baat se anjan the ke teeno ki baatein sunn ke neelima jaag gayi thi.
wo to bas sone ka natak kar rahi thi.
Prem jese hi waha se gaya.
Neelima suraj se lipat gayi.
Neelima: raju my love.
Suraj aankhein khol: neelu tum. Tum yaha kese.
Wo to heran ho utha apne saath bed mein neelima ko pa.
Neelima ne bataya ke prem chhod ke gaya he.
Fir dono ek doosre se chipak ke late gaye.
Rajai se khud ko cover kar ke.
Saadhe aath tak dono ek doosre ko choomte pyar karte bed mein padhe rahe.
Udhar prem, jyoti aur geeta ne chai pee.
Fir beth ke baatein karne lag padhe.
Pata hi na chala baaton baaton mein kab saadhe aath baj gaye.
Clock pe najar jaate hi prem bola: oye saade ath vaj ge. Oh dono haje vi sute paye. (oye saadhe aath baj gaye. Wo dono abhi bhi soye hue he)
Geeta hass ke: kya pata soye padhe he ya fir………
Baat adhoori chhod ke wo hass di.
Geeta ki baat se jyoti ko thoda gussa aa gaya.
Jyoti: kya matlab tera?
Par geeta boli kuch na bas hassti rahi.
Prem utha kehte hue: chal main ja ke dekha te uthava dona nu. (chal main ja ke dekhu aur uthau dono ko.)
Geeta bhi hassti hui uthi: main bhi dekhu kese so rahe he hamare love birds.
Dono hi doosre room mein aa gaye.
Geeta ne prem se ishara kiya bhi ke chupke se.
Par prem aur chupke se…… never possible.
Room mein aate hi bola: oye uthna ni aj tusi dona ne. (oye uthna ni aaj tum dono ne.)
Dono ek rajai mein lipte hue the.
Prem ki awaaz sunnte hi suraj ne chehre se rajai hata di.
Neelima ne jhat se rajai kheech ke sharam ke maare apna muh chhipa liya.
Par geeta uss ne to hadh hi kar di.
Rajai pakad ke kheech li.
Neelima suraj ki chhati mein chehra chhupaye uss se chipki hui thi.
Dono ko kapdo mein dekh geeta maathe pe haath maarti boli: hey ram tum dono ka kuch nhi ho sakta. Oye tum dono ko golden chance diya. Fir bhi tum ne kuch na kiya.
Yeh bol wo hass di.
Neelima jump maar ke uthi.
Geeta ki peeth pe ek thappad maar ke boli: kameeni kutti apne jesi samjhti he sab ko kya?
Bol ke wo teji se bhaag gayi.
Geeta bhi hassti hui uss ke peechhe bhaagi.

Dus baje tak sab naha dho ke ready the.
Nashta kiya.
Fir ghoomne nikal gaye.
Lunch bahar hi kiya.
Sham tak kai jagah ghoome.
Dher saari pics click ki sab ne.
jab hotel laute to andhera ho chukka tha.
sab ne chai pee thoda rest kiya.
Dinner kar ke neeche haal mein aa gaye.
Kuch der music pe dance karte rahe.
Jese hi new year ka ghanta baja to sab ek doosre ko happy new year wish karne lage.
Jab rooms mein laute to suraj ne waha aate hi music system pe kuch romantic songs laga diye.
Suraj aur neelima baahon mein baahein daal fir se dance karne lage.
Jyoti: neela sona nahi he kya? Subah wapas bhi lautna he yaar.
Neelima suraj se lipti hui: tum ja ke so jao yaar. mujhe neend jab aai to aa jau gi.
Geeta hassti hui: inn dono ko neend nahi aani aaj ki raat. Yeh to new year manaye ge raat bhar.
Jyoti aur geeta chali gayi.
Geeta jaate jaate prem se: tu bhi udhar hi aa ja yaar. Kyu kabab mein haddi bannta he.
Prem dono se: oye jad sona hoeya das dena main aa jau. (oye jab sona hua to bata dena. Main aa jau.)
Prem bhi nikal gaya jyoti aur geeta ke peechhe.
Wo doosre room mein ja ke ek rajai utha waha padhe sofe pe late gaya.
Idhar suraj aur neelima ek doosre se lipte khone lage the ek doosre ke pyar mein.
Prem, jyoti aur geeta to kab ke ja chukke the room mein dono ko akela chhod.
Yeh love birds ek doosre se lipte kabhi thirkte aur kabhi pyar karte.
Kuch der baad dono bed mein aa ghusse.
Ek dusre ko choomte sehlate sihar uthte.
Dono ki aankhein kabhi band ho jaati.
Aur kabhi khol ek doosre ke aankhon mein dekhne lagte.
Fir neelima sharam ke maare suraj ki chhaati mein chehra chhupa leti.
Uss ki chhaati ko choomne lagti.
Neelima ki aankhon mein dekh kai baar suraj sihar jata aur kai baar darr jata.
Uss ko lagta jese neelima keh rahi he “come raju. Aaj mujhe apne mein samet lo. Raju neelu ko ek ho jaane do sada ke liye.”
CD khatam hui to suraj uth ke waha padi CD’s dekhne laga.
Neelima ke poochhne pe suraj ne bataya ke wo koi lata ya rafi ke old songs dhoond raha he.
Neelima yeh sun: raju ek CD mere paas he. main aksar raat ko sone ke time pe sunti hu aap ko yaad kar.
Yeh bol ke neelima ne CD apne purse se nikal suraj ko dete kaha: yeh ek copy main aap ke liye le ke aai hu.
Suraj ussi pal wo CD laga diya.
Lata ke bahut emotional aur touching songs the uss cd mein.
Premi chahe purane time ke the ya aaj ke time ke sab ki pehli pasand purane songs hi rahe he hamesha.
Dono bed pe aa ke rajai le ke ek doosre ki baahon mein fir se lipat gye.
Pehla song shuru hua: aap ki najro ne samjha pyar ke kaabil mujhe….. dil ke eh dhadkan thehar ja mil gayi manzil mujhe……….
Yeh khatam hota he to agla aa gya: betab dil ki tammanna he tujhe chahe ge tujhe pooje ge tujhe apna khuda banaye ge……..
Dono bed pe ek doosre ki aur chehra kar ke lete hue poori tarah ek doosre ki aankhon mein khoye hue songs ke saath ek doosre ke saath naye baras ke pehle din ki shuruaat kar rahe the….
Aur fir ek bahut hi emotional song shuru hua.
itna emotional ke dono ke dil ki dhadhkne hi rukne lagi.
Dono ko laga ke bas abhi waqt yehi tham jaaye ga.
Dono ki ankhein band hone lagi.
neelima to apne badan ko buri tarah se suraj ke har ang se ragrne lagi.
dono ki saansein tej hone lagi.
ang ang machlne laga ek doosre mein samaane ko.
Neelima ke badan mein ek aag bharne lagi suraj ke hont jab uss ko jagah jagah chhoone lage….
Song yeh tha:
Lag ja gale ke fir yeh haseen raat ho na ho……
shayad fir iss janam mein mulaqaat ho na ho……

Hum ko mili aaj yeh ghadhiya naseeb se.....
jee bhar ke dekh lijiye hum ko kareeb se…….
Phir aap ke naseeb mein yeh baat ho na ho……
Shayad fir iss janam mein mulaqaat ho na ho……..

Paas aayie ke hum nahi aaye ge baar baar……..
baahein galle mein daal ke hum ro le zaar zaar……
Aankhon se fir yeh pyar ki barsaat ho na ho…..
shayad fir iss janam mein mulaqaat ho na ho……

[shaziya]

Pehla Pyar - Koi Jeeta Koi Hara


Part-33

Song yeh tha:
Lag ja gale ke fir yeh haseen raat ho na ho……
shayad fir iss janam mein mulaqaat ho na ho……

Hum ko mili aaj yeh ghadhiya naseeb se.....
jee bhar ke dekh lijiye hum ko kareeb se…….
Phir aap ke naseeb mein yeh baat ho na ho……
Shayad fir iss janam mein mulaqaat ho na ho……..

Paas aayie ke hum nahi aaye ge baar baar……..
baahein galle mein daal ke hum ro le zaar zaar……
Aankhon se fir yeh pyar ki barsaat ho na ho…..
shayad fir iss janam mein mulaqaat ho na ho……

N……….. E……… E………. L………U………..

Suraj jor se cheekh ke uth betha.
Paglon ki tarah idhar udhar dekhne laga.
Paseene se buri tarah nahaya hua tha wo.
Uss ki sochon ki ladhi toot chukki thi.
wo akela tha.
na hi kahi neelu thi aur na kahi wo raat.
Na hi wo pal aur na hi Wo lamhe.
Pyar se bhare hue lamhe jo uss ne apni neelu ke saath gujaare the.
Wo to ab the hi nahi.
Bas tha kuch to unn palo ki unn lamho ki yaadein.
Neelu ke saath bitai hui uss raat ki yaadein.
Yahi bas ek hi raat to aai thi dono ki jindgi mein jab yeh saath saath the.
Uss raat se pehle kuch tha to wo sapne jo dono ne aane wale kal ke liye dekhe the.
aur uss raat ke baad kuch tha to bikhre hue sapne jo poora hone se pehle hi toot gaye.
Wo saal ka pehla din kitni khushiya le ke aya tha dono ki jindgi mein.
Par jaldi hi wo khushiya mitti mein mil ke khaak ho gayi.
Fir kuch bacha tha to wo tha gham, dukh aur dard bhari jindgi.
Aansoo aur judai mein tadpaane wale pal.
Iss Dukh aur dard sehne ko wo aaj akela tha flat mein.
Apne toote hue dil ko khud hi sehlata wo kab neend mein gaya yeh uss ko pata hi na chala.
Uss ko to yeh bhi pata nahi tha ke jab wo soya subah ke chaar bajne ko the.
Subah ke dus baj chukke the.
Aksar iss time tak suraj naha dho ke ready ho jata tha.
geeta kabhi ghar se uss ka naashta le aati.
Kabhi wahi aa ke bana deti.
Geeta jab aai to flat band tha.
ander se koi awaaz bhi na aa rahi thi.
suraj ki gaadi to bahar thi.
it means wo abhi utha hi nahi.
Thik to he na wo.
Yahi sochte hue geeta ne flat khola.
Ek duplicate keys ka set hamesha uss ke paas rehta tha.
Wo heran ho uthi abhi tak suraj ko soeya dekh.
Geeta ne suraj ko hilaya: suraj kya hua tu thik to he na. din nikal aya tu abhi tak so raha he.
Suraj ne ek angdai li aur aankhein kholte hue bola: wats time geeta?
Geeta: ten
Suraj jhatke se utha: wat……. ten?
Par uss ka badan buri tarah toot raha tha. fir se late gaya wo. Geeta uss ke paas hi bed pe beth gayi. Uss ka math chhua dekhne ko kahi bukhar to nahi.
Geeta ne uss ke chehre ko dekha.
Aankhein suji hui thi.
Geeta: oye kya hua? Raat ko kahi akela rota to nahi raha ke jyoti ka rishta prem se ho gaya?
Sunnte hi suraj hass diya: na na yaar. Bas eve hi raat ko der tak purane dino ko yaad karta raha. Manali mein new year ki night.
Geeta: haye wo night. Yaar tum dono ko subah aa ke maine hi to uthaya tha. ek saath soye tum dono. rajai mein jese tum soye hue the. Ek baar to mujhe laga sab ho gaya tum dono ke beech.
Kehte hass di geeta.
Fir ruk ke boli: par mujhe nirasha hui jab tum dono ko subah bhi raat ke kapdo mein soye dekha. Aur bed ki sheet pe koi nishan bhi na tha.
Geeta ki baat samajh suraj ki bhi hassi chhoot gayi geeta ke saath.
Suraj: tu badi hi kameeni he yaar.
Geeta: thoda kameenapan jaruri hota he yaar. Kaash tum dono bhi kameene hote meri tarah
Besharmi se hass di geeta bol ke.
Suraj uth ke beth gaya.
Geeta se bola: yaar ek cup chai to pila de.
Geeta ne jaane se pehle suraj ko ek jor se hug ki aur uss ke gaalon ko choom liya.
Suraj hass ke: saali jab dekho tharak bhorti rehti he.
Geeta hassti hui: saale ab tu aur main hi bache he. baaki sab ka to ho gaya. To kyu na hum dono bhi.
Geeta yeh kehti hui fir se sarki suraj ki aur.
Suraj ab uss ko thoda ghoor ke: oye …..
Geeta hassti hui kitchen mein chali gayi.
Suraj ko nashta kar ready hote hue pone baara baj gaye.
Wo office ke liye nikla.
Next day prem ki behan jasmeet bhi aa gayi.
Uss ko chhodne uss ka pati aya tha.
jasmeet ke sasural Amritsar mein the.
Fir shuru hui shopping.
Dono families ne almost shopping ek saath hi ki.
Prem ka jyoti ke rehte varjit tha shopping pe jana.
so suraj ko hi jana pada unn ke saath.
Suraj ke saath shopping ke liye jyoti, jyoti aur prem ki dono ki moms aur jasmeet jaate.
prem ne aur jyoti dono ne radhika aur uss ki poori family ko shadi pe aane ke liye invite kiya.
Prem to khud hi chala gaya delhi unn ko invite karne.
Neelima aur updesh ko to aana hi tha.
geeta bhi family samet invited thi.
sabhi dost dono aur se invited the.

Aakhir wo din aa hi gaya jis ka sab ko intezar tha.
prem aur jyoti ki shadi ka din.
Delhi se radhika ke saath manish, kavita, suhan aur mitali aaye.
Radhika ke mummy papa na aaye.
Prem gussa to jarur hua.
Suraj ne bhi phone kar auntie se ladai kar li.
Par ab to kuch ho hi nahi sakta tha.
neelima aur updesh ko to ana hi tha.
geeta ke mummy papa ko ganganagar jana padh gaya kisi kaam se.
iss liye aarti aur geeta aai.
Din mein shadi ke time prem ki aur se barat mein kuch najdeeki rishtedaar the.
wese hi jyoti ki aur se bhi.
Haan neelima, updesh aur geeta jarur aaye the.
Din mein shadi ho gyi.
Raat ko ek bade se resort mein reception rakhi gayi.
Suraj sab se jayada naach raha tha.
sabhi aane wale gifts dete aur pics khichwate hue aage badh rahe the.
Jab waha rush kam hua to suraj jhoomta hua aya.
Wo dono jo ek bade sofe pe bethe the unn ke beech beth ke pics khichwane laga.
Uss ko waha dekh fir se rush padne laga.
Kabhi geeta aur aarti aa gayi.
Kabhi radhika aur mitali.
Kabhi neelima aur updesh to kabhi dono ke mummy papa.
Jab sab ho ke chale gaye to prem aur suraj ke kuch aur dost aa gaye.
Suraj unn ko dekh bhadka: kanjro ik var pic lua ta lai hun vadeve len aaye ethe. (kanjro ek baar pic khichwa to li ab vadhe lene aaye ho yaha.)
Ek dost: saaleya tere nal ni luai. (saale tere saath ni khichwai.)
Sab hasste hue peeche aa khade hue.
Pics hui to suraj ne sab se kaha.
Suraj: yaar jao na main jara ehna naal ik private gal karni. (yaar jao na maine inn ke saath ek private baat karni he.)
Unn ke jaate hi suraj: ehna kanjra koi gift shift dita ke eve hi saale muft di peevi jaande. (inn kanjro ne koi gift shift diya ke ese hi free ki peeye ja rahe he.)
Prem hass ke: sab ne dita bas tennu chhad ke. (sab ne diye bas tujhe chhodh ke.)
Suraj jyoti ko dekh: enni sohni bhabho de ti tenu hor ki bhalda va baba ji da thullu. ( itni sohni bhabi de di tujhe aur kya dhondta he baba ji ka thullu)
Jyoti hass di jor se.
Suraj: acha dove eh dasso honeymoon li kithe jana. (acha dono yeh batao. Honeymoon ke liye kaha jana he?)
Yeh bol jab suraj ne dekha ke video wala sab record kar raha he to uss se bola: bhai mere kisi aur ki bhi recording kar le. Kyu mere peechhe haath dho ke pada he.
Video wala smile deta bas recording kar raha tha.
Jyoti hass ke: ohnu karan de yaar. Tenu ki kehnda.
Suraj: to fir kaha jana he.
Itne mein jyoti ki kuch friends aa gayi jo suraj aur prem ke liye nai thi.
prem se to wo pehle mil chukki thi.
par suraj se nahi mili thi.
Wo sab peechhe aa khadi hui sofe ke.
Ek boli: jyoti kya yahi he suraj ji.
Jyoti: ya hum dono ko ek karne wala hum dono ki jaan. Pehle mera sweet friend aur ab mera loving devar bhi.
Video wala recording to kar hi raha tha.
photographer ne bhi photos leni shuru kar di.
Jyoti ne prem ko ek ishara kiya jiss ko suraj na dekh paya.
Dono ne suraj ke chehre ko thama aur dono aur se apne hont uss ke gaalo pe rakh diye.
Photographer ne jhat se kai pics le li.
Jyoti ki ek friend jo suraj pe khaas hi fida lag rahi thi bol padi: haaye jyoti apne devar ki ek kiss mujhe bhi dilwa de.
Suraj jhat se utha: tu saambh yaar apniya saaliya nu main chaleya.
Wo gaya ek peg lagaya aur fir se sab ke saath ja ke naachne laga.
Par najar uss ki jyoti aur prem par hi thi.
Jab uss ne dekha ke prem aur jyoti ke paas ab koi nahi to wo fir se aa gya.
Uss ke aate hi video wala aur photographer fir se waha chale aye.
Suraj dono ke beech bethte: yaar dulha main hu ke yeh. Main jaha jata hu tum dono aa jaate ho.
Jyoti aur prem hass diye.
Suraj fir se: haan to batao honeymoon ke liye kaha jana he.
Prem: main ta darjling keha ci par eh Kathmandu keh rahi aa. Ta main keha thik aa Kathmandu hi chalde aa. (maine to darjling kaha tha par yeh Kathmandu keh rahi he. To maine kaha thik he Kathmandu hi chalte he.)
Jyoti hole se: kyu tu bhi chale ga hamare saath?
Kehte hue wo hassi.
Suraj chonk ke: kya??
Jyoti almost uss se lipat ke: haaye yaar tu bhi chal na. mazza aa jaaye ga. Teen ka honeymoon.
Jyoti aur prem hass diye.
Suraj uss ko apne se thoda alag kar ke: jyoti madam ab sudhar jaao…… now u r my sweet and loving yaar’s biwi. Mrs. Jyoti Param preet Singh.
Teeno hi hass diye fir se.
Suraj fir se prem ko: haan to kaha jana he fir prem the great.
Prem: yaar bola to Kathmandu.
Suraj maathe pe haath maar: thoda kuj ni ho sakda yaar. (tumara kuch nahi ho sakta yaar.)

Fir suraj ne apne coat ki inner pocket se ek bada sa lifafa nikala aur jyoti aur prem dono ke haath pe rakhte kaha.
Suraj: aah lao te karo aish. (yeh lo aur karo aish)
Prem aur jyoti chonk ke: aah ki. (yeh kya)
Suraj hass ke: mere pyare veer te meri bhabi jaan da honeymoon to maritius. Dona de tickets plus hotel da stay. (mere pyare bhai aur meri bhabi jaan ka honeymoon to maritius. Dono ke tickets plus hotel ka stay)
Prem: oye tu aah sab kyu kita. Ena kharcha. (oye tum ne yeh sab kyu kiya. Itna kharcha?)
Suraj hass ke: main ki kita? Tuhade lai ta meri jaan vi haajir he yaar. Jad vi lodh pai. Ik mint na lau. (maine kya kiya yaar? Tumare liye to meri jaan bhi haazir he yaar. Jab bhi jarurat ho. Ek mint nahi lagau ga.)
Dono ne bhavuk ho ke suraj ko ek saath jakad liya baaho mein.
Jyoti: khushi ke din rulaye ga kya suraj yeh jaan dene ki baat kar ke? Teri yeh jaan hamari nahi. Chennai mein he yaar parul…….. teri pari.
Itne mein mitali, aarti, geeta, Deepak aur kai ladke ladkiya aaye aur teeno ko kheech ke dance floor pe le gaye.
Sabhi waha naachne lage.
Pinki aur divya bhi aai hui thi shadi pe.
Unn ko suraj ne khaas taur pe invite kiya tha.
Pinki apne behan aur bhai ke saath aai thi to divya bhi apne chotte bhai ke saath aai thi.
Dono ko raat ke time pe rani ka pati suraj ki car mein ghar chhod ke aya.
Raat ka dedh baj gaya jab sabhi ghar laute.
Suraj ki nai car ko prem ne drive kiya ku ke suraj ne kaafi pee rakhi thi.
Suraj ne nai car prem ki shadi se kuch din pehle hi li thi.
Agle din subah dus baje suraj ko jasmeet ne chai de uthaya.
Neelima aur updesh to raat ko hi ghar laut gaye the.
Unn ko bhi rani ka pati hi ghar chhod aya tha.
shayad rani ke pati ki duty hi yahi thi.
sab ko ghar chhodna.
Radhika aur uss ki family naashta kar ke nikle.
Geeta aur aarti raat ko jyoti ke ghar chali gayi.
Jyoti ki mamma unn dono ko le gayi.
Wo dono subah ko gayi apne ghar.
Kyu ke aarti ko college jana tha aur geeta ko apna institute kholna tha.
suraj uss din bhi office na ja paya ku ke jyoti ki fere ki rasam thi.
wo raat ko wapas apne flat mein jana chahta tha.
par prem aur jyoti ne nahi jaane diya.
Finally Tuesday ko suraj kaafi din baad office gaya.
Pinki aur divya ne uss ke peeche ache se kaam sambhal liya tha.
yaha tak ke pinki ne godown ja ke loading bhi karva di thi apni dekh rekh mein.
Uss din wo geeta ke ghar na ja paya.
Agle din jab gaya to geeta ki maa ne bataya ke wo Sunday ko ganganagar iss liye gaye the ku ke geeta ke liye ek rishta aya he.
Unn ki dur ki rishtedaari mein ek ladka pehle yaha Chandigarh ke bank mein job karta tha.
wo aksar unn ke ghar aata jata rehta tha.
tabhi uss ne jab geeta ko dekha tha to geeta uss ko pasand aa gayi thi.
uss ne yaha rehte to kisi ko na bataya.
Ab jab uss ki transfer apne hometown mein hui aur ghar mein uss ki shadi ki baat chali to uss ne kaha ke wo shadi kare ga to geeta se.
Suraj ne kaha ke yeh to achi baat he.
Geeta ki maa ne bataya ke wo agle Sunday geeta ko dekhne aa rahe he.
Par geeta abhi inkar kar rahi he.
Suraj ne jab geeta ko samjhaya to geeta maan gayi.
Coming Saturday ko suraj delhi gaya.
Prem aur jyoti uss ke saath the.
Ku ke Sunday ko unn ki flight thi delhi se maritius ke liye.
Prem aur jyoti radhika ke hi ghar ruke.
Saturday night ko kaafi der tak sabhi bethe rahe baatein karte.
Prem aur jyoti ne radhika ke mummy papa se kaha ke wo dono to aaye nahi ashirwad dene to wo khud hi aa gaye aashirwad lene.
Sunday ko morning suraj dono ko airport chhod aya.
Suraj Monday ko bhi wahi ruka.
Tuesday morning ko early chal diya wo wapas Chandigarh ke liye.

Suraj ka kaam badi teji se badh raha tha.
suraj ki kothi bhi ready thi ab.
September ke first week interiors almost complete the.
Mid tak bahar ke paints bhi ho gaye.
Idhar geeta ka rishta bhi ho gaya tha.
ladke wale to December mein hi shadi maang rahe the.
Par geeta ne kaha ke uss ke students ko problem hogi to wo log march tak ruk gaye.
July mein ek aur ghatna ghatti thi jis ka suraj ko ab ja ke pata chala tha.
kavita ki badi bhabi july mein ghar ke sare jevar chura ke apne ek premi ke saath bhaag gayi.
Uss ke ussi premi ne saare jevar le ke kavita ki bhabi ko maar diya.
Kavita ka bada bhai iss se akela padh gaya.
Katil to pakda gaya baad mein.
Par tab tak wo jevar bech ke kha pee gaya tha.
Patni aur jevro ke khone ke baad kavita ka bhai kaafi depressed sa rehne laga.
Uss ki ek do baras ki bachi thi.
kavita ki maa ab bade bęte ke saath rehne lagi thi.
par wo bhi bimar rehti thi.
wo chahti thi ke uss ka beta fir se shadi kar le.
Par wo abhi maan nahi raha tha.

Idhar Suraj ko hina ke pati se pata chala ke unn ki kothi bik gayi he.
Kitty to chahti thi ke mile pese ke do hisse ho aur hina aur kitty ko aadha aadha pesa mil jaaye.
Par hina ke pati ne esa nahi hone diya.
Uss ne teen hisse karva diye.
Ek hissa kitty, doosra hina aur teesre ki fd’s karva di kanta ke naam.
Kanta ka mohali wala flat bikwa ke hina ke pati ne uss ko Chandigarh mein ek naya flat dilwa diya.
Fd’s ke interest se kanta ka ghar asani se chalne laga.
Kitty ki najar poori tarah se kanta ke paas pade pese pe thi.
Par hina ke pati ke kaaran wo kuch na kar pai thi.
September ke end mein suraj ne simple si ceremony kar naye ghar mein shift kar liya.
Naye ghar mein jaane se pehle uss ne kanta ko phone kar kaha ke wo uss ke paas laut aaye.
Par kanta ne saaf inkar kar diya.
Iss pe suraj ne kaha: mom aap ke liye maine ek special room rakha he.
Wo sirf aap ka he.
Aap jab chaho aa jao.
Uss pe sirf aap ka hak he.
Iss baat ka bhi kanta pe koi asar hua.
Suraj itne bade ghar mein akela hi tha.
ghar ke mahurat pe hina apne pati ke saath aai thi.
dono ko naya ghar behad pasand aya tha.
hina ne bhi kai baar kanta se kaha ke wo suraj ke saath ja ke rahe.
Par kitty iss ke hak mein nahi thi.
wo jaanti thi ke agar kanta suraj ke paas laut jaati he to wo apna hissa hina ke pati ke kehne pe suraj ko de degi.
Idhar prem aur jyoti bahut khush the.
Har doosre ya teesre din suraj unn ke saath hi dinner karta.
Pinki ne suraj ki help se apni kothi bech di.
Uss ne uss mein se kuch pese se ek flat khareed liya mohali mein.
Baaki ka pesa deposit karva diya ta ke baad mein apne bhai aur behan ko higher studies ke liye out of country bhej sake.
Ghar ka gujara uss ki salary se aram se chal jata tha.
Itne bade ghar mein akela rehne se suraj ki drinks badhne lagi.
Pehle wo sirf weekend pe hi leta.
Par ab do ya teen din baad jab bhi ghar hota to wo le leta.
Rani ko yeh dekh bada dukh hota.
Wo chahti thi ke kuch bhi kar ke suraj ab shadi kar le.
Par suraj shadi kare to kiss se kare.
Kyu ke parul ka rishta bhi final kar diya tha iyer ne.
Wese suraj ab har Saturday ko delhi chala jata tha.
waha se wo Monday ko hi wapas aata.
Ab wo jab bhi delhi jata to kavita ki bhateeji ko bhi aksar wahi dekhta.
Kavita ki bhateeji jis ko sab baby kehte the mitali aur radhika se kafi ghul mil gayi thi.
radhika ko uss se pyar bhi bahut ho gaya tha.
radhika uss ko godd lena chahti thi.
par kavita ka bhai iss ke liye inkar kar chukka tha.
uss ki patni ke baad ek yahi to sahara thi uss ke jeene ka.
Ek din kavita ne radhika se kaha ke agar wo baby ko itna hi pyar karti he aur uss ki maa bhi kehlana chahti he to kyu nahi wo uss ke bhai arun se shadi hi kar le.
Yeh sunte hi radhika ko jhatka laga.
Radhika: pagal ho gayi ho kya kavita. Tum yeh soch bhi kese sakti ho?
Kavita: didi iss mein burai hi kya he? Kya arun bhaiya mein koi kami he?
Radhika: burai tere bhai mein nahi kavita mujh mein he. Tu jaanti he main arun se ek-dedh saal badi hu.
Kavita: yeh to koi burai nahi didi.
Radhika: nahi kavita ek baar jo chot khaai he maine. Uss ke karan ab shadi ko dil nhi mera.
Kavita: maanti hu didi jo hua bahut bura hua. Aap ka dil toota. Par kya aap ko arun bhaiya pe bharosa nahi. Ya mujh pe bharosa nhi ke main aap ka kuch bura soch sakti hu.
Yeh sunnte hi radhika na uss ko jhat se seene se laga liya.
Radhika: tujh pe to mujhe khud se jayada bharosa he pagli.
Kavita: to fir problem kya he didi.
Yeh sunn ke radhika ne kaha ke wo uss ko kuch time de sochne ke liye.
Iss ke baad dono hi thoda tense rehne lagi.
Ghar mein kisi ko nahi pata tha ke dono tense kyu he.
Par yeh samajh chukke the ke koi baat he nanad bhabi mein.
Next time jab suraj delhi aya to uss ko bhi tension ka idea ho gaya.
Uss ne mitali se pooch liya ke kya radhika aur bhabi mein koi jagda hua he jo yeh dono upset he aur aapas mein kuch baat cheet bhi nahi kar rahi khaas.
Mitali ne kaha ke kuch baat to he par dono mein se koi bataa nahi rahi.
Suraj ne tab dono ko ooper bula poochha kya baat he.
Pehle to dono mein se kisi ne koi na boli.
Par suraj ne jab yeh dhamki di ke thik he mat batao to fir main jata hu.
Aur iss ke baad kabhi iss ghar mein kadam na rakhu ga tab dono ne hi bata diya sach.
Suraj ke kehne pe aakhir radhika ne shadi ke liye yes kar di.
Radhika ne ek baar pehle akele arun se milne ki baat rakhi.
Agle din hi wo dono suraj ke saath arun ke flat pe gayi.
Ghar mein abhi kisi ne kuch na kaha.
Radhika ne kuch der arun se akele mein baat ki.
Jab dono ki yes ho gayi to kavita ne apni maa ko bhi thoda hint de diya.
Bas ab radhika ke mamma papa ki yes baaki thi.
kavita ki maa to khushi se khil hi gayi thi.
uss ne radhika ko seene se laga liya.
Tab kavita boli: mummy yeh sab suraj ka kamaal he.
Yeh sunte hi wo suraj ko galle laga ke boli: tu to sach ka suraj he beta. Jaha jata he roshni bikher deta he. Khushiya bhar deta he har aur.
Radhika dil hi dil mein: par iss pagal ki apni khushiyo ko pata nahi kis ka grahan laga he. Kab iss ko iss grahan se chhutkara mile ga.
Teeno jab wapas aaye to ghar mein sabhi lunch pe teeno ki wait kar rahe the.
Kavita ke kehne pe yeh good news suraj ne hi radhika ke mummy papa ko di.
Wo to sunte hi khil uthe.
Baby jo mitali ke paas hi thi.
uss ko radhika ne goddi mein le khoob pyar kiya.
Pyar karte karte uss ke aansoo nikal aaye.
Baby: auntie auntie aap roti kyu ho? Aap roti hui jara bhi achi nahi lagti. Hassti ho to badi sunder dikhti ho.
Radhika: main hassu gi meri banno par uss ke liye ek sharat he. Bolo maano gi.
Baby: jarur auntie.
Radhika: to fir mujhe mamma kaho.
Yeh sunte hi baby kuch pal khamosh ho gayi.
Radhika thodi ghabra gayi: bolo baby mamma.
Baby jhat se radhika ke galle lag jor jor se rone lagi.
Sab uss ko chup karane lage par wo thi ke bas radhika se chipki roye ja rahi thi.
Kafi der baad jab uss ka rona thoda kam hua to kavita ne kaha: baby kya hua bache ro kyu rahi ho.
Baby: bhua agar main auntie ko mamma kahu gi yeh mujhe mamma ki tarah chhod jaaye gi.
Yeh kehte baby fir radhika se lipat ke rone lagi.
Radhika aur kavita bhi ro di.
Radhika uss ko seene se bheech: nahi meri banno main kahi nahi jaau gi. Sada tere paas rahu gi.
Baby radhika ke seene se chipki rote rote so gayi.
Sham ko kavita ne arun aur apni maa ko bula liya.
Manish ja ke pandit ko le aya.
Sab ke kehne pe pandit ne do shub din bataye.
Ek chaar mahine baad tha par doosra teen din baad ka tha.
Iss se pehle koi aur bolta suraj ne kaha: teen din baad done.
Teen din baad hi bade saade dhang se arun aur radhika ki shadi ho gayi.
Apne ghar mein radhika ko dekh sab se jayada baby khush thi.
uchhal rahi thi kood rahi thi naach rahi thi yeh kehte hue: aaha ji auntie ab hamare ghar rahe gi. Main roj auntie ke saath sou gi.
Kuch din tak jab bhi koi baby ko kehta ke yeh teri mamma he tu mamma kaha kar to wo radhika se chipak rone lagti yeh kehte hue ke main mamma nahi kahu gi. Kaha to yeh mujhe chhod jaaye gi.
Par jab uss nanhi jaan ko yeh yakeen ho gaya ke yeh uss ko nahi chhod ke jaaye gi to wo khud hi mamma kehne lagi.
Sab ki shadi ho gayi thi.
bas koi bacha tha to suraj.
Jab bhi koi suraj ko shadi ka kehta to wo hass ke taal deta.
Chahe parul ka rishta ho chukka tha par na jaane kyu radhika ke dil mein kahi na kahi ek umeed ki kiran baki thi.
Par wo kiran bhi ek din bhuj gayi.
Jab mrs. iyer ne phone pe hi radhika ko parul ki shadi ka nyota diya.
November ke first week mein hi radhika aur suraj ko phone aa gaya.
Suraj ne apne saath saath radhika, arun, prem aur jyoti ki ticket bhi book karva di Chennai ki.
Arun ne ek baar inkar kiya.
Par suraj ne kaha ke bhaiya aap dono shadi ke baad kahi nahi gaye to arun maan gaya.
Prem aur jyoti ko bhi suraj ne jabran manva liya.
Suraj jab bhi akela hota to khud se kehta: chal mere dil tu bhi dekh tamasha yaar ka dola uthne ka.
Uss din bhi suraj akela apni kothi mein tha.
sardi dheere dheere jor pakad rahi thi.
rani apne bacho aur saas ko khana dene gayi thi.
raat ke nau baj rahe the.
Suraj rani ki wait kar raha the ke wo aaye kuch khane ko de tabhi wo drinks leni shuru kare ga.
Suraj ko kuch yaad aya.
Uss ne study room mein ja ke dekha kuch.
Yeh study room uss ne papa ki yaad mein banvaya tha.
hari ka laptop wahi pada tha.
suraj ne kai baar uss ko start karne ki koshish ki par nahi hua tha start.
Kuch roj pehle hi uss ne iss laptop ki ek nai battery mangwai thi delhi se manish ke ek dost ko bol ke.
Kyu ke model purana hone ke karan Chandigarh mein battery nahi mili thi.
Suraj ne laptop fir se on kiya ek baar.
Wo khushi se uchhal pada ku ke laptop start ho gaya tha.
suraj ne pehle kuch der files check ki.
Waha koi esi khaas baat na thi jo suraj ko lage ke koi khaas information rakhti he.
Fir suraj ne uss ka net on kiya.
Papa ki mail id iss mein khul gayi.
Kyu ke password saved tha.
wo jaldi se mails check karne laga.
Jyada mail business ki thi.
fir ek mail pe najar padi.
Wo radhika ki mail thi.
radhika aksar sari correspondence suraj se hi karti thi.
iss liye thodi utsukta vash suraj ne wo mail khol li.
Uss mein radhika ne jo likha tha wo thoda chonkane wala tha.
Radhika ne likha tha: uncle aap ki mail mil gayi he. Aap ne jesa kaha he main thik wesa hi karu gi. Suraj ko yeh mail tabhi dikhau gi agar mehsoos ho ke suraj ke saath kuch galat ho raha he. Aap ne jo vishwas mujh pe dikhaya he wo main aakhri saans tak tootne nahi dugi. Bas aap se yahi gujarish he aap apni sehat ka khyal rakhe. Suraj hi nahi mujhe bhi aap ki abhi bahut jarurat he. Aap ke marg darshan se hum dono ko jindgi ki nai sedh milti he. Aap ki beti radhika.
Suraj soch mein doob gaya aakhir papa ne kya likha radhika ko.
Kya koi esa sach he jiss se wo anjan he.
Uss ki soche tooti rani ki awaaz se.
rani: suraj baba kaha ho aap.
Suraj: main study room mein hu rani. Aa raha hu.
Suraj ne laptop uthaya bahar dinning table pe aa laptop rakha.
Bar room mein ja ke ek peg banaya.
Aur fir laptop pe aa gaya.
Rani khaane ka samaan rakh gayi.
Jaate jaate boli: suraj baba buri baat he aap ki peeni badti ja rahi he. Ese kab tak chalega.
Suraj kuch na bola bas smile de ke reh gaya.
Fir wo sochne laga ke jo mail papa ne likhi uss mein kya he?
Kya wo radhika se kahe ke wo mail uss ko send kare?
Par wo to subah se pehle bhej nahi paye gi.
Pc to office mein pade he.
Fir uss ne khud se kaha: abhey ghadhe papa ki sent items mein dekh.
Uss ne radhika ki mail ki date check ki.
Sent items mein ja ke radhika ko bheji mail dhoondne laga.
Jaldi hi suraj ko papa ki send ki mail mil gayi.
Suraj wo mail padhne laga.

[shaziya]

Part-34

Suraj wo mail padhne laga.
Jo kuch ese thi.

Priye beti radhika,
Maine tum se kal jo phone pe kaha tha. uss ko vistar se yaha likhne ja raha hu. Yeh ek esa sach he jis ko mere ilava kanta bhi kuch hadd tak jaanti he. Par wo iss ko samajh nahi rahi. Uss ki itni umar ho gayi he par abhi bhi uss ko ache bure ki pehchan nahi he. Tum ko herani ho rahi hogi ke aakhir wo kya karan he jis ke chalte wo suraj ko apni jindgi uss ki marji se nahi jeene deti. Wo kyu suraj ki har khushi uss ki jindgi ko apne kaaboo mein rakhna chahti he.
Suraj ke liye yeh sab mushkile peda karne wali asal mein kanta ki apni koi soch nahi. uss ki maa, meri saas I mean suraj ki nani uss ki iss soch ke peechhe thi.
Kanta shuru se hi apni maa ki laadli thi. uss ke ooper maa ka jarurat se jayada asar tha. kyu ke kanta apne bhai behno mein sab se chotti thi.
mere sasur ki asal mein do shadiya hui thi. pehli biwi se do bache the. Kanta ka ek sotela bhai aur aur uss se chotti kanta ki ek soteli behan. Pehli biwi ki bimari ke kaaran maut ho gayi.
Uss ke baad kanta ke pita ne doosri shadi kar li. Uss ke fir chaar bache peda hue. Sab se badi suraj ki ek mausi fir suraj ke dono maama sur sab se chotti kanta.
Main jo ab tum ko batane ja raha hu wo mujhe sab kanta ki soteli behan ne bataya tha. jis ki kuch baras pehle hi maut hui he.
Suraj ki nani ki uss se do saal pehle maut hui thi. tab suraj ki umar 14-15 saal ki thi.
Suraj mail padhte padhte ruk gaya. Uss ko nani aachi tarah yaad thi. Aur sab se badi mausi bhi. Nani to aksar suraj ke ghar aa ke ruka karti thi. yahi sochte hue wo utha aur ek naya peg bana fir se mail padhne laga.
Hari ne aage likha tha:
Suraj ki naani apne beto ke paas bahut kam rehti thi. wo jayada apne purane ghar jo ke ek gaon mein tha wahi raha karti thi. uss ke bête jo ke kaafi ameer the fir bhi apni maa ko paas na rakhte. Wo bas uss ke gujare ke liye har month pese bhej dete.
Ek badi umar ki aurat ko sau dukh takleef ho jaati he. Do do beto ke bawjood bhi wo bechari akeli padi rehti gaon ke ghar mein. Kabhi dil udaas hota ya fir bimar hoti to ya wo apni sauteli beti ke ghar chali jaati ya fir kanta ke paas aa jati. Jaha bhi jaati uss ka ek hi rona tha ke uss ke bête uss ko nahi poochhte. Issi takleef ke saath wo chali gyi iss duniya se.
Kanta ki maa ne hi bataya ke kanta ke dono bhai pehle ameer nahi the. Dono ki shadi hui tab wo sab gaon ke ussi ghar mein rehte the jaha ab kanta ki maa akeli rehti thi. kanta ki maa ne hi kanta aur soteli behan ko yeh bataya ke uss ke dono bête ameer kese banne.
Suraj ki naani ki sab se badi beti aur pehli santaan. Yani ke kanta ki apni sagi behan ki shaadi ek ameer ghar mein hui. Suraj ka yeh mausa apne maa baap ki iklauti santan tha. yeh ek itfak hi tha ke uss ki shadi ke kai baras baad tak koi aulad peda na hui.
Kanta ki badi behan apne dono bhaiyo se behad pyar karti thi. wo kisi na kisi bahane unn ki help karti rehti. Suraj ka mausa ek shareef insaan tha. uss ki patni apne bhaiyo ki madad karti he iss se uss ne kabhi aitraaz bhi na kiya.
Kanta ke dono bhaiyo ki najar shuru se hi behan aur behnoi ki jameen jaydad pe thi. dono parle darje ke harami the. Unn ki sohbat bhi kuch ese bando ke saath hi thi jinn ka kaam hi shareefo ki sharafat ka fayda uthana tha.
Wese to kanta ki behan apne bhaiyo ki hamesha help karti hi par fir bhi dono bhai chahte the ke wo ab raato raat ameer ban jaaye.
Iss ke liye unnho ne ek plan banaya. Ek raat dono ne mil ke apne behnoi ke saath beth daaru pee. Uss ko unn ho ne nakli sharaab pila di. Do din bimar rehne ke baad hi nakli sharaab peene se kanta ka bada behnoi chal basa.
Kanta ki behan bhi yeh sadma seh na pai. Wo bhi agle maah chal basi. Dono bhaiyo ne apni marri behan ka angootha jameen ke sabhi papers pe laga kabza kar liya.
Kanta ki shadi pehle hi mere saath ho chukki thi. mere paas pese ki kabhi kami na rahi. Kanta ke bhaiyo ki najar to meri daulat pe bhi thi. par mere saamne unn ki ek na chalti kyu ke kanta ko apne bhaiyo pe pehle hi shak ho chukka tha.
Kanta ki maa suraj ke peda hone ke baad se hi kanta ke kaan bharne lagi ke kal ko agar koi musibat aaye to saath to beti hi deti he. Bête to bas pese ke yaar hote he.
Kanta ki maa sath mein yeh bhi kehti ke tera beta he to unn ka bhanja hi na. kanta ki maa jab yeh baatein karti kanta se tab hina to itni badi na thi ke kuch jayada samaj paati par kitty samajdaar thi. kanta ke saath saath uss ke dilo dimag par bhi inn baato ka asar hone laga.
Wese bhi kitty ghar mein sab se badi hone ke kaaran har cheez pe apna hak jayada samjhti. Kanta ke bhaiyo par suraj ki nature to na gayi thi. par kitty jarur unn ki soch rakhti he. wo khud ko sab se akalmand maanti aur chahti ke hina aur suraj uss ke anusar hi chale ussi ke isharo pe naache.
Kanta chahe shuru shuru mein apne bhaiyo ke virudh thi. par maa ki maut ke baad wo apne bhaiyo ki aur thoda jhukne lagi. Kyu ke maayeke mein ab koi tha to uss ke bhai aur bhabiya.
Udhar kanta ke bhai bhi bade hoshiyar the. Unn ho ne dekh liya ke meri daulat haasil karna unn ke vash mein nahi to wo mera istemaal meri pehchan aur mere rasookh ka fayeda utha karne lage. Kai baar wo kisi maamle mein fass jaate to main jaa ke unn ki jamanat de deta. Ya kese bhi kar unn ko bacha leta. Issi liye wo dono kanta ke saath meetha bann ke rehte ab.
Tab mujhe unn ka yeh sach nahi pata tha. par jese jese mujhe yeh sab pata chala maine haath kheenchna shuru kar diya. Par fir bhi kai baar sab jaante hue maine kanta ke liye unn ka saath diya. Par abhi jab unn pe bahu ko jalane ka aur uss begani bachi ko maarne ki koshish ka aarop laga he to maine unn ki help karne se saaf inkar kar diya.
Iss maamle mein to kanta ne bhi jor na diya. Par kanta ke dimag mein jo zehar bhar chukka he suraj ke against uss se main behad chintit hu. Ooper se kitty ka laalach. Kitty chahti he ke mere kaam pe uss ka adhikar rahe.
Wo chahti he ke suraj ki shadi uss ke sasural mein kisi ladki ke saath ho jaaye ta ke suraj hamesha uss ke hi isharo pe naache.
Issi karan neelima jesi bachi meri bahu na bann payi jis ke pyar mein suraj pagal tha. aur jab ek nayi kiran parul ke roop mein dikhi to uss ke liye bhi rukawat kisi ne peda ki to kitty ne ki.
Tum hi socho radhika parul jesi bachi ko apne ghar ki lakshmi banana kis ka sapna na hoga. Neelima ke suraj ki jindgi mein jaate hi parul aa gayi.
Main to dil se yahi chahta hu ke parul meri bahu bane. Par mujhe nahi lagta ke kanta aur kitty esa hone degi. Shayad unn dono ke karan mera yah sapna sapna hi reh jaaye ga parul ko bahu ke roop mein dekhne ka.
Ho sakta he beta main ek din iss duniya se chala jau. Mere jaane ke baad shayad kitty apne kisi maksad mein kaamyaab ho jaye.
Ya to wo suraj ki shadi apne sasural mein karva de. Jis ki mujhe umeed nahi kyu ke suraj ko unn mein se na to koi ladki pasand he aur na wo kisi ko apne kareeb aane de raha he.
Agar esa nahi hota to kitty kuch bhi kar ke mera business hathiyane ki koshish kar sakti he. Suraj aaj bhi apni maa ke kehne pe apna saara rupeya pesa tayag sakta he. Wo iss maamle mein bhavuk he. Wo pyar ka bhookha he. Uss ki iss nature ka galat fayeda utha sakti he kitty kanta ko istemaal kar ke.
Agar tum ko kabhi kuch esa lage. Tab tum meri yeh mail suraj ko dikha dena.
I hope yeh sach jaan ke wo sab samajh jaaye ga.
Wo tab yeh bhi samajh jaaye ga ke maine apna business poori tarah apne jeete ji kyu uss ko de diya.
Radhika maine jo tum ko kitty ke baare mein bataya iss ka yeh arth kabhi mat nikalna ke main kitty ke virudh hu.
Wo meri pehli santan he. Kitty bhi mujhe utni hi pyari he jitna suraj ya fir hina.
Main hamesha yahi chahta tha ke mere teeno bache sadaa pyar se rahe ek doosre ke saath. Par wo to kabhi hota nahi jo insaan sochta he.
Hina se mujhe kabhi koi shikayat nahi he. Yeh thik he hina wahi karti he jo uss ki mom kehti he. Par hina ke liye main yeh keh sakta hu ke wo kabhi kisi ka bura nahi soch sakti.
Iss ka ek karan yeh he ke wo seedhi aur bholi he. Doosra uss ka pati bahut nek, imaandar aur rab se darne wala banda he. Dil ka saaf he iss liye muh fatt he. Sahi ko sahi aur galat ko galat kehne se kabhi nahi darrta. Uss ki iss aadat se kitty bhi chalti he.
Bas kitty pata nahi kyu esi ban gayi. Wo chahti he jo wo kahe sab wahi maane. Wo khud ko sab se ooper maanti he. Uss ke dil mein pese ki bhookh he yeh dekh mujhe shuru shuru mein acha lagta. Par jab iss bhookh ka asal kaaran uss ka laalach nikla tab sach maano radhika mai kai din tak preshan raha.
Tum ko herani hogi. Wo utni hi zaheen he jitni tum ho. Par wo apne iss talent ka isstemal ache se na kar pai. Uss ka yeh talent dekh kar maine uss ki studies complete hote hi business mein apne saath daalna chaha tha. jab maine uss ko yeh kaha to uss ne aane se pehle hi sharat rakh di ke business mein aate main uss ko saare rights de du.
Tum hi batao yeh kese koi kar sakta he. Do chaar saal baad uss ko to shadi kar ke apne sasural chale jana tha. to uss surat mein main kya sadak pe aa jata.
Wo meri beti thi. mere baaki bacho ki tarah hi. par uss ke liye main apne baaki parivar ko kya dar dar ki thokre khaane ko chhod deta.
Agar kitty mere saath thik dhang se business mein aa mujhe assist karti to mera delhi mein office kholne ka sapna shayad tabhi poora ho jata.
Khair jo uss ooper wale ko manjoor. Mera wo sapna to tere haath se poora hona tha na. tabhi to tu aa gayi mere paas khud hi chal ke.
Beta maine tujhe yeh jo sab bataya he mere jeete ji bas tum tak hi rahe. Maine bahut trust kiya he tum pe.
Suraj ko bhi yeh tum sirf tab hi batana jab tum ko koi raasta dikhai na de. Mere baad mera koi bacha kisi dukh mein na rahe.
Mujhe suraj pe poora yakeen he kal ko kabhi bhi agar meri kisi beti ko bhi uss ki jarurat pade gi to wo peechhe nahi hate ga. Kitty ho ya hina wo kese bhi rahe uss ke saath. Par wo mera beta he. Kisi ka bura kabhi nahi soch sakta.
Tum sada khush raho sukhi raho. Tumara parivar bahut achha he radhika beti. Tum sab ki khushiya sada salaamat rahe.
Tumara uncle
Hari.

Suraj ne yeh mail uss raat do baar padi.
Uss ke baad khana kha laptop le bed pe aa gaya.
Agar drink na ki hoti to shayad so nahi pata.
Fir bhi der tak wo jagta raha.
Subah rani ne jab chai di.
To chai pee.
Toilet se aa fir se papa ka laptop khol wahi mail fir se padhne laga.
Uss ke dil mein ek baar aya ke wo radhika se mail ke baare mein baat kare par fir uss ne yeh vichar tyag diya.
Uss ke dil mein kitty ke liye nafrat uthne lagi.
Kitty apne laalach ke liye uss ki jindgi se kese khilwad kar sakti he.
Uss ne dil hi dil mein thaan li.
Ab wo khele ga sab ki bhaavnao se.
Uss ki neelu uss se chhinn gayi.
Aur ab pari ko bhi khone ja raha he.
Ek pal to uss ke dil mein yeh vichar bhi aya ke wo kyu na parul ki shadi se pehle hi uss ko bhagaa ke uss se shadi kar le.
Par doosre hi pal uss ke dil ne uss ko dhikaar di.
Wo yeh soch bhi kese sakta he.
Iyer aur Mrs. Iyer uss ko bête ki tarah pyar karte he.
Kese wo unn ki izzat se khelne ki soch sakta he.
Uss ki yeh soche tooti jab hina ke pati ki call aa gayi.
Suraj ne phone pick kar hello kaha.
Hina ke pati ne uss ko kaha ke usski chotti behan ki jis ladke se engagement kar rakhi he wo dus din baad india aa raha he.
Wo ladka Australia mein rehta tha.
wo log abhi ke abhi shadi karna chahte he.
Iss liye hina ka pati chahta he ke papa ki barsi issi Sunday ko kar di jaaye.
Suraj ne kaha ke wo mom se baat kar le.
Tab hina ke pati ne kaha ke uss se baat ho gayi he.
Suraj ne bhi yes kar di.
Hina ka pati to barsi suraj ki kothi mein karna chahta tha.
par kanta aur kitty na maani.
Tab final yeh hua ke yeh kaam Gurdwara Sahib mein hi kiya jaaye ga.
Suraj ko iss se koi aitraaz na tha.
Coming Sunday ko barsi kar di gayi.
Suraj aage ho ke kanta aur kitty se mila.
Wo kanta ke aage pyar lene ko jhuka.
Tab jese hi kanta uss ki peeth pe haath ferne lagi to kitty maa ka haath pakad kheechti hui aage le gyi.
Suraj ko ek baar gussa to bahut aaya kitty pe.
Par wo mokke ki najakat samajh ke gusse ko pee gya.
Suraj ne radhika, arun, prem, jyoti, neelima, updesh ke saath saath jyoti ki maa ko bhi bulaya tha barsi pe.
Neelima aur updesh ko dekh kanta heran ho uthi.
Kitty ke inlaws mein se jo bhi aya wo suraj ke paas aa uss se khass taur pe mila.
Suraj sab se khul ke mila.
Sab se ache se baatein karta raha.
Sabhi poochh rahe the ke wo shadi kab kare ga.
Suraj ne saaf keh diya ke dekho ab kis se pyar hota he.
Kaun achi lagti he.
Filhal to wo sab ke liye available he.
Fir wo hass ke yeh bhi keh deta.
Itni jaldi bhi kya he?
Abhi uss ki umar hi kya he?
Abhi to wo kuch saal moj masti kare ga.
Aish kare ga.
Fir jab koi apne level ki mil gayi to shadi bhi kar lega.
Radhika, prem etc. suraj ki yeh baat sunn ke thoda heran the.
Kitty aur kanta bhi heran ci ho uss ko sab se baatein karte dekh rahi thi.
Uss raat ko suraj ne apne saare mehmaano ko uss ke saath dinner karne ko invite kiya.
Uss ne phone kar geeta aur aarti ko bhi bula liya.
Khoob masti kar rahe the sabi waha.
Radhika ne mokka paate hi suraj se poochh liya ke uss ka irada kya he?
Suraj ne poochha ke kis irade ka poochh rahi he wo.
To radhika ne kaha ke wahi jo wo din mein sab se keh raha tha…. aish, moj masti.
Suraj hass ke: wo….. kyu galat he kya? Yaar maaldar hu. Kaam dhanda bhi acha he to aish to banti he yaar.
Radhika bhi hass di: yeh tere bas ki baat nahi he bacha. Tu uss mitti ka bana hi nahi.
Suraj: yeh tujhe ab waqt aane pe pata chale ga.
Radhika kandhe uchka: dekhte he.
Dinner ke baad baaki sab to chale gaye.
Radhika arun aur apni beti baby ke saath wahi ruk gayi.
Unn ko subah delhi ke liye niklna tha.
Suraj bhi agle din dono ke saath delhi aa gaya.
Uss ko waha do nayi parties se milna tha.
Monday night waha ruk ke wo laut aya Tuesday ko.
Teen char din baad updesh aur neelima sunil ke saath uss ko milne aaye.
Sham ka time tha.
Suraj uss time apne office mein hi betha tha.
neelima ke haath mein ek sweets ka dabba tha.
Suraj dabba dekh smile dete bola: yeh kis khushi mein?
Updesh: bhai sahib maine ek car le li he.
Suraj jhat se uth ke updesh ke galle mila aur badhai di dono ko.
Fir bahar aa ke car dekhi.
Car dekh bola: arey yeh to second hand he. Nai kyu na li.
Updesh: bhai sahib abhi to driving seekhi he. Kuch der iss pe haath khul jaaye ga to fir nai le luga.
Suraj: kya updesh ji aap baat to karte mujh se. meri purani le jaate haath kholne ko.
Updesh hass ke: chalo ji ab jo hona tha ho gaya.
Suraj ne waha bula divya, pinki aur lady peon sab ka muh meetha karvaya.
Lady peon ko bol ander rani ko chai bhejne ko kaha.
Kuch der baad hi rani khud chai le aai.
Neelima aur updesh ko dekh dono ko Namaste ki.
Suraj ne rani ko bataya ke neelima ne car le li he.
Rani ne khush ho ke badhai di.
Chai ke baad bhi kuch der bethe dono.
Suraj se baatein karte karte updesh bola: bhai sahib ab aap bhi shadi kar hi lo. Kab tak akele rahe ge aap.
Itfak se rani ussi time khali bartan lene aa gayi thi.
Uss ne updesh ki yeh baat sun li.
Wo jhat se boli: main to kab se bol rahi hu suraj baba shadi kar lo, shadi kar lo. Par meri to yeh sune tab naa. Aap hi batao neela bibi yeh kya achi baat he itni chhotti umar mein roj roj yeh sharab pee ke sote he.
Yeh sunn kar updesh ko jaha dukh hua wahi neelima pe to jese bijli hi gir padhi thi.
Updesh: bhai sahib hum yeh kya sunn rahe he.
Suraj kuch na keh paya tha.
wo bas chup reh gaya.
Neelima ne kese apne aansoo roke wo hi jaanti thi.
Updesh aur neelima kuch der aur ruk ke waha se chale gaye.
Wapsi pe updesh saare raaste suraj ki hi baat karta raha.
Wo keh raha tha ke sab ko khush karne wala.
Sab ke dukh dard baantne wala khud kitna akela aur udas he.
Kaash wo uss ke liye kuch kar sake.
Ghar aa neelima bathroom mein ghuss ke khoob roi thi.
Wo updesh ko kese kehti ke suraj ki iss udasi ke liye wo jimmevar he.
Uss ke har dard ke liye sirf wahi kasoorvaar he.
Uss raat ko moka paate uss ne suraj ko call ki par suraj ne call na uthai.
Wo jaanta tha ke neelima uss ko peene se roke gi.
Aur wo uss time bhi betha pee raha tha.
Updesh har raat ko sone se pehle tv ke ek channel pe songs lagata tha.
Yeh channel pe hamesha hi ya to purani movies ya fir purane songs bajte the.
Yeh updesh ko bahut pasand the.
Neelima ko to shuru se ese hi songs pasand the.
Updesh yahi laga ke betha hua tha.
Sunil so chukka tha.
Neelima bhi sara kaam nipta ke bed pe aa gayi thi pati ke paas.
Chahe wo pati aur bête ke saath thi.
par uss ka dhayan abhi bhi suraj mein tha.
Wo chup chap bed pe late gayi.
Tabhi ek song shuru hua tv pe….. lag ja gale ke fir yeh haseen raat ho na ho.
Jese jese iss gaane ke bol neelima ke kaano mein padhte gaye.
Neelima ka dil phatne laga tha.
Suraj ke sath manali mein wo new year ki raat yaad aane lagi.
Jab uss se sehan na hua to wo rone lagi siskiya le le ke.
Updesh chonk pada neelima ki siskiya sunnte hi.
Updesh uss ki baajoo pakad: kya hua neela?
Neelima kuch na bol pa rahi thi bas roye ja rahi thi.
Updesh ne kheech ke neelima ko apne seene se laga liya.
Bade pyar se bola: neela batao bhi kya hua?
Rote rote neelima boli: aap hamesha hi poochhte he na suraj udas kyu rehta he.
Updesh heran sa ho: haan.
Neelima: main jaanti hu uss ki udasi uss ke har dard ka kaaran.
Updesh: kya? Tum jaanti ho kya?
Neelima: ji.
Updesh: arey to batao na kya kaaran he? Hum sab mil ke uss ki udasi ka hal kare ge. Uss ko wo khushi de ge jis pe uss ka hak he. Hum sab uss ke har dard ki dava kare ge.
Neelima ka rona aur tej ho gaya: nahi ho sakta ab uss ka hal. Uss ke iss ki dard dava nahi he koi. Uss ki sab khushiya lut chukki he. wo uss ko kabhi na mil paaye gi.
Updesh herani se: arey esi kaun si khushi he jo lutt chukki he. jo uss ko mil nahi sakti.
Neelima ne ek pal ke liye apni saansein roki.
Apna rona roka.
Aankhein saaf karti wo bed pe seedhi ho ke beth gayi.
Fir wo badi himmat juta ke hichkiya leti hui boli: main.
Updesh uchhal hi to pada tha sun ke: tum? Tum uss ki khushi ho par kese?
Aur fir neelima dheere dheere apne bachpan ke pyar ki kahani apne pati apne bache ke baap ke saamne rakhne lagi.
Sab bata ke boli: main gunahgaar hu… aap ki…… apne bachapan ke saathi ki……. Maine bewafai ki aap ke saath…. Apne pyar…… apne raju ke saath……… Mujh se ab ghutt ghutt nahi jiya jata updesh……. Main suraj ko til til kar marte nahi dekh pa rahi….. Aap batao main kya karu?...... Aaj jab suna ke wo daily peene laga he to nahi seh pai main…….. Aap ke saamne nahi bol pai raju se ke wo na peeye…… Wo na barbaad kare apni jindgi apni bewafa neelu ke liye…… kahu bhi to kese kahu….. kis hak se kahu……. Uss ki iss haalat ki jimmevar main hi to hu………
Kehte kehte neelima fir se foot foot ke ro di.
Updesh ne kheech ke uss ko baahon mein bhar liya.
Bade hi dard se bharra bola: yeh tum ne kya kiya neela…. Tum ne mere saath koi bewafai nahi ki……. Par haan suraj ke saath jarur ki…... Tum meri nahi agar gunahgaar ho to raju ki….. Kaash yeh mujhe tum ne pehle kaha hota shadi se to…….. main khud tum ko tere raju ke paas le jata……. Par ab to yeh sab ho nahi sakta…… kaash main waqt ko modh pata…..
Fir kuch pal ruk ke bola updesh: maana neela ke suraj ke saath jo hua thik nahi hua. Par yeh sadaa yaad rakhna. Wo ek bahut hi nek aur sacha insaan he. wo kabhi kisi ka bura nahi sochta. Takdeer bhalle aaj uss se roothi hui ho. Par sada roothi nahi rahe gi. Hum sab mil ke dua maange to ooper wala jarur sune ga. Koi aaye ga jo uss ke har dard ko apne pyar se dur kar dega.

Uss raat neelima roti hui soyi thi pati ki baahon mein.
Updesh iss baat ke liye dukhi mehsoos kar raha tha ke uss ke karan do pyar bhare dil toot gaye.
Par iss mein uss ka bhi kya kasoor tha.
Uss ko to iss baat ka pata tak nahi tha.
Yeh sab pata chalne ke baad bhi updesh ke dil mein neelima ke prati pyar kam na hua.
Suraj ke liye uss ke dil mein izzat aur badh gayi thi kyu ke kabhi bhi suraj ne koi esi harkat na ki thi.
jis se neelima ko koi preshani ho.
Ya Unn ki shadi shuda jindgi pe koi aanch aaye.
Wo to ulta neelima ki khushi ke liye har kaam karta.
uss ke liye uss ki khushali ke liye kaamna karta.
wo chup chap sare dard akela sehta raha.
Aur shayad aur bhi sehta rahe ga.
Agle din neelima ne jyoti se baat ki ke suraj daily peene laga he to jyoti bhi tadap uthi.
Uss ne neelima se kaha ke wo dua maange ke koi chamatkar ho aur suraj aur parul ka Milan ho jaaye.
Agar esa na hua to yeh suraj ke liye aur bhi bura ho sakta he.
Fir shayad suraj ko sambhalna aur bhi mushkil ho ga.
Yeh sun neelima aur bhi tadap uthi.

Suraj ko jab kabhi bhi kitty ke inlaws mein se koi ladki ya kanta ki friends ki koi beti mil jaati to suraj ussi se flirt shuru kar deta.
Agar koi watsapp pe chat karti to suraj koshish karta ke uss se hot chat kare.
Par esa wo kar na pata.
Agar koi movie ya ghoomne ke liye kehti to suraj pehle to haan kar deta.
Par fir waqt aane par wo koi bahana kar jaata.
Radhika ki yeh baat yaad aate hi ke yeh sab uss se na ho paaye ga wo akela hi smile dene lagta.
Kuch din baad hina ki nanad ki shadi aa gayi.
Suraj waha gaya.
Kanta aur kitty bhi aai hui thi.
Suraj dono se mila.
Kanta suraj ko kaafi kamjor lagi.
Suraj reh na paya kehne se: mom aap kitni weak ho gayi ho.
Kitty bade hi kadwe sawar mein: itni hi fikar he mom ki to le ja. Kar sewa.
Yeh bol ke kitty waha se nikal gayi.
Suraj kanta ka haath thaam: mom chalo aap mere saath. Please mom. Aap ka beta hu main koi dushman to nahi. Mera bhi to hak he na. mere paas jo kuch bhi he wo aap ka hi to he.
Kanta: suraj main jaha hu thik hu. Bahut khush hu.
Itne mein barat aane ki awaaz aai to hina ne dono ko baraat ke swagat ke liye bula liya.
Hina ke pati ne suraj ko apne saath hi rehne ko kaha.
Uss ne apni behan ke pati aur saas sasur se khaas taur pe milwaya yeh bol ke yeh he mere iklote saale sahib.
Issi beech suraj ke kandhe pe kisi ne haath rakh ke kaha: hi devar darling.
Suraj ek dum se palta.
Uchhal hi to pada tha.
saamne jyoti, prem, prem ke mummy papa aur prem ki behan jasmeet aur uss ka pati beti ko goddi liye tha.
Suraj khushi se sab se lipat gaya.
Suraj ne soch rakha tha ke wo kuch der baad hi waha se koi bahana banaa ke nikal jaaye ga.
Par ab prem ki family ke saath to uss ko rukna hi tha.
Jaimala ki rasam ke baad jab photo session chala to suraj bhi prem ki family ke saath hi tha.
Prem ne bataya ke dur ke rishte se dulha uss ka cousin he.
Prem ko pata tha ke suraj yahi mile ga.
Kyu ke uss ko pata chal gya tha ke ladki hina ki nanad he.
Par suraj ko surprise dene ke liye uss ko pehle nahi bataya.
Prem ne dulhe se suraj ko milvaya.
Prem: veer aah he mera yaar mere jigar da chhalla suraj. Jis da main jikar kita ci tenu. (bhai yeh he mere jigar ka chhalla suraj. Jis ka jikar kiya tha tujhe.)
Dulha: veere ehnu ta mil chukka eh ta mere saale sahib da saala he. (bhai iss ko to main mil chukka hu yeh to mere saale sahib ka saala he.)
Jasmeet: par eh saadi vi family da hissa he. Jive prem ove hi suraj. (par yeh hamari bhi family ka hissa he. Jese prem wese hi suraj.)
Prem ki mummy: eh ta menu prem to vi vad piyara. Je eh na hunda ta jyoti meri dhi na ban aandi sade parivar ch. (yeh to mujhe prem se bhi badh ke pyara he. Agar yeh na hota to jyoti meri beti na ban ke aati hamare parivar mein.)
Yeh keh ke prem ki mummy ne jyoti ko seene se laga liya.
Jyoti: veer ji assi saare ikathe study kiti he. School to le ke. (bhaiya hum sab ek saath padhe he. School se le ke.)
Dulha: fer hun ess li vi kudi labho te karo viah. Ehne tuhada karva ta tuhada vi te farz bann-da. (fir ab iss ke liye bhi ladki dhoondo aur karo shadi. Iss ne tumara karvaya to tumara bhi koi farz bann-ta he.)
Baaki sab ko iss baat pe khamosh hota dekh suraj hass ke bola: oh karva la ge aapa vi veer. Pehla tuhade viaha da hashar ta dekh liye ki hunda. Aapa nu haje koi jaldi ni. (oh karva le ge hum bhi bhai. Pehle tumari shadiyo ka to hashar dekh le kya hota he. Mujhe abhi koi jaldi nahi.)
Hina ki nanad jo ke dulhan bani sab dekh sun rahi thi.
badi hasrat bhari nigah se suraj ko dekh rahi thi.
kyu ke ek time pe to wo bhi suraj ke sapne dekha karti thi.
Ferro ke baad jab dance ka prog shuru hua to suraj ko jyoti aur jasmeet kheech ke le gayi dance karne ko.
Kanta aur kitty dur bethi dekh rahi thi suraj ko.